Tíminn - 01.02.1975, Blaðsíða 12

12
TíMINN
Laugardagur 1. febrúar 1975.
,,Já, það skal ég gera. Og þið skuluð fá nægju ykkar af
lummum og hindberjasultu", svaraði Katrin.
Vinsældir Eiríks urðu æ meiri sem lengra leið á vetur-
inn. Hann var kominn í góðan kunningsskap við dætur
sumra fyrirmannanna, og loks stóð sjálfur kóngsgarður
honum opinn lika. Ráðskona Norðkvists, systurdóttir
hans, sem nú var tekin að reskjast, þurfti alltaf að hafa í
kringum sig hóp aðdáenda. Eiríkur á Klif inu var nýjasti
vildarmaður og draumariddari hennar. Hún dansaði við
hann, f ór með honum sleðafe'ððir og bauð honum til sín í
hús Norðkvists kapteins, þar sem þau undu við söng og
hljóðfæraslátt í setustofunni og drukku síðan kaffií
borðstof unni.
Hylli fátæka sjómannssonarins stóð svo föstum fótum
meðal unga fólksins, að jafnvel skipstjórar og synir
gildra bænda urðu að þoka um set fyrir honum. En þó
hefði dálítið afkáraleg fylgisemi hans við ráðskonuna i
kóngsgarði vakið aðhlátur, ef mönnunum hefði ekki
boðið ógn af Norðkvists-nafninu. Af þeim sökum var
aðeins hvislað í hálfum hljóðum, eða varla það, um ver-
girni gömlu truntunnar og stimamýkt unglingsins, sem
hefði sem bezt getað verið sonur hennar. En Norðkvists-
nafninu fylgdi sem sagt slík virðing, að skæðar tungur
héldu sér í skef jum og höfðu ekki í hámælum vafasama
framkomu Eiríks. Þar að auki urðu þeir æ fleiri, sem
löðuðust að Eiriki, hvort sem þeir vildu það eða ekki.
Honum var svo auðvelt að hrífa fólk. Þegar hann reis á
fætur í samkvæmum og byrjaði að spila og syngja, eftir
áskorun ungu stúlknanna, hnussuðu rosknu mennirnir
með fyrirlitningu, en þeir ungu kipruðu varirnar hæðnis-
lega og reyndu að koma af stað sem háværustu samtali.
En fiðluboginn hafði ekki lengi gnúð strengina, en at-
hygli þeirra beindist að unga fiðlungi, — glæsilegum,
iðandi af f jöri, fráneygum og með skjallahvítar tennur.
Ogþegar lagið var búið, klöppuðu þeir ekki af minni
ákefð en stúlkurnar og báðu hann að spila meira.
Það þótti brátt sjálfsagt að bjóða Eiríki i hverja góða
veizlu og láta hann skemmta gestunum, og þannig komst
hann í kynni við flest fyrirfólkið í skerjagarðinum.
Katrin velti því fyrir sér, hvert þetta stefndi, en fólkið í
byggðinni spurði sjálft sig, hvernig þetta hefði eiginlega
byrjað.
Senn var komið nýtt vor um Álandseyjar. Og Þórsey
vaknaði sem af blundi. Hamarshögg bárust neðan frá
Bátvíkinni, hlægjandi sjómenn þrömmuðu eftir vegun-
um og inni í heslilundunum hljómuðu fiðlur og
harmónikur.
Eiríkur og Gústaf unnu báðir alla daga í skútum, sem
lágu á Bátvikinni. Jóhann ambraði stundum niður eftir
til þess að horfa á allt þetta iðandi líf, sem hann gat ekki
framar tekið þátt í. Hann húkti aðeins á einhverjum
steininum í flæðarmálinu, einn og þögull og saman-
skroppinn í vetrardúða, og horfði á skipin og hlustaði á
skröltið í akkerisfestunum og vindunum Stundum bar
það við, að einhver skipstjóri eða stýrimaður aumkaði
sig yfir þennan gamla sjómann og tók hann með út í
f leytuna. Þá gat hann séð vinnubrögðin, fundið þilfarið
undir fótum sér og setzt að borðum með skipshöfninni,
ef hún mataðist þá um borð.
Á sunnudagskvöldum leiddust ungu stúlkurnar eftir
strandveginum og horfðu é skipaf lotann. Einn sunnu-
daginn slóst Katrín í hópinn, vorveðrið var svo blítt.
Hún settistá klettahlein niðri við sjóinn. i hendi sinni
hélt hún á fáeinum sóleyjum, sem hún hafði tínt með-
f ram þjóðveginum. Sammt f rá henni sátu ungar stúlkur
í hvirfingu á steinum og snösum. Þær voru allar í sínu
bezta skrúði og reyndu að vera sem glyðrulegastar og til-
gerðarlegastar, nú þegar svo margir ungir piltar voru í
byggðinni. En nú stóð þannig á, að allir, sem vettlingi
gátu valdið, jafnvel minnstu pattarnir, höfðu farið út í
skúturnar. Það var ekki nóg, að þeir ynnu þar sex daga
vikunnar: á sunnudögum fóru þeir þangað sér til
skemmtunar, klifruðu upp í reiðana og spaðjörkuðu
um þiljurnar.
