Fréttablaðið - 05.10.2008, Blaðsíða 6
6 5. október 2008 SUNNUDAGUR
Infl úensubólusetning
Bólusetningar eru hafnar gegn infl úensu á
Heilsugæslunni í Salahverfi
Eftirtöldum er einkum ráðlagt að láta bólusetja sig og fá
bóluefnið frítt en þurfa einungis að borga komugjald:
1. Allir einstaklingar 60 ára og eldri
2. Öll börn og fullorðnir sem þjást af langvinnum hjarta-,
lungna-, nýrna- og lifrarsjúkdómum, sykursýki, illkynja
sjúkdómum og öðrum ónæmisbælandi sjúkdómum
3. Heilbrigðisstarfsmenn sem annast einstaklinga í ofantöldum
áhættuhópum
Opið alla virka daga 8-18. Ekki þarf að panta tíma í bólusetningu
sé komið kl 8-9 og 13-14
Með kveðju,
Starfsfólk Heilsugæslunnar Salahverfi
S a l a v e g i 2 , 2 . H æ ð , 2 01 Kó p a v o g i , s í m i 59 0 -39 0 0
VEÐURFAR Snjókoman á fimmtu-
dag kom mörgum í opna skjöldu
og hafði ýmsar
afleiðingar.
Strax um
kvöldið felldi
Strætó bs. niður
ferðir sínar í
Kópavogi og
bar við slæmri
færð. En af
hverju voru
bara lagðar af
ferðir í
Kópavogi?
„Það var einfaldlega vegna
þess að menn þar á bæ voru
eitthvað seinir að bregðast við og
söltuðu ekki göturnar. Í Kópavogi
er mikið um brekkur þannig að
þetta var sérstakt vandamál þar,“
segir Reynir Jónasson, forstjóri
Strætós bs.
Hann segir aldur og ástand
vagnanna sem keyra í Kópavogi
ekki hafa haft nein áhrif á
ákvörðunina. - kóp
Vetrartíðin veldur vanda:
Salt vantaði í
Kópavogi
REYNIR JÓNASSON
LAS VEGAS, AP Ruðningskappinn og
gamanleikarinn O.J. Simpson var
í fyrrakvöld sakfelldur fyrir
vopnað rán og
tilraun til
mannráns.
Tildrög
málsins eru
þau að fyrir um
ári réðst
Simpson með
vopnavaldi, í
slagtogi við
fleiri menn, inn
á hótelherbergi í Las Vegas.
Mennirnir rændu þar íþrótta-
minjagripum og ógnuðu fólki.
Simpson gæti átt lífstíðarfang-
elsi í vændum en ekki verður
úrskurðað um refsingu fyrr en í
desember.
Sama dag og Simpson, sem nú
er 61 árs gamall, var sakfelldur
voru liðin nákvæmlega þrettán
ár frá því að hann var sýknaður
af því að myrða eiginkonu sína
Nicole Brown og elskhuga
hennar Ronald Goldman. - kdk
Á yfir höfði sér lífstíðardóm:
O. J. Simpson
sakfelldur
O.J. SIMPSON
Fékk 13 milljónir
Borgfirðingur vann 13 milljónir í
bónusvinning í Víkingalottóinu á
miðvikudag. Hann keypti miðann í
Baulunni, en þangað hafði hann farið
að kaupa bensín. Hann ætti að eiga
nóg fyrir bensíni um tíma.
VÍKINGALOTTÓ
LÖGREGLUFRÉTTIR
Árekstur í Eyjafirði
Harður tveggja bíla árekstur
varð í Eyjafjarðarsveit við
bæinn Grýtu um korter í ellefu
í gærmorgun. Einn maður var
í hvorum bíl. Þeir voru fluttir á
slysadeild en talið er að meiðsl
þeirra hafi ekki verið alvarleg.
Ók út af í Öxnadal
Ökumaður slapp með minni háttar
meiðsl eftir að hafa misst bíl sinn
út af veginum í Bakkaselsbrekku
í Öxnadal upp úr klukkan ellefu í
gærmorgun.
