Fréttablaðið - 27.12.2007, Page 18

18 27. desember 2007 FIMMTUDAGUR
Á
rið 2007 er ár öfga í
rafheimum. Blogg-
fyrirbærið náði
nýjum og áður
óþekktum hæðum í
íslensku netsamfé-
lagi á sama tíma og einstaka blogg-
arar náðu nýjum og blessunarlega
til þessa áður óþekktum lægðum.
Mogginn gekk fjölmiðla lengst og
lagði netþjóna sína undir holskefl-
ur stórkostlegra og á tíðum absúrd
samsuða bréfa til blaðsins og Vel-
vakanda. Fjármálafyrirtæki tók
upp á því að greiða götu sína gegn-
um götótt siðferðisprinsipp nokk-
urra ofurbloggara – blogg fæddust
og hurfu, bloggarar birtust og dóu
– sumir hverjir bókstaflega og við
miklar vinsældir. Annar hver
Íslendingur virðist hafa skrúfað
sjálfviljugur orwelskt firðtjald á
vegginn sinn og opinberar sig nú af
djöfulmóð hverjum sem horfa vill.
Aldrei fyrr hafa víxlverkandi
hræringar kjöt- og netheima verið
jafn afgerandi. Hræringarnar
draga að einhverju leyti dám af
þeirri einföldu (en þó á tíðum
lúmsku) staðreynd að karlmenn
nota netið myndanna vegna en
konur vegna orðanna. Safaríkustu
útnes og afdalir íslenskra netheima
eru enda runnin undan ísköldum
rifjum kvenna, karla sem þykjast
vera konur, karla sem hafa látið
breyta sér í konur eða karla sem
hreinlega hefðu átt að fæðast konur
til að byrja með.
Það er skemmtileg írónía að þetta
ár skyldi einmitt hafa hafist með
áróðursherferð SAFT þar sem börn
voru brýnd um að gæta orða sinna
á netinu. Kallaðu vin þinn fávita og
CNN mun gera fréttaauka um
málið. En maður kemur í manns
stað og því betur sem börnin hög-
uðu sér – þeim mun verri urðu for-
eldrarnir.
Andlát ársins
Uppgangur svokallaðra hetju-
blogga var áberandi í lok síðasta
árs en náði hápunkti á þessu. Til-
finningaþorsti netverja magnaðist
við hvert tár sem þeir felldu meðan
þeir fylgdust af kappi með raun-
tímafréttum af lyfjameðferðum og
dauðateygjum.
Tilfinningahitinn varð mælan-
legur á Celsíus-kvarða þegar
úthverfin virtust standa í æ ljósari
logum eftir því sem bænakertunum
fjölgaði og í raun er mesta furða að
nokkur hafi fest svefn á tímabili,
svo mörgum þurfti að koma fyrir í
kvöldbænunum. Netstjarnan og
maður ársins á undan, Ásta Lovísa,
lést og með henni dó mesti sjarm-
inn af hetjubloggum. Þau höfðu
óþægilega tilhneigingu til að enda
illa.
Upprisa ársins
Hringrás netlífsins lætur ekki að
sér hæða og áhugi almennings var
fljótur að færast frá dauðanum til
upprisunnar. Kraftaverkahundur-
inn Lúkas, pyntaður á dögum Helga
hundingsbana, skjalfestur, dáinn
og horfinn, reis á þriðju viku aftur
upp frá dauðum í Glerárdal – þeim
sem voru á leið á pósthús með milt-
isbrand stílaðan á téðan Helga til
mikillar armæðu og undrunar.
Helgi tók hins vegar sjálfur að
sér að sitja við hægri hönd lögfræð-
ings síns til að dæma lifendur og
dauða. Ekki sér enn fyrir endann á
þeim hundruðum dómsmála sem
þeir kumpánar hamast nú við að
þinglýsa í heilögum hefndarþorsta
sínum.
Klám ársins
Vart má á milli sjá hvor K-frasinn
var notaður oftar á bloggsíðum árið
2007, klám eða Kalli Tomm. Sumir
myndu jafnvel kalla þetta samheiti,
svo það skiptir kannski ekki höfuð-
máli eftir allt saman.
Femínistar fóru mikinn og klám-
umræðan heyr harða baráttu við
trúfrelsisumræðuna í keppninni
um heitasta málefni ársins. Tvö
mál brunnu sérstaklega á jafnrétt-
issinnum í byrjun ársins; annars
vegar ásókn erlendra sóðakarla í að
efna til stórrar orgíu og svalls í
Bændahöllinni og hins vegar mynd
af glaðlyndu, frambeygðu ferming-
arbarni á forsíðu auglýsingabæk-
lings. Ertin háskólakennslukona
sem enn var í heilmiklu stuði eftir
að dónakörlunum var úthýst, ekki
aðeins úr Bændahöllinni heldur
borginni líka, ákvað að bregða
kynjafræðikyndli sínum á loft og
leyfa landslýð að skoða fermingar-
barnsmyndina í því ljósinu. Eitt-
hvað hafði hún misreiknað stemn-
inguna því vopnin snerust í
höndunum á henni. Hún fór því að
ráði bændanna og skellti bloggi
sínu í lás eftir harða atlögu klám-
glámskyggnra.
