Morgunblaðið - 22.08.2004, Síða 13
N
ý plata Bjarkar Guðmundsdóttur kemur út mánu-
daginn 30. ágúst. Hún heitir Medúlla. Fjórtán lög,
tekin upp í Brasilíu, Bretlandi, Kanaríeyjum,
Bandaríkjunum, Ítalíu og Íslandi með íslenskum
kór, inúískri söngkonu, hip-hoppara frá New York
og fleirum. Lagið Oceania frumflutti hún á setningu Ólympíuleikanna
fyrir rúmri viku, tvö eru komin í útvarpsspilun, hin eru leyndarmál.
Nema kannski vögguvísa Jórunnar Viðar, Vökuró, við texta Jakobínu
Sigurðardóttur. Íslenskur tónlistararfur togar stundum í Björk. Og alls
konar annar arfur.
„Orðið medulla er latína og þýðir mergur. Getur verið mergur í
beinum, nýrum, heila, þetta blauta í miðjunni,“ segir Björk. Hún situr
með freyðandi kaffi í gömlum postulínsbolla við borðstofuborð sem
gæti verið heima hjá einhverjum. En er raunar á reykvískum veit-
ingastað.
Fyrir utan þá staðreynd að hver ný Bjarkar-plata þykir frétt á heims-
vísu – slík er staða hennar orðin – sætir Medúlla tíðindum fyrir þær
sakir að öll lögin eru unnin með röddum. Þá er hvorki átt við rímur né
rakarakvartetta, hér er bókstaflega átt við að allir hljómar plöt-
DÝPSTU
BJARKAR
RÆTUR
Hvernig beygist Björk? Um Björk … -u?
Hvernig er nafnið borið fram þegar tónlistin
hennar er spiluð í Slóvakíu og Japan? Bjørhk?
Kannski breytir það ekki öllu. Kannski beygist
hún heldur ekki. Hún er laufgaðasta björkin
sem við þekkjum og nú hvíslar hún inn í rokið
og raddar yfir lognið. Músík fyrir merg og
bein. Hér kemur Medúlla.
Eftir Sigurbjörgu Þrastardóttur
Ljósmyndir Warren Du Preez
og Nick Thornton-Jones
22.8.2004 | 13