Fréttablaðið - 07.11.2007, Blaðsíða 36

Fatahönnuðurinn Edda Skúla-
dóttir flutti heim til Íslands
fyrir tveimur árum eftir að
hafa búið og starfað í Los
Angeles í nær áratug. Hún
selur fatnað sinn undir heitinu
Fluga í verslun B-Young/Cific
í Bankastræti og er þessa
dagana að vinna að kjól fyrir
Ragnhildi Steinunni.
„Ég nota mikið silkiefni sem ég kaupi í
Los Angeles,“ segir Edda um hönnun
sína. „Æskuvinkona mín, Imago, er
verktaki hjá mér og þrykkir á efnin.
Svo hef ég líka verið að gera jakka úr
ull sem sömuleiðis eru áþrykktir.“
Þessa dagana fer mestur tími Eddu í
að leggja lokahönd á kjól sem Ragn-
hildur Steinunn Jónsdóttir mun klæð-
ast í Laugardagslögunum. „Kjóllinn
verður kóngablár með svartri þrykk-
ingu og teygjanlegu svörtu pilsi að
neðan,“ segir Edda. „Ég er að sníða
hann og klippa í þessum töluðu
orðum.“
Edda segist hafa ákveðið að flytja
heim vegna fjölskyldu sinnar en hún á
tvær ungar dætur með Guðjóni Ólafs-
syni leikstjóra. „Það er ekki gert ráð
fyrir því að fólk eigi börn í tískuheim-
inum úti.“ Edda starfaði í Los Angeles
í níu ár, lengst af hjá hinu heimsþekkta
fyrirtæki Bebe. „Ég þekkti eina sem
vann í þessum bransa svo ég ákvað að
svala ævintýraþránni og fara út eftir
að hafa klárað klæðskeranám í Iðn-
skólanum hér heima. Í fyrstu vann ég
hjá hönnuðinum Steffi Dobrindt.
Þaðan fór ég yfir í For Joseph og
loks Bebe. Þar var verkaskipt-
ingin meiri og ég vann við bæði
sniðagerð og framleiðslu.“
Edda vann auk þess við tvær
stórar kvikmyndir, Blade og
Mission to Mars. „Ég gerði til
dæmis sniðið að frakkanum
sem Wesley Snipes var í þegar
hann lék í Blade,“ segir Edda
og hlær. „Svo gerði ég geim-
búninga fyrir Mission to
Mars.“ Edda bjó í sjálfri
Hollywood í Englaborg-
inni og segir það mikil
en jákvæð viðbrigði að
vera komin heim. „Það
er svo lítið áreiti hérna.
Okkur finnst það æðis-
legt.“
Nýja konan í lífi sir Pauls McCartn-
ey er hvorki leikkona, fyrirsæta
né söngkona heldur aðstoðarfor-
stjóri stórs flutningafyrirtækis í
Bandaríkjunum.
Bresku blöðin greindu frá því í
gær að Paul hefði sést versla í
undirfataverslun í New York og
nú er sú heppna sem fékk fínu
efnislitlu klæðin og franska ilm-
vatnið fundin. Nancy Shevell heit-
ir hún og er eiginkona stjörnulög-
fræðingsins Bruce Blakeman sem
á risastóra lögfræðiskrifstofu í
New York. Hún er af vellauðugum
ættum og stjórnar fjölskyldufyrir-
tæki sínu í New Jersey. Nancy er
ekki formlega skilin við manninn
sinn en er hætt að nota nafnið hans
og því má reikna með að skilnað-
urinn gangi í gegn á næstunni.
Hún virtist í það minnsta lítið
feimin við að láta hrifningu sína á
Paul í ljós og áttu þau nokkuð inni-
legar stundir í stórborginni ef
marka má ljósmyndir breska götu-
blaðsins The Sun.
Þar má einnig lesa allt um róm-
antískan dag þeirra sem fór meðal
annars í göngutúr á ströndinni við
Hampton, morgunmat og róman-
tískan kvöldverð við kertaljós og
kokteila á East Hampton Restaur-
ant. Síðan eyddu þau drjúgum
tíma í glæsivillum hvors annars
og sögðu sjónarvottar að engum
dyldist að þarna færi ástfangið
par. Þau gátu varla haft augun
hvort af öðru alla síðustu helgi og
voru aðeins í sundur í örfáa
klukkutíma. Tímann skyldi nýta í
nánar samverustundir, faðmlög og
innilegar samræður.
Leitinni lokið hjá McCartney
Hljómsveitin Vicky
Pollard komst í frétt-
irnar hjá breska dag-
blaðinu The Sun fyrir
að vera nefnd í höfuðið
á persónu í bresku
grínþáttunum Little
Britain.
„Þetta er svakalega
skemmtilegt fyrir
okkur og það er gaman
að fá svona umfjöllun,“
segir Eygló Scheving
Sigurðardóttir, söng-
kona Vicky Pollard. „Það er mjög skemmti-
legt hvað við erum búin að fá mikla athygli
fyrir nafnið okkar úti í Bretlandi. Eftir Ice-
land Airwaves hafði kona samband við
okkur frá The Sun sem hafði heyrt um
okkur og síðan fannst Kerrang! Magazine
við líka voða sniðug,
þannig að þetta er að
vekja lukku.“
Tímaritið Scratch
frá Los Angeles sýndi
Vicky Pollard einnig
áhuga eftir Airwaves-
hátíðina og bauð sveit-
inni að vera með eitt
lag á plötu sem það
framleiddi í fimm þús-
und eintökum og sendi
frítt víðs vegar um
borgina.
Eygló segir að nafnið Vicky Pollard sé
komið frá Ástrósu bassaleikara sem sé
svakalegur aðdáandi Little Britain. „Hún
eiginlega heimtaði að við myndum heita
þetta, hún er svo mikil frekja, því við vorum
eiginlega ekki öll sammála,“ segir hún.
Pollard í The Sun
Ný íslensk hljómsveit hefur
ákveðið að leita til Íslendinga
vegna vals á nafni hljómsveitar-
innar. „Við höfum verið að velta
hugmyndum til og frá, og erum
orðnir illa þjakaðir af valkvíða,“
segir trymbillinn Magnús Ingi
Sveinbjörnsson. „Við treystum
almenningi betur en vinum og
fjölskyldumeðlimum sem segja
bara „já, fínt“ við öllum
hugmyndum.“
Hljómsveitin nafnlausa
stefnir á að skemmta á skóla-
böllum í vetur og þarf því
nafngift fyrir jól. Hún hvetur
sem flesta til að greiða atkvæði
á netsíðunni Trymbill.is/
hljomsveit.
Hljómsveit
leitar að nafni