Morgunblaðið - 15.10.2005, Blaðsíða 22
22 LAUGARDAGUR 15. OKTÓBER 2005 MORGUNBLAÐIÐ
MINNSTAÐUR
AKUREYRI
SUÐURNES
leikur með Hallgrími í Hvalsnes-
kirkju, Guðrún Gunnarsdóttir og
Friðrik Ómar flytja lög Ellýjar Vil-
hjálms og Vilhjálms í Ytri-Njarð-
víkurkirkju, Sigvaldi Kaldalóns í
tali og tónum verður í Grindavík-
urkirkju.
Í Útskálum flytur Karlakór
Keflavíkur Stjána bláa og fleiri
sjómannalög en prófessor Gísli
Gunnarsson flytur erindi um sjó-
mennsku á Suðurnesjum. Þá
fjallar dr. Bjarni F. Einarsson
fornleifafræðingur um landnám á
Suðurnesjum og fornleifafundinn í
Kirkjuvogi. Keflavík býður upp á
fjölbreytta dagskrá sem og Kálfa-
tjarnarkirkja og í Innri-Njarðvík-
urkirkju flytur Barnakór Akur-
skóla lög undir erindi séra
Sigurðar Pálssonar „Arfurinn“ um
Jón Þorkelsson Thorchillius skóla-
stjóra.
Að sögn Kristjáns Pálssonar for-
manns Ferðamálasamtaka Suður-
nesja er dagskráin í hverri kirkju
tímasett þannig að þeir sem vilja
fara á milli kirkna eiga að hafa
nægan tíma til þess. „Þetta er í
þriðja skiptið sem þessi hátíð er
haldin og við erum að vonast til að
hún festi sig í sessi. Okkur finnst
áhuginn á þessu benda til þess að
svo verði,“ segir Kristján, sem hef-
ur setið í undirbúningsnefnd
menningardags kirkna á Suður-
nesjum fyrir hönd ferðamálasam-
taka Suðurnesja frá upphafi. „Dag-
skráin er miðað við það að í hverri
kirkju sé einhver efniviður sem á
rætur sínar í þeim stöðum. Þannig
höfum við til dæmis haft mikið af
Hallgrími Péturssyni í Hvalsnes-
kirkju, enda var það hans fyrsta
brauð. Einnig höfum við sótt
Suðurnes | Undirbúningur fyrir
menningardag í kirkjum á Suður-
nesjum er nú í fullum gangi, en
dagskráin mun hefjast í Kálfa-
tjarnarkirkju kl. 10 sunnudaginn
23. okt. nk. og fer svo úr einni
kirkjunni í aðra og er hver kirkja
með sína dagskrá.
Meðal viðburða í þeirri fjöl-
breyttu dagskrá sem verður í boði
verða tónleikar þar sem Megas
margar persónur úr lífinu í Njarð-
vík, sem hafa gert garðinn frægan.
Við höfum átt marga góða söngv-
ara og minnumst m.a. Ellýjar og
Vilhjálms Vilhjálmsbarna með tón-
leikum.“
Sungið til heiðurs
Sigvalda Kaldalóns
Kristján segir viðburðina vissu-
lega hvern með sínum hætti og
hver kirkja hafi sína dagskrá. „Þá
er þessu dreift þannig yfir daginn
að allir sem vilja eiga að geta notið
allra atburðanna í hverri kirkju,“
segir Kristján og bætir við að hér
sé um að ræða eina samfellda
menningarveislu í ellefu klukku-
tíma. „Dagskránni lýkur svo í
Grindavíkurkirkju eins og ævin-
lega. Þar hefur ávallt verið mjög
fjölbreytt dagskrá sem sóknar-
presturinn hefur undirbúið með
sínu fólki. Í þetta skipti er það Sig-
valdi Kaldalóns sem átti heima í
Grindavík lengi á sinni ævi. Þá
munu kirkjukórinn og margir
sagnamenn segja frá lífinu sem
Sigvaldi Kaldalóns stóð fyrir í
Grindavík á sínum tíma og syngja
honum til heiðurs.“
Í fyrra komu um 1.100 manns í
kirkjurnar á þessum degi og von-
ast undirbúningsaðilar eftir góðri
þátttöku núna en aðgangur er
ókeypis. Að undirbúningnum
standa bæði prestar og mikill fjöldi
safnaðarbarna úr hverjum söfnuði,
auk þess sem fengnir eru að fræði-
menn og listafólk. Undirbúnings-
nefndina skipa, auk Kristjáns, sr.
