Fréttablaðið - 18.11.2004, Page 71

Þörf á nýrri forystu
Þessi kjaradeila hefur kallað fram hið
versta í mörgum. Það getur tekið tíma
að vinna bug á þeim skaða sem orð-
inn er og það verður ekki gert nema
að grundvallarbreyting verði á hugar-
fari í forystu kennara. Kennarar þurfa á
framsýnum leiðtogum að halda sem
nærast á bjartsýni og sjálfsöryggi en
ekki bölmóði og óöryggi. Kennara-
stéttin á að vera óhrædd við breyting-
ar í átt til meiri samkeppni – í því felst
lykillinn að betri starfskjörum, metn-
aðarfullra skólastarfi og – það sem
skiptir mestu máli – árangursríkari
skólum fyrir nemendur.
Ritstjórnargrein á deiglan.com
FIMMTUDAGUR 18. nóvember 2004
Tímaritið Birta - frítt fyrir þig
• Spennandi að vera lærlingur í lífinu
• Þröng svöl og sexí jakkaföt
• Lára Sveins er Fresca frík
• Gallabuxur fyrir epli og perur
• Bíómyndir vikunnar
• Sjónvarpsdagskráin
• Persónuleikapróf
• Stjörnuspá og margt fleira
ÚTBREIDDASTA TÍMARIT LANDSINS
Leiðrétting
Nafn Ólafs Hvanndal misritaðist í
myndatexta við skuldahalann sem
var á kreiki við Ráðhús Reykjavíkur í
gær. ■
Ég hef lengi ætlað að skrifa þetta
bréf en nú get ég ekki lengur orða
bundist. Ég er 24 ára grunnskóla-
kennari og er nú búinn að standa í
baráttu fyrir bættum kjörum í tæp-
lega tvo mánuði.
Hér áður fyrr barðist verkalýðs-
hreyfingin af dugnaði og hugsjón
fyrir bættum kjörum síns fólks.
Fyrri hluta síðustu aldar var langur
vinnutími verkafólks og lág laun
viðtekin venja en fyrir tilstilli
verkalýðshreyfingarinnar varð
breyting þar á. Nú virðist mér hins
vegar að verkalýðshreyfingin sé
orðin gjörsamlega máttlaus svo
vægt sé til orða tekið.
Það er ekki nóg með að þið semj-
ið um lélegar kjarabætur fyrir ykk-
ar fólk heldur virðist þið jafnvel
beinlínis berjast gegn bættum kjör-
um annarra. Vegna fyrirvara í ykk-
ar kjarasamningum er nánast úti-
lokað að bæta kjör annarra laun-
þega. Það er engu líkara en að þið
séuð á mála hjá ríkisstjórn þessa
lands við að viðhalda láglauna-
stefnu hennar. Ég veit til þess að
fólk sem þið semjið fyrir lifir á
hafragraut, matargjöfum og treyst-
ir á að ættingjar bjóði því í mat
seinni helming mánaðarins. Finnst
ykkur þetta mannsæmandi líf sem
þið takið þátt í að bjóða fólki upp á?
Af hverju semjið þið ekki af alvöru
fyrir ykkar fólk í staðinn fyrir að
eyða orku ykkar í að koma í veg
fyrir kjarabætur annarra?
Nú liggur fyrir Alþingi frum-
varp ríkisstjórnarinnar um lækk-
um tekjuskatts um 1%. Maður þarf
ekki að vera mikill talnaspekingur
til að sjá að það nýtist hálaunafólki
þessa lands best. Fyrir það er þetta
ígildi utanlandsferðar en fyrir al-
mennt launafólk ein máltíð. Auð-
menn og fyrirtæki landsins hafa
verið pökkuð inn í bómull af ríkis-
stjórninni án þess að stjórnir
verkalýðshreyfinganna mótmæli.
Hagnaður bankanna er í tugum
milljarða og fjársterkir einstak-
lingar eru að braska með hlutabréf
í Kauphöll Íslands fyrir tugi ef ekki
hundruð milljóna. Hyggist þið ekki
mótmæla þessu frumvarpi? Væri
ekki nær að hækka persónuafslátt-
inn þannig að hann nýtist almennu
launafólki best?
Eftir 2 mánaða verkfall kennara
er staðan ekki glæsileg í menntun-
arhorfum þessarar þjóðar. Nú eru
kennarar dregnir með ól um háls-
inn inn í skólana. Ef grunnskólinn
er ekki þegar kominn í rúst mun
það væntanlega gerast í vor, því þá
verður trúlega almennur flótti úr
kennarastéttinni. Það er alveg ljóst
að þið eigið að hluta til sök á þessu
ástandi. Ætlið þið að styðja meðvit-
að eða ómeðvitað stefnu þessarar
hægri ríkisstjórnar sem er að rústa
opinbera menntakerfinu svo hægt
sé að einkavæða það með aðgengi
eingöngu fyrir efnafólk? Á fólkið
sem þið semjið fyrir rétt á góðri
menntun fyrir börn sín? Viljið þið
bera ábyrgð á að svo verði ekki?
Að lokum vil ég enda þetta á
tveimur orðum: Skammist ykkar! ■
Opið bréf til stjórnar
verkalýðshreyfingarinnar
ÓLAFUR ÖRN PÁLMARSSON
GRUNNSKÓLAKENNARI VIÐ
LAUGALÆKJARSKÓLA
UMRÆÐAN
VERKALÝÐSHREYFINGIN
ER MÁTTLAUS
Á meðan okkar ágæti utanríkis-
ráðherra sat í djúpum hæginda-
stólnum í bandaríska utanríkis-
ráðuneytinu og sötraði te með
Colin Powell, fráfarandi utan-
ríkisráðherra Bandaríkjanna,
sýndu sjónvarpsstöðvar úti um
allan heim myndskeið sem töku-
maður bandarísku NBC-sjón-
varpsstöðvarinnar tók og sýnir
bandarískan hermann drepa
óvopnaðan Íraka sem lá hreyfing-
arlaus á gólfinu í mosku í Falluja.
Utanríkisráðherra herlausu
smáþjóðarinnar í norðri hafði á
þessum einkafundi sínum með
bandaríska stallbróður sínum ein-
stakt tækifæri til að mótmæla
stríðsglæpum Bandaríkjanna eins
og áttu sér stað í moskunni og í
Abu Ghraib-fangelsinu svo dæmi
sé tekið, en ætli megi ekki telja
líklegt að slík grimmdarverk séu
einnig framin þegar myndavél-
arnar eru hvergi nálægar.
Ætli utanríkisráðherrann okk-
ar, sem hafði þessa einstöku að-
stöðu til að koma óhug þjóðar
sinnar á framfæri, hafi ekki ör-
ugglega gripið tækifærið? Af
fréttum að dæma virðist svo ekki
hafa verið, var víst of upptekinn
við að væla út framlengingu á
veru þessara fjögurra F-15 orr-
ustuvéla sem enn eru á Keflavík-
urflugvéli. Og það þótt þær séu að
sönnu vitagagnslausar og þar með
óþarfar. Og það sem meira er;
utanríkisráðherrann og íslensk
stjórnvöld almennt virðast, öfugt
við almenning í landinu, barasta
ekki hafa neinar athugasemdir
við ólögmæta hryllingsför Banda-
ríkjahers í Írak. Settu okkur
meira að segja á lista yfir hinar
viljugu stríðsþjóðir og sjá enga
ástæðu til að láta af stuðningi okk-
ar við ólögmæta herförina þrátt
fyrir að allir viðurkenni nú orðið
að forsendur stríðsins voru í besta
falli byggðar á kolröngum upplýs-
ingum og að öllum líkindum á
hreinum og klárum blekkingum.
En allt kom þetta fyrir ekki;
utanríkisráðherrann sat sáttur í
sinni og sötraði sitt te. Enda raun-
ar ákafari stuðningsmaður stríðs-
ins en sá sem á móti honum sat,
sjálfur Colin Powell, fráfarandi
utanríkisráðherra Bandaríkjanna.
En efasemdir hans um nauðsyn
þess að ráðast rakeiðis inn í Írak
þegar þeir náðu ekki honum
Osama í fjöllunum í Afganistan
hafa nú kostað hann ráðherra-
stólinn.
Höfundur er stjórnmálafræð-
ingur. ■
Stríðsglæpir í beinni
EIRÍKUR BERGMANN EINARSSON
SKRIFAR UM STRÍÐSGLÆPI
OG AFSTÖÐU ÍSLENDINGA
Ætli utanríkisráð-
herrann okkar, sem
hafði þessa einstöku að-
stöðu til að koma óhug
þjóðar sinnar á framfæri,
hafi ekki örugglega gripið
tækifærið?
,,
AF NETINU
26-71 Umræða (26-27) 17.11.2004 14:41 Page 3