STJÓRNMÁL Davíð Oddsson segist
aldrei hafa mælt með að hér yrði
mynduð þjóðstjórn á ríkis stjórnar -
fundi eins og greint var frá í
Fréttablaðinu á fimmtudag. Hann
segist undrandi á að ummæli hans
hafi lekið í fjölmiðla og trúnaður
hafi þannig verið rofinn.
„Ég hef nú sennilega stjórnað
fleiri ríkisstjórnarfundum heldur
en nokkur annar maður á landinu
og þá var meginreglan sú að það
sem þar væri sagt væri trúnaðar-
mál. Þannig að það kemur mér á
óvart ef menn hafa breytt út frá
þeirri stefnu,“ segir Davíð.
Davíð segist hafa sagt „nokkurn
veginn nákvæmlega“ eftirfarandi:
„Ég er á móti þjóðstjórnum vegna
þess að ég tel að allar ríkisstjórnir
þurfi gagnrýni og aðhald, en það
eru sumir sem eru hlynntir þjóð-
stjórnum og ef menn sem eru
hlynntir þjóðstjórnum þurfa
aðstæður í landinu til þess að
bjóða upp á slíkt þá eru þær
aðstæður núna.“
Og hann gagnrýnir þá sem rang-
túlkuðu orð hans: „Þeir sem telja
að þarna sé ég að leggja til þjóð-
stjórn, ja, þeir hafa verið mjög
utan við sig á fundinum.“ Meðal
þeirra sem gagnrýnt hafa Davíð
fyrir ummælin eru Þorgerður
Katrín Gunnarsdóttir, vara -
formaður Sjálfstæðisflokksins, og
Össur Skarphéðinsson iðnaðarráð-
herra, sem sögðu bæði að Davíð
væri með ummælunum kominn
langt út fyrir valdsvið sitt sem
seðlabankastjóri. - sh
Davíð Oddsson segir þá hafa verið utan við sig sem rangtúlkuðu orð hans:
Mælti aldrei með þjóðstjórn
VIÐ RÁÐHERRABÚSTAÐINN Davíð svaraði spurningu blaðamanns Fréttablaðsins eftir
að hann ræddi við ráðherra í gær. FRÉTTABLAÐIÐ / STEFÁN
PARÍS, AP Leiðtogar Frakklands,
Bretlands, Þýskalands og Ítalíu
lofa því að styðja við bakið á bönk-
um þjóða sinna í efnahagsvandan-
um sem nú geisar. Leið togarnir
fjórir hittust með stuttum fyrir-
vara á fundi í París í gær til að
ræða vandann og hugsanlegar
aðgerðir til lausnar hans.
Þeir hétu því að vera samstiga
við lausn vandans, en gáfu engin
skýr svör um það í hverju slík
lausn gæti falist. Ekki var settur á
fót björgunarsjóður í líkingu við
þann sem Bandaríkjaþing sam-
þykkti í fyrrakvöld sem aðstoð við
fjármálakerfið þar í landi. Þykir
þetta endurspegla ólíkar áherslur
leiðtoganna í málinu. Frakkar
höfðu talað fyrir sameiginlegum
björgunarpakka upp á marga
milljarða evra, en raunar hætt við
hann, en Þjóðverjar telja að bank-
arnir þurfi að bjarga sér sjálfir úr
vand ræðunum. Fjór menningarnir
voru þó sammála um að gera allt
sem í þeirra valdi stæði til að laga
ástandið.
Þeir óskuðu eftir rými til að
sveigja efnahags- og fjármála -
reglur Evrópusambandsins, ekki
síst þegar kemur að því að sam-
bandið þurfi að samþykkja dýrar
ríkisaðgerðir til bjargar bönkum.
Slíkt ferli þurfti að vera hraðvirkt
og sveigjanlegt.
Þeir kölluðu einnig eftir öflugra
fjármálaeftirliti og samhæfingu,
en útlistuðu ekki nánar hvað í því
þyrfti að felast. Þeir sögðu einnig
að leiðtogar heimsins þyrftu að
hittast á fundi eins fljótt og auðið
væri til að hefja allsherjar yfir-
halningu á bankakerfinu í heild.