Gunnar Kristjánsson prófastur
Kjalarnesprófastsdæmis og Val-
gerður Guðmundsdóttir menning-
arfulltrúi Reykjanesbæjar.
Samfelld ellefu tíma
menningarveisla
Morgunblaðið/Reynir Sveinsson
Fjölsótt hátíð í fyrra Fjöldi fólks sótti menningardag kirkna og naut fjöl-
breyttrar dagskrárinnar á Suðurnesjum í fyrra.
Megas, barnakór, Guðrún Gunnars og Karlakór Keflavíkur á menningardegi í kirkjum
NEFND um úrbætur í húsnæðismálum Fim-
leikafélags Akureyrar hefur skilað skýrslu til
bæjaryfirvalda. Þar kemur m.a. fram það
samdóma álit nefndarinnar að úrbætur í hús-
næðismálum félagsins séu afar brýnar.
Nefndin leggur áherslu á að fyrirliggjandi
framkvæmdaáætlun nái fram að ganga sem
allra fyrst og að Fimleikafélagi Akureyrar
verði gert kleift að hefja æfingar í nýju hús-
næði í byrjun haustannar 2007. Áætlaður
kostnaður við fyrirhugaðar framkvæmdir er
um 70 milljónir króna.
Fram kemur í skýrslunni að vöxtur Fim-
leikafélags Akureyrar hafi verið mikill og iðk-
endafjöldi farið úr 300 í 420 á aðeins tveimur
árum, sem er aukning um 40%. Er nú svo
komið að félagið treystir sér ekki til að fjölga
iðkendum fyrr en bætt aðstaða verður tilbúin
til notkunar. Skýrslan um úrbætur í húsnæð-
ismálum félagsins var til umfjöllunar á síð-
asta fundi íþrótta- og tómstundaráðs sem
samþykkti hana fyrir sitt leyti. Fimleika-
félagið er með aðstöðu í Íþróttamiðstöð Gler-
árskóla og niðurstaða nefndarinnar er sú að
hagkvæmast sé að byggja 18x25 metra við-
byggingu með fullri lofthæð við suðurenda
íþróttahússins, þar sem sett verði upp gryfja,
löglegt keppnisgólf, tvíslár og fleira.
Þá leggur nefndin til að bætt verði við 50
fermetra lægri viðbyggingu, með þriggja
metra lofthæð, sem nýtt verði sem geymsla
og vinnuaðstaða þjálfara. Nefndin leggur
einnig til að sýningaraðstaða í Íþróttahöllinni
verði bætt og fram að þeim tíma sem við-
bygging verður tilbúin verði bætt úr tækja-
kosti á báðum stöðum og úrbótum á sýning-
araðstöðu í Höllinni verði lokið áður en
viðbyggingu lýkur.
Úrbætur í húsnæðismálum Fimleikafélags Akureyrar fyrirhugaðar
Æfingar hefjist í nýju
húsnæði haustið 2007
Morgunblaðið/Kristján
Jafnvægi Ungar fimleikastúlkur í Fimleika-
félagi Akureyrar í æfingu á jafnvægisslá í
Íþróttamiðstöð Glerárskóla.