Sérstök heiðursverðlaun hljóta
þó að falla í skaut Guðmundar í
Byrginu sem gaf tóninn einstak-
lega vel fyrir árið með óvæntri
útgáfu kvikmyndanna Lille ven og
IronMaster. Þótt söguþráðurinn
væri ekki sérlega beysinn virtist
inntak myndanna falla netverjum í
geð og seinni útgáfan gerði leik-
stjórann að smástirni yfir nótt.
Frumspekipælingar ársins
Ekki létu allir narra sig á bólakaf í
forina í umræður um klám og annan
óþverra. Sumir kusu að liggja á
bakinu í ræsinu, litu til stjarnanna
og veltu fyrir sér æðri máttarvöld-
um. Kergjan milli trúleysingja,
með félagsskapinn Vantrú í broddi
fylkingar, og trúaðra, undir öruggri
leiðsögn Jóns Vals Jenssonar og
annarra andans manna, átti eftir að
stigmagnast eftir því sem leið á
árið.
Skápahomminn með viðeigandi
nafnið, Chambers, kom til landsins
og boðaði kynvillingum lækningu –
auk þess sem réttlæting fóstureyð-
inga var til umræðu um stutt skeið.
Þjóðkirkjan og aðrir boðendur hóf-
samrar barnatrúar lentu á milli
steins og sleggju, allt þar til hin
hræðilega, siðlausa klíka trúleys-
ingja fór yfir strikið og vildi banna
börnunum að koma til Jesú. Þeir
fóru að berja á biskupnum sem sá
enga ástæðu til að bjóða fram hinn
vangann heldur kýldi miskunnar-
laust á móti.
Kynbætur ársins
Nátengt trúmálunum var rifrildið
um rasisma. Gildi arfleifðar
Muggs var véfengt og bloggsam-
félaginu öllu til mikillar furðu
stefndi allt í að af útgáfubókum
Skruddu þetta árið yrði bók um
tíu litla negrastráka vinsælli en
þroskasaga ofurbloggarans
Ágústs Borgþórs. Ágúst tók frétt-
irnar nógu nærri sér til að hóta að
hætta að blogga tækist honum
ekki að selja 350 eintök af meist-
araverki sínu.
Mitt í fárinu tóku sig til nokkr-
ar mannvitsbrekkur, sem þóttust
hafa höndlað nýjan og merkileg-
an sannleik í nasisma, og opnuðu
með viðhöfn síðu tileinkaða
hugðarefnum sínum. Fljótlega
var það orðið kappsmál öllum
þeim bloggurum sem höfðu pólit-
íska réttsýni að leiðarljósi að fá
aflausn allra sinna netsynda með
því að komast inn á óvinalista
þeirrar vefsíðu.
Afhjúpun ársins
Nafnleysingjar á Netinu hafa lengi
verið stór og beittur þyrnir í
augum ýmissa málsmetandi blogg-
ara sem telja engar skoðanir verð-
ar viðlits nema þær séu settar
fram undir nafni sem finna má í
skrám Mannanafnanefndar. Sumir
notuðu árið mjög samviskusam-
lega í hysterískar tilraunir til að
fletta ofan af stærstu rotnu eplun-
um í flokki nafnleysingja.
Einkaspæjaraheilkennið náði
líklega hámarki í leitinni að skap-
ara Mengellu. Í ágúst opinberaði
Gísli Ásgeirsson rannsóknir sínar
sem bentu til þess að undirritaður
ætti þar hlut að máli. Fólk var
samt langt frá því að vera sann-
fært eða tilbúið til að gefa þennan
spennandi leik upp á bátinn.
Í nóvember dró aftur til tíð-
inda, Mogginn hljóp á sig og birti
uppspuna og þvælu. Skáld og
aðrir sakleysingjar drógust niður
í hringiðuna og fatlaða systir
Moggans tók sig til og batt enda á
farsann með loforði um vegleg
verðlaun handa hverjum þeim
sem flett gæti ofan af skrímslinu.
Þau verðlaun hafa enn ekki skilað
sér.
Bloggið blómstraði
Mikið gekk á í netheimum á árinu. Bloggið sprakk út en sumar rósirnar báru hvassa þyrna og aðrar voru heldur daunillar. Ólafur
Sindri Ólafsson, maðurinn á bak við hið umtalaða bloggkvendi Mengellu, gerir hér upp árið.
INNLENDIR VENDIPUNKTAR 2007
En maður kemur í manns stað og því betur sem börnin
höguðu sér – þeim mun verri urðu foreldrarnir
Ólafur Sindri Ólafsson er 24 ára
áhugamaður um kynlega kvisti
samfélagsins.
Fyrir hendingu
tókst honum á
árinu að verða
landsþekkt-
ur bloggari
og deilir
einnig titlinum
„þekktasti
karlmað-
urinn til að
stunda Barnaland“ með Sigfúsi
Sigurðssyni. Honum þykir vænt um
einbúakrabba og á einn slíkan fyrir
gæludýr.
Innlendir vendipunktar 2007
Fréttablaðið gerir nú upp árið með
greinum um innlenda vendipunkta
eftir landskunna Íslendinga. Vend-
ipunktarnir snúast um markverðar
fréttir á árinu, sem eiga það samm-
erkt að vera fréttir um eitthvað nýtt
sem gerðist eða breytingar sem
hafa áhrif til frambúðar.