Fréttablaðið - 20.01.2009, Blaðsíða 34
22 20. janúar 2009 ÞRIÐJUDAGUR
sport@frettabladid.is
Kynntu þér málið hjá sölumönnum Eirvíkur
Suðurlandsbraut 20, Reykjavík | Baldursnes 6, Akureyri | Sími 588 0200
www.eirvik.is
Íslenskt stjórnborð - Stórt hurðarop
Íslenskar leiðbeiningar - 20 ára ending
Ef þú kaupir Miele þvottavél eða þurrkara færðu kaupverðið
endurgreitt með betri meðferð á þvottinum. Þetta tryggir tromla af
nýrri gerð, (einkaleyfi Miele) lengri ending vélarinnar en gengur og
gerist, sem og fullkomnasta tækni sem völ er á.
Þvottavél - verð frá kr. 164.995
Þurrkari - verð frá kr. 139.995
TILBOÐ
> Halda Valskonur út í kvöld?
Stórleikur átta liða úrslita Eimskipsbikars kvenna fer fram
í Vodafone-höllinni á Hlíðarenda klukkan 19.30 í kvöld
þegar Valur tekur á móti Stjörnunni. Liðin hafa mæst
tvisvar sinnum í vetur og í bæði skiptin hefur Stjarn-
an unnið upp forskot Vals og tryggt sér sigur í seinni
hálfleik. Valur var fjórum mörkum yfir í hálfleik, 14-9, í
undan úrslitum deildarbikarsins en Stjarnan vann 25-24.
Í deildarleiknum var Valur
14-11 yfir í hálfleik en
Stjarnan vann 22-19. Vals-
konur hafa því unnið fyrri
hálfleikinn með átta mörkum
í vetur (28-20) en samt ekki
náð að fagna sigri því Stjarnan
hefur unnið seinni hálfleikinn með
tólf mörkum (27-15).
FÓTBOLTI Man. City er ekki bara að
hugsa um Brasilíumanninn Kaká
því félagið ætlar að kaupa fleiri
menn áður en markaðinum verð-
ur lokað. Í gær náði félagið samn-
ingum við West Ham og HSV um
að kaupa þá Craig Bellamy og
Hollendinginn Nigel de Jong.
City ku greiða West Ham litl-
ar 14 milljónir punda fyrir Bella-
my sem getur ekki talist slæmt
fyrir West Ham sem greiddi 7,5
milljónir punda fyrir Bellamy í
fyrra.
Sjálfur vildi Bellamy fara til
Tottenham en West Ham var ekki
spennt fyrir því að selja hann til
annars félags í London. Bellamy
var staddur í Manchester í gær til
þess að ganga frá lausum endum.
Miðjumaðurinn hollenski Nigel
de Jong, 24 ára, er einnig á leið
til City eftir að HSV og City náðu
samkomulagi um kaupverð. De
Jong var með klausu í samningi
sínum að hann gæti farið fyrir
1,8 milljónir punda frá félaginu
næsta sumar. Þýskir fjölmiðlar
greina aftur á móti frá því að
City sé til í að greiða 18 milljónir
punda til að fá de Jong strax. Það
er ótrúlegt ef satt reynist.
Áður var Wayne Bridge kom-
inn til City sem er enn fremur á
eftir Scott Parker og Roque Santa
Cruz. - hbg
Manchester City lætur til sín taka á leikmannamarkaðinum:
Bellamy og de Jong á leið til City
CRAIG BELLAMY Þessi skrautlegi leikmaður er enn eina ferðina að skipta um félag.
NORDIC PHOTOS/GETTY IMAGES
KAUP OG SÖLUR BELLAMY
(upphæðir eru í milljónum punda)
Coventry (frá Norwich 2000) 6,5
Newcastle (frá Coventry 2001) 6,0
Blackburn (frá Newcastle 2005) 5,0
Liverpool (frá Blackburn 2006) 6,0
West Ham (frá Liverpool 2007) 7,5
Man. City (frá West Ham 2009) 14,0
Samtals 45 milljónir punda
SUND Jakob Jóhann Sveinsson
náði besta afreki Íslendinga í
sundkeppni Reykjavik Inter-
national þegar hann varð annar
í 100 metra bringusundi.
Jakob fékk 400 evrur fyrir að
vera með þriðja besta afrekið á
mótinu en það er rúmlega 67 þús-
und íslenskar krónur.
Sigurvegarinn í 100 metra
bringusundinu var silfurverð-
launahafinn frá Ólympíuleikun-
um í Peking, Alexander Dale Oen
frá Noregi.
Hann synti á 1:02.19 mínútum
og fékk 1.000 evrur fyrir besta
afrek mótsins, eða rúmlega 168
þúsund krónur. - óój
Sundkappinn Jakob Jóhann Sveinsson:
Fékk 400 evrur í verðlaun
Meiðslum hrjáðir Þórsarar töpuðu sínum fimmta leik i röð í
gær, nú fyrir Snæfelli, 56-74. Þór er hreinlega aðeins hálft lið
án Cedrics Isom sem er meiddur. Um hann munaði í gær því
sóknarleikur Þórs var slakur á löngum köflum. Þeir héngu þó
lengi vel í stórum og stæðilegum Snæfellingum sem tóku yfir
tuttugu sóknarfráköst.