Sameiningarviðræður | Bæjarráð Siglu-
fjarðar og Ólafsfjarðar funduðu með Árna
Magnússyni félagsmálaráðherra í vikunni
vegna fyrirhugaðra viðræðna um samein-
ingu þessara sveitarfélaga. Á vef Siglufjarð-
arkaupstaðar kemur fram að á fundinum
hafi m.a. verið kynntar reglur sem gilda um
aðkomu ráðuneytis að hugsanlegri samein-
ingu, reglur um jöfnunarsjóð og fleira en
hins vegar voru engin loforð gefin um fjár-
magn frá ríkinu enda ekki tímabært á þessu
stigi. Bæjarstjórar beggja sveitarfélaga hafa
lýst yfir ánægju með fundinn. Gera má ráð
fyrir að í framhaldinu verði settar á fót
starfsnefndir hjá báðum sveitarfélögum til
þess að fara yfir málin og kanna til hlítar
möguleika á sameiningu. Tillaga um samein-
ingu 9 sveitarfélaga í Eyjafirði var felld í
kosningunum sl. laugardag, tillagan var að-
eins samþykkt á Siglufirði og í Ólafsfirði en
felld með afgerandi hætti í öðrum sveit-
arfélögum á svæðinu.
AKUREYRINGURINN Hafþór
Hauksson var kjörinn herra Norð-
urland 2005 í Sjallanum um síð-
ustu helgi. Jónas Freyr Guð-
brandsson hafnaði í öðru sæti og
Gestur Örn Arason í því þriðja.
Alls tóku 9 herramenn þátt í
keppninni að þessu sinni. Hafþór
var einnig valinn hármódel kvölds-
ins og Jónas Freyr var kjörinn
netherrann, sportherrann, Per-
fectgaurinn og ljósmyndafyr-
irsætan.
Morgunblaðið/Heiða
Föngulegir Jónas Freyr Guðbrandsson, Hafþór Hauksson og Gest-
ur Örn Arason á sviðinu í Sjallanum.
Hafþór herra
Norðurland
Mótmæla mismunun | Fé-
lagsfundur Samfylkingarinnar á
Akureyri samþykkti á fimmtudags-
kvöld ályktun þar sem fagnað er að
innan tíðar verður nýr leikskóli,
Hólmasól, tekinn í notkun og óskar
þeim sem þar munu nema og starfa
alls hins besta.
Fundurinn mótmælir hins vegar
harðlega þeirri mismunun sem inn-
leidd er í leikskólastarf í bænum
með þeirri ákvörðun meirihluta
skólanefndar að einkavæða þennan
nýjasta leikskóla bæjarins og
greiða hærra framlag vegna hvers
barns á skólanum en gert er á öðr-
um leikskólum bæjarins, segir í
ályktuninni.
Örn ráðinn sparisjóðsstjóri | Örn Arnar
Óskarsson hefur verið ráðinn sparisjóðs-
stjóri Sparisjóðs Norðlendinga. Hann tekur
við starfinu af Jóni Björns-
syni, sem hefur störf sem
framkvæmdastjóri Lífsvals
ehf. um áramótin. Örn kem-
ur til starfa í sparisjóðnum í
lok þessa mánaðar og mun
starfa við hlið fráfarandi
sparisjóðsstjóra fyrst í stað.
Örn Arnar Óskarsson er 35
ára að aldri. Hann er
rekstrarfræðingur að mennt og hefur und-
anfarin ár gegnt starfi viðskiptastjóra Ís-
landsbanka á Norðurlandi. Örn er kvæntur
Þórdísi Sævarsdóttur og eiga þau tvö börn.
Fiðla og píanó | Tónleikar verða í Tónlist-
arhúsinu Laugarborg á morgun, 16. október,
kl. 15. Þar koma fram Guðný Guðmunds-
dóttir konsertmeistari og Gerrit Schuil og
flytja m.a. Kreutzer-sónötu Beethovens og
Offerto eftir Hafliða Hallgrímsson.