Fréttablaðið - 30.01.2008, Blaðsíða 14
MARKAÐURINN 30. JANÚAR 2008 MIÐVIKUDAGUR14
F Y R S T O G S Í Ð A S T
S
avile Row nefnist gata í
Mayfair-hverfinu í mið-
borg Lundúna, sem lík-
lega er þekktust fyrir
þann aragrúa af klæð-
skerum sem þar hafa starfs-
stöðvar. Gatan er stundum nefnd
„Gullna mílan“ og hefur um ára-
bil verið athvarf sterkefnaðra og
vandlátra heimsmanna.
Meðal þekktustu viðskiptavina
má nefna Karl Bretaprins og leik-
arana Jude Law og Daniel Craig.
Sé leitað lengra aftur í tímann má
sjá nöfn á borð við Winston Chur-
chill, Bítlana og sjálfan Nelson
lávarð, sem sagður er hafa látist
í klæðskerasaumuðum fötum frá
James Lock & Co. Raunar segir
sagan að eitt af síðustu verkum
lávarðarins áður en hann lagði af
stað í þá herferð sem lauk í orust-
unni við Trafalgar hafi verið að
gera upp reikninginn við James
Lock.
Savile Row byggðist á árun-
um 1731 til 1735 og var upp-
haflega íbúðargata fyrir liðsfor-
ingja úr breska hernum og fjöl-
skyldur þeirra. Það var þó ekki
fyrr en snemma á nítjándu öld að
breska yfirstéttin fór að klæðast
klæðskerasniðnum glæsifatnaði.
Fljótlega eftir 1800 fóru fyrstu
klæðskerarnir að opna verslan-
ir á Savile Row. Upphaf þeirr-
ar klæðskeramenningar sem við
þekkjum í dag er þó einatt rakið
til ársins 1846 og manns að nafni
Henry Poole, sem oft á tíðum er
kallaður stofnandi Savile Row.
Poole þessi opnaði klæðskera-
verkstæði sitt við Savile Row
númer 32 og naut mikillar hylli
meðal efri stéttanna. Í kjölfar-
ið fylgdu margir klæðskerar og
Savile Row vann sér fljótlega
sess sem miðstöð klæðskurðar
í heiminum. Verkstæði Henry
Poole er starfrækt enn þann dag
í dag, og telur sér til framdráttar
að hafa uppgötvað og saumað
fyrstu kjólfötin.
Hátt fasteignaverð hefur
undanfarin ár reynst mörgum
klæðskeranum á Savile Row
þungur baggi, og hefur kvarnast
mikið úr röðum þeirra. Nú er
svo komið að einungis eru um
tuttugu klæðskeraverkstæði á
„Gullnu mílunni“. Raunar var
ástandið svo slæmt að þeir klæð-
skerar sem eftir stóðu stofnuðu
árið 2005 með sér hagsmunasam-
tök, The Savile Row Bespoke Ass-
ociation, sem hefur það á stefnu-
skránni að varðveita hina fornu
iðn klæðskurðinn. Meðal félaga
í samtökunum eru mörg verk-
stæði sem eiga sér langa sögu á
borð við Henry Pool og Giewes
& Hawkes, en einnig yngri klæð-
skerar líkt og Ozwald Boateng og
Richard James.
Klæðskerarnir á Savile Row
hafa gegnum tíðina haft gríð-
arlega menningarleg áhrif.
Skemmst er að minnast þess að
James Bond sjálfur hefur ávallt
klæðst fötum frá Savile Row,
líkt og og höfundurinn Ian Flem-
ing sem aldrei verslaði annars
staðar. Þá hefur því verið haldið
frama að japanska orðið sabiro,
sem merkir jakkaföt, sé misskil-
in útgáfa af Savile Row. - jsk
Gullna mílan stendur enn fyrir sínu
Klæðskeragatan Savile Row á sér um tveggja alda sögu. Fjöldi nafntogaðra merkismanna hefur gegn-
um tíðina látið sauma á sig föt á Savile Row.
SEAN CONNERY SEM JAMES BOND
Ian Fleming, höfundur bókanna um Bond,
verslaði einungis á Savile Row og gat því
ekki hugsað sér annað en að klæða aðal-
söguhetju sína í klæðskerasniðin föt.