Þá voru leiðtogarnir sammála
um það að refsa þyrfti stjórnend-
um þeirra banka sem bjarga þyrfti
með opinberu fé og að hluthafar
þeirra þyrftu að bera mestalla ef
ekki alla byrðina af aðgerðunum.
Nicolas Sarkozy Frakklands -
forseti sagði brýnt að Evrópa tæki
frumkvæði í að móta ábyrgan fjár-
málaheim, á meðan yfirvöld í
Bandaríkjunum væru upptekin af
væntanlegum forsetakosningum.
stigur@frettabladid.is
Fátt um skýr svör frá
Evrópuleiðtogum
Leiðtogar stærstu ríkja ESB hétu því á fundi sínum í gær að vinna saman að
lausn á efnahagsvandanum. Engar skýrar tillögur að aðgerðum litu þó dagsins
ljós. Leiðtogarnir kalla eftir rúmi til að sveigja efnahagsreglur sambandsins.
MISÞUNG Á BRÚN Silvio Berlusconi, forsætisráðherra Ítalíu, Angela Merkel, kanslari Þýskalands, Nicolas Sarkozy Frakklandsforseti
og Gordon Brown, forsætisráðherra Bretlands, voru sammála um að aðgerða væri þörf, en virtust litla hugmynd hafa um hverjar
þær aðgerðir ættu að vera. NORDICPHOTOS / AFP
Kristrún inn fyrir Ingibjörgu
Kristrún Heimisdóttir hefur tekið sæti
á Alþingi í veikindaleyfi Ingibjarg-
ar Sólrúnar Gísladóttur utanríkis-
ráðherra. Kristrún er aðstoðarmaður
ráðherrans.
ALÞINGI
STJÓRNMÁL Heildarframlög til
íslenskra sendiráða nema 2.530
milljónum króna á næsta ári,
samkvæmt fjárlagafrumvarpi
ársins 2009. Er það aukning um
33 prósent frá fjárlögum þessa
árs.
Óskað er eftir sérstöku 22 millj-
óna framlagi „til að styrkja launa-
grunn vegna útsendra starfs-
manna“, eins og það er orðað og
átján milljóna króna framlagi
vegna stöðugildis útsends full-
trúa við sendiráðið í Pretoríu.
Sendiráð Íslands í Brussel er
kostnaðarsamasta sendiráðið,
rekstur þess á næsta ári kostar
187 milljónir. Rekstur fasta-
nefndarinnar í New York kostar
179 milljónir og sendiráðsins í
París 157 milljónir.
Skrifstofur íslenskra aðal ræð-
is manna í Þórshöfn og Winnipeg
bera minnstan kostnað; tæpar 37
milljónir hvor.
Íslenska ríkið heldur úti sautján
sendiráðum, fjórum fastanefnd-
um í erlendum borgum og skrif-
stofum aðalræðismanna í þremur
borgum.
- bþs
Kostnaður vegna starfsemi sendiráða eykst um 33 prósent á milli ára:
Sendiráðin kosta 2,5 milljarða
SENDIRÁÐIÐ Í BERLÍN Ísland og
hin Norðurlöndin eru sambýlingar
í einni sendiráðsbyggingu.
BRUSSEL KOSTAR MEST
Tíu kostnaðarsömustu sendiráð og
fastanefndir Íslands í útlöndum
Brussel 187
New York 179
París 158
London 149
Nató 124
Kaupmannahöfn 117
Genf 113
Berlín 111
Washington 107
Peking 104
Fjárhæðir eru í milljónum króna
Ætlar þú að koma við á opnun-
arhátíð verslunarmiðstöðvar-
innar á Korputorgi um helgina?
Já 10,3%
Nei 89,7%
SPURNING DAGSINS Í DAG
Telur þú að í sjónmáli sé lausn
á vanda fjármálakerfisins á
Íslandi.
Segðu þína skoðun á visir.is.
KJÖRKASSINN