Eftir jafnan fyrsta leikhluta skoruðu Þórsarar aðeins
fimmtán stig næstu fimmtán mínúturnar. Sókn
Snæfellinga var skárri en þeir leiddu 26-39 í hálfleik.
Varnarleikur liðanna var fínn.
Þórsarar komust næst sjö stigum á eftir Snæ-
fellingum sem sigldu þó öruggum 56-74 sigri í
heimahöfn á lokamínútunum, án þess að hleypa
heimamönnum of nærri sér. Þeir hafa nú unnið fimm
leiki í röð.
„Við erum með töluvert meiri breidd og höfðum
meiri orku í restina. Það sýndi sig að þeir voru orkulitlir
undir lokin og þurftu að skjóta mikið utan af velli. Við
nýttum okkar styrk í sóknarfráköstunum vel en okkar
veikleiki er á móti að við töpum mörgum boltum,“ sagði Hlynur
Bæringsson, stigahæsti maður Snæfells, en hann skoraði 18 stig.
„Við erum ágætlega sáttir með leikinn. Við getum gert betur og
nú stefnum við á að hirða þriðja sætið af Keflavík, ef ekki annað
sætið. Maður veit aldrei. Mestu skiptir þó að fá heimaleikjarétt í
úrslitakeppninni.“
„Við brugðumst sjálfum okkur pínulítið í lokin,“ sagði Hrafn
Kristjánsson, þjálfari Þórs. „Mér fannst vörnin vera stórgóð
utan þess að við stigum þá ekki vel út í sóknarfráköst-
unum. Ef við tökum burt stigin sem þeir skoruðu eftir
þau þá væru þeir í kringum 50 stigin,“ sagði Hrafn og
viðurkenndi að liðið saknaði Isoms mikið. Hann var án
marga leikmanna í gær og setti sjálfan sig á leikskýrsl-
una, án þess þó að skipta sér inn á.
„Ástandið er orðið helvíti slæmt þegar gamli karlinn er
kominn í búning á bekknum,“ sagði Hrafn glottandi en hann
hafði þó lítinn áhuga á að spila. „Ég get ekki sagt að ég hefði
viljað fara inn á. Það hefði verið algjört neyðarúrræði,“ sagði
Hrafn sem lagði skóna á hilluna fyrir nokkrum árum. - hþh
ICELAND EXPRESS-DEILD KARLA: SNÆFELL HEFUR UNNIÐ FIMM LEIKI Í RÖÐ EN ÞÓRSARAR ERU Á LEIÐ NIÐUR
Sóknarfráköstin skiluðu Snæfelli sigri á Þór
FÓTBOLTI Liverpool tók á móti
Everton á heimavelli sínum,
Anfield, í gær. Liverpool missti
toppsætið um helgina til Man. Utd
en gat náð því aftur með sigri á
nágrönnum sínum.
Fyrri hálfleikur var tilþrifalítill.
Everton átti skot snemma sem Jose
Reina varði vel en hann varði í tví-
gang vel frá Everton-mönnum í
fyrri hálfleiknum.
Fernando Torres var nokkuð
sprækur í liði Liverpool og hann
fékk besta færi hálfleiksins. Komst
einn gegn Tim Howard, markverði
Everton, lyfti boltanum yfir How-
ard og fram hjá markinu. Þar hefði
Torres átt að gera betur en marka-
laust var í leikhléinu.
Það var jólaleg stemning í síðari
hálfleik enda snjóaði nokkuð. Snjó-
koman hafði ágætis áhrif á leik-
menn sem voru talsvert sprækari
og leikurinn mun hraðari. Gerrard
átti gott skot sem Howard varði á
55. mínútu.
Gerrard urðu aftur á móti á
engin mistök þegar hann þrum-
aði boltanum niður í markhornið
framhjá Howard rúmum tíu mínút-
um síðar. Glæsilegt skot hjá Gerr-
ard sem er búinn að koma Liver-
pool ósjaldan til bjargar í vetur.
Everton sótti aðeins í kjölfar-
ið og vildi fá vítaspyrnu skömmu
síðar en það var réttilega ekkert
dæmt en Victor Anichebe var þar
að reyna að fiska víti.
Fjórum mínútum fyrir leiks-
lok fékk Everton aukaspyrnu rétt
fyrir utan teig. Mikel Arteta tók
spyrnuna og hreinlega dúndraði
boltanum inn i teiginn. Tim Cahill
var fljótur að átta sig, beygði sig í
hnjánum og stýrði boltanum með
höfðinu inn fyrir línuna. Smekk-
lega gert og afar erfitt að verjast.
Benayoun nagar sig samt eflaust í
handarbökin yfir því að hafa brotið
af sér í aukaspyrnunni. Fátt mark-
vert gerðist það sem eftir lifði
leiks og jafntefli því niðurstaðan.
Svekkjandi úrslit fyrir Liverpool á
heimavelli. henry@frettabladid.is
Vandræði á heimavelli
Liverpool gerði enn eitt jafnteflið á heimavelli í gær þegar Everton kom í heim-
sókn. Niðurstaðan var 1-1 og Tim Cahill skoraði jöfnunarmark Everton fjórum
mínútum fyrir leikslok. Liverpool tókst því ekki að endurheimta toppsætið.
MARKIÐ DUGÐI EKKI Steven Gerrard skoraði frábært mark fyrir Liverpool í gær en
það dugði ekki til gegn Everton. NORDIC PHOTOS/GETTY IMAGES