Tíminn - 19.04.1988, Blaðsíða 3

Þriðjudagur 19. apríl 1988
Tíminn 3
Neðri deild samþykkti bjórinn með 23 atkvæðum gegn 17:
Bjór loks
að sleppa
fyrir horn
Það er mál manna að endalaust
þrætumál á Alþingi og í þjóð-
málaumræðunni, þ.e. bjórmálið,
hafi verið til lykta leitt í sölum neðri
deildar þingsins í gær. Þar voru
greidd atkvæði um framkomnar
breytingartillögur um bjórinn. Að
lokum var sjálft bjórfrumvarpið bor-
ið undir atkvæði.
Það þarf ekki að orðlengja það að
frumvarpið var samþykkt með
drjúgum meirihluta. Meðmæltir því
voru 23 þingmenn en 17 á móti.
Tveir þingmenn voru fjarstaddir.
Frumvarpið hefur þannig hlotið af-
greiðslu neðri deildar og fer nú til
afgreiðslu í þeirri efri. Svo fremi að
ekki hafi orðið stökkbreyting á af-
stöðu einstakra þingmanna í efri
deild til þessa máls á síðustu dögum,
verður að telja öruggt að frumvarpið
renni þar óbreytt í gegn. Og ef þetta
gengur allt eftir má fastlega reikna
með að landinn geti keypt ölið á
næsta ári, því að gert er ráð fyrir
gildistöku laganna frá og með 1.
mars 1989.
Eins og áður segir voru fyrst
greidd atkvæði unt framkomnar
breytingartillögur. Menn biðu af-
greiðslu á breytingartillögu, sem
gerði ráð fyrir þjóðaratkvæðagreið-
slu um bjórinn, með mestri óþreyju.
Þessi tillaga var naumlega felld, 18
greiddu henni atkvæði en 19 voru á
móti. Þrír þingmenn greiddu ekki
atkvæði en tveir voru fjarstaddir.
Breytingartillaga Ragnars Arn-
alds var eina tillagan sem hlaut
samþykki í atkvæðagreiðslunni í
gær. Hún gerir ráð fyrir skipun
þingmannanefndar sem móti tillögur
um aðgerðir til að draga úr heildar-
neyslu áfengis svo og að vinna að
aukinni fræðslu í skólum um skað-
semi áfengis. Þessi tillaga var sam-
þykkt með 23 atkvæðum gegn 9.
Atkvæðin talin. Jón Kristjánsson forseti neðri dcildar tilkynnti skömmu síðar
niðurstöðuna.
Tíllaga Steingríms J. Sigfússonar
um svokallað milliöl var felld með
miklum mun, 26 voru á móti en 2
með. Önnur tillaga Steingríms, um
75 milljóna króna framlag á núvirði
næstu 10 ár til forvarna og fræðslu
um skaðsemi áfengis, var felld með
19 atkvæðum gegn 16. Ólafur Þ.
Þórðarson, bjórandstæðingur, gerði
grein fyrir mótatkvæði gegn þessari
tillögu á þann veg að ekki væri unnt
á sama tíma að auka drykkjuskap og
að draga úr honum.
Frávísunartillaga Ragnhildar
Helgadóttur og fleiri þingmanna
gegn frumvarpinu var felld með 23
atkvæðum gegn 16. Síðast en ekki
síst ber að geta örlaga tillögu Sverris
Hermannssonar og fleiri þing-
manna, sem kvað á um að af andvirði
hverrar ölflösku rynnu 5 krónur í
einskonar safnasjóð, sem hefði að
markmiði að stuðla að vexti og
viðgangi safna í landinu. Tillagan
var felld með 22 atkvæðum gegn 12.
Menntamálaráðherra, Birgir ísleifur
Gunnarsson, taldi að tillagan væri
góðra gjalda verð, en áleit jafnframt
að hún verðskuldaði að koma fram
sem sér frumvarp utan allrar bjór-
umræðu.
Stefán Valgeirsson, ötull bjór-
andstæðingur á þingi, kom í þrígang
í ræðupúlt í gær og gerði grein fyrir
atkvæði sínu. Um bjórfrumvarpið í
heild sagði Stefán: „Vímulaus æska/
sú von deyr ei/ég vil ekki bjórinn/ég
segi nei.“ óþh
Sóttir á snjóbíl í Nýjadal í vonskuveðri í nótt:
Þrír franskir skíðagöngumenn
létu fyrir berast í skála Slysavarna-
félags íslands í Nýjadal undír Tung-
nafellsjökli í nótt, en þar geisaði
versta veöur og hvöss norðanátt.
Þeir voru á ferð frá Akureyri að
Skógum um hálendið ásamt fleiri
löndum sínum undir fararstjórn
Frakka þegar þeir hrepptu vonsku-
veður. Einn þeirra sneri sig á fæti,
annan kól lítillega en sá þriðji varð
örmagna af þreytu og þeir heltust
því þrír úr lestinni. Ferðafélagar
þeirra urðu að skilja við þá í skálan-
um og halda áfram för svo hátt, að
tækist að ná sambandi við byggð um
farsíma.
Landhelgisgæslu barst beiðni um
að sækja mennina með þyrlu klukk-
an 16:00 í gærdag, en vegna veðurs
og þess að mennirnir voru ekki taldir
í bráðri hættu, var beiðninni vísað til
Slysavarnafélags íslands. Þaðan
barst Flugbjörgunarsveitinni á Hellu
bón um að hún sendi menn á snjóbíl
eftir mönnunum. Snjóbíllinn lagði
af stað norður í Nýjadal klukkan
19:30 í gærkvöld.
Valur Haraldsson varð fyrir svör-
um hjá Flugbjörgunarsveitinni á
Hellu seint í gærkvöld. Hann vænti
þess, að mennirnir yrðu komnir
undir læknishendur á Hellu með
morgninum, ef ekkert óvænt ætti sér
stað, en löng er leið inn í Nýjadal og
tafsöm færð. „Ég veit lítið um ferðir
Fransmannanna annað en að Nýidal-
ur var á þeirra dagskrá og þangað
var farið með vistir fyrir skömmu,"
sagði Valur. „Hópurinn er á leið inn
í Jökulheima, en hann mun hafa
sveigt hátt upp í jökulinn hjá Kerl-
ingum til að ná símasambandi." þj
Etarn situr þægilega
uggt í barnabílstól
ið á það skilið!
mÍUMFERÐAR
Uráð
Frakkar í vanda
BÆNDUR VESTUR-
LANDI, ATHUGIÐ
SÝNUM EFTIRTALIN TÆKI FRÁ
BÍLASÖLU VESTURLANDS,
BORGARNESI, föstudaginn 22/4
frá kl. 13-18 og laugardaginn 23/4
frá kl. 10-16:
G/obus?
Lágmúla 5 Reykjavík Sími 681555
FIAT 80-90 DT 80 HÖ 4WD
ZETOR 7745 70 HÖ MEÐ ÞRÍTENGIBEISLI OG AFLÚR-
TAKI AÐ FRAMAN
NÝTT FRÁ ZETOR
ZETOR 7745 70 HÖ MEÐ ALÖ QUICKE 3301 ÁMOKST-
URSTÆKI TVÍVIRK M/185 CM SKÓFLU
ZETOR 6211 59 HÖ NÝ STÆRÐ
STRAUTMANN VITESSE 1 DO FJÖLHNÍFAVAGN 38
M3 MEÐ BESTA BÚNAÐI
NEW HOLLAND 940 HEYBINDIVÉL NÝ STÆRÐ
FELLA 310 STJÖRNUMÚGAVÉL
FELLA KM 192 KC SLÁTTUÞYRLA
KVERNELAND MZ PLÓGUR 3x14" MEÐ LANDHJÓLI
VÉLABÆR H.F.
BÆ, ANDAKÍLSHREPPI
ÓLAFUR GUÐMUNDSSON
Hrossholti