Að sjá af ströndinni voru þeir eins og f lugur, þar sem
þeir lásu sig upp eða niður stögin. En stúlkurnar þóttust
samt þekkja þá og fylgdust með hverri hreyf ingu þeirra.
Þær pötuðu og hlógu og tístu og ráku upp dálítil
hræðslu- eða undrunaróp, þegar einhver sýndi sérstakan
fræknleik og dirfsku.
,,Sjáið þið, sjáið þið", hrópuðu þær, „hvernig hann
Franshennar Betu sveif lar sér kringum siglutréð".
„Affi í Bæ og Gústi á Klifinu eru komnir út á
brandaukann....Nú hanga þeir bara á fótunum, og
höfuðin lafa niður. Sjáið þið stelpur— stelpur!"
„Hver er það, sem klifrar þarna upp stórsigluna?".
„Skyldi hann ætla alveg upp á húninn?",
„Já, það máttu vera viss um".
„ Lítið þið bara á: nú er hann kominn alveg upp".
„ú-ú-hú! Nú leggst hann á magann á sigluhnokkann:
ú-ú-hú".
Laugardagur
1. febrúar
7.00 Morgunútvarp.
Óskalög sjúklingakl. 10.25:
Kristin Sveinbjörnsdóttir
kynnir.
12.00 Dagskráin. Tónleikar.
Tilkynningar.
12.25 Fréttir og veðurfretnir.
Tilkynningar. Tónleikar.
13.30 TIu á toppnum. örn
Petersen sér um dægur-
lagaþátt.
14.15 Aö hlusta á tónlist, XIV.
Atli Heimir Sveinsson sér
um þáttinn.
15.00 Vikan framundan.
Magnús Bjarnfreðsson
kynnir dagskrá útvarps og
sjónvarps.
16.00 Fréttir. Tilkynningar.
(16.15 Veðurfre'gnir).
tslenzkt mál. Dr. Jakob
Benediktsson flytur þáttinn.
16.45 Evrópumeistarakeppnin
I handknattleik. Sfðari leik-
ur FH og Vorwarts. Jón
Ásgeirsson lýsir siðari
hálfleik i Frankfurt an der
Oder. (17.15 Tónleikar).
17.30 Sögulestur fyrir börn.
18.00 Söngvar I léttum dúr.
Tilkynningar.
18.35 Veðurfregnir. Dagskrá
kvöldsins.
19.00 Fréttir. Fréttaauki. Til-
kynningar.
19.35 „Meira öryggi býöur
enginn” Þáttur um aug-
lýsingar i umsjá Ingólfs
Margeirssonar og Lárusar
Óskarssonar, siðari hluti.
20.00 Hljómplöturabb. Þor-
steinn Hannesson bregður
plötum á fóninn.
20.45 „Hengilásinn”, smásaga
eftir Ólaf Jóhann Sigurðs-
son. Höfundur les.
21.40 Létt tónlist frá finnska
útvarpinu. Sinfóniuhljóm-
sveit útvarpsins leikur, Kari
Tikka stjórnar.
22.00 Fréttir.
22.15 Veðurfregnir. Dansiög.
23.55 Fréttir i stuttu máli.
Dagskrárlok.
Laugardagur
1.febrúar
16.30 tþróttir Knattspyrnu-
kennsia. Þýðandi og þulur
Ellert B. Schram.
16.40 Enska knattspyrnan.
17.30 Aörar IþróttirUmsjónar-
maður Ómar Ragnarsson.
18.30 Lina langsokkur Sænsk-
ur myndaflokkur, byggður á
barnasögu eftir Astrid Lind-
gren. 4. þáttur. Þýðandi
Kristin Mantyla. • Aður á
dagskrá haustið 1972.
19.15 Þingvikan Þáttur um
störf Alþingis. Umsjónar-
menn Björn Teitsson og
Björn Þorsteinsson.
19.45 Hlé.
20.00 Fréttir og veöur.
20.25 Dagskrárkynning og
auglýsingar.
20.30 Elsku pabbi. Nýr, bresk-
ur gamanmyndaflokkur.
Aðalhlutverk Patrick
Cargill, Natasha Pyne, Ann
Halloway og Noel Dyson. 1.
þáttur. Þetta er konan þin
Þýðandi Dóra Hafsteins-
dóttir.
21.00 Barnasýning I Fjölleika-
húsi Billy Smarts Breskur
þáttur frá fjölleikasýningu,
þar sem börn og dýr leika
margvislegar listir. Þýð-
andi Jóhanna Jóhannsdótt-
ir. (Evróvision — BBC)
21.55 Meö ofurkappi (The
Lusty Men) Bandarisk bió-
mynd frá árinu 1952. Leik-
stjóri Nicholas Ray. Aðal-
hlutverk Susan Hayvard,
Arthur Kennedy og Robert
Mitchum. Þýðandi Jón O.
Edwald. Aðalpersóna
myndarinnar er kúreki,
sem hyggst afla sér fjár og
frama með þvi að leika listir
sinar, á sýningum, en kona
hans er þessu mótfallin og
lifir i stöðugum ótta um, að
slys hljótist af.
23.40 Dagskrárlok.