Tíminn - 19.04.1988, Side 6

6 Tíminn
Þriðjudagur 19. apríl 1988
Um 64% allra 3ja-5 ára barna í landinu á dagvistarstofnun 1986:
Oll smábörn
á Bíldudal
í leikskóla
Á Bíldudal voru öll 3ja, 4ra og 5 ára börn á dagvistarstofnun árið
1986 og sömuleiðis 40% allra barna 2ja ára og yngri. Síðarnefnda
hlutfallið er þó hærra í raun þar sem fátítt mun að börn séu sett í
daggæslu strax við fæðingu. Bíldudalur virðist þarna hafa tekið vissa
forystu í framboði dagvistarplássa fyrir sína yngstu borgara. Þó skal
tekið fram að á Bíldudal er fyrst og fremst um leikskólapláss að
ræða. í mörgum öðrum sveitarfélögum er hlutfall barna á dagheimil-
um (í heils dags gæslu) mun hærra en á Bíldudal, t.d. um 21% allra
3ja til 5 ára barna á höfuðborgarsvæðinu.
í sex öðrum sveitarfélögum var
hlutfall 3ja-5 ára barna á leikskólum
frá 90 til 97% árið 1987 og sömuleiðis
frá 17% og upp í 57% allra barna
0-2ja ára. ( 12 syeitarfélögum til
viðbótar er hlutfallið 80-90% eldra
hópsins í dagvistun. Á höfuðborgar-
svæðinu voru þetta ár 71% eldri
barnanna á dagvistarstofnunum (um
50% á leikskólum. og 21% á dag-
heimilum) og 14% allra barna 2ja
ára og yngri.
Um 10.400 bömá
dagvistarstofnunum
Framangreindar tölur ér að finna
í Hagtíðindiim Hagstofunnar. í dés-
ember 1986 voru alls um 10.400 börn
á 190 dagvistarstofnunum á landinu.
Þar af lang stærsti hópurinn, um
8.263 börn, á aldrinum 3ja, 4rá og 5
ára, sem var um 64% af öllum
börnum á þeim aldri á landinu öllu.
Börnum á dagvistarstofnunum hafði
þá fjöigað úr 7.700 frá árinu 1981,
eða um 35%. Hlutfal! 2ja ára barna
og yngri á dagvistarstofnunum var
álíka á höfuðborgarsvæðinu og
landsbyggðinni, eða um 14% af
öllum börnum í landinu á þeim aldri.
Fóstrur aðeins í
þriðjungi fóstrustarfa
Stóra vandamálið sýnist hins vegar
að fóstrum fjölgar ekki nærri því í
hlutfalli við dagvistarplássin. Miðað
við full stöðugildi fjölgaði fðstru-
störfum úr 848 fyrir fimm árum í
1.215 árið 1986. Fóstrum fjölgaði á
sama tímabili um nær fjórðung, en
fylltu þó aðeins 423 af þessum stöðu-
gildum, þ.e. rúmléga þriðjung. Auk
53 með aðra uppeldismenntun
mannaði ófaglært starfsfólk 740
stöðugildi í fóstrustörfum.
Enginfóstra
á 26 leikskólum
Á höfuðborgarsvæðinu eru fóstrur
í 41% fóstrustarfa, eða alls um 330
af 800 stöðugildum þar. Utan höfuð-
borgarsvæðisins eru fóstrur aðeins í
um 22% fóstrustarfa eða samtals 93
stöðugildum. Alls 26 dagvistarstofn-
anir á landsbyggðjnni (3 af hverjum
10) hafa engá fóstru í starfi.
Að öðrum störfum meðtöldum
voru alls um 1.380 full stöðugildi á
dagvistarstofnunurn í landinu í árs-
lok 1986. Ekki er ólíklegt að fjöldi
starfsmanna geti þó verið um 2.000
þar sem margir eru í hlutastarfi.
Dýrt eða ekki dýrt?
Rekstrarkostnaður þessara 190
dagvistarstofnana var samtals um
725 milljónir króna árið 1986, hvar
af foreldrarnir borguðu um 225 millj-
ónir (40% á leikskólum en 26%
heildarkostnaðarins á dagheimil-
Staðir með hæst hlutfall barna
á dagvistarheimilum:
um). Útgjöld sveitarfélaganna vegna
rekstrar dagvistarstofnana 1986 voru
því um 500 milljónir.
Oft kemur fram í fjölmiðlum að
mörgum þykir daggæslan kostnaðar-
söm, bæði dýr fyrir foreldrana og
þungur baggi á sveitarfélögunum. I
því sambandi kann að vera athygl-
isvert að rifja upp, að íslendingar
kaupa sælgæti og gosdrykki (senni-
lega að töluverðum hluta sem glaðn-
ing handa þessum sömu börnum)
fyrir um fimm sinnum hærri upphæð
árlega heldur en sem nemur öllum
rekstrarkostnaði framangreindra
190 dagvistarstofnana og því a.m.k.
15 sinnum hærri upphæð en sá
þriðjungur rekstrarkostnaðarins
sem greiddur er af foreldrunum.
Sýnist því geta verið spurning hvort
t.d. 20% verðhækkun á sælgæti og
gosi hækkar heimilisútgjöldin meira
hjá mörgum barnafjölskyldum held-
ur en samsvarandi hækkun á dagvist-
argjöldum leikskólanna. -HEI
3-5 ára 0-2 ára
Bíldudalur 100 % 40 %
Patreksfjörður 97 % 26 %
Stykkishólmur 96% . 17%
Seyðisfjörður 95% 20%
Tálknafjörður 92% 30%
Borgarfjörðureystri 91% 27%
Stöðvarfjörður 89 % 6 %
Seltjarnarnes 88 % 13 %
NeshreppurSnæf. 86% 54%
Þórshöfn 86 % 35 %
Ólafsfjörður 86 % 23 %
Hvammstangi 85 % 36 %
Éyrarsveit 82% 17%
Hveragerði 81% 19%
Laugarvatn 81 % 13 %
Rangárvallahreppur 80 % 23 %
Búðahreppur 80 % 22 %
ísafjörður 80 % 9 %
Dálkarnir sýna hve stórt hlutfall árganga, annars
vegar 3ja til 5 ára barna og hins vegar barna 2ja ára
og yngri, var á dagvistarstofnunum á framan-
greindum stöðum í lok ársins 1986.
Árekstur vestan viö Vífilsstaðavatn:
3 voru fluttir á
slysadeildina og
hestur sleginn af
Árekstur varð milli hests og
þungs vélhjóls síðdegis á sunnu-
dag. Knapi, ökumaður og farþegi
vélhjóls voru fluttir á slysadeild
Borgarspítalans og hrossið varð að
slá af. Þessar slóðir eru vinsælar
meðal hestamanna og vélhjólaeig-
enda. Fjórir vélhjólamenn óku í
samfloti malarveginn vesturaf Víf-
ilsstaðavatni á þremur vélhjólum.
Sátu tveir á því hjóli sem fór fyrir
hópnum, en þeir voru að koma af
gæludýrasýningunni í Reiðhöllinni
í Víðidal.
Tíminn hafði samband við far-
þega vélhjólsins í gær, en hann lá
rúmfastur með þrýstiumbúðir á
fæti. Hann hafði fótbrotnað við
árcksturinn. Honum segist svo frá,
að þeir hafi ekið hjá mörgum
hestum á leið sinni og alltaf hægt á
ferðinni, en grár hestur hafi fælst
og stokkið í veg fyrir hjólið. Hann
getur ekki gert sér grein fyrir á
hvaða hraða þeir hafi ekið. Hjólið
lenti í síðu hestsins, en hann brotn-
aði á hægri framfæti
Knapinn féll af baki og kvartaði
undan verk í fæti. Ók lögregla
honum á slysadeild, eftir að dýra-
læknir hafði verið kallaður til og
bundið enda á þjáningar hestsins.
Vélhjólamennirnir tveir voru flutt-
ir með sjúkrabílum. Annar fót-
brotnaði, sem fyrr segir. Hinn
meiddist á baki og kenndi eymsla
fyrir brjósti. þj
Hesturinn fótbrotnaði illa þegar
vélhjól ók á hann á sunnudag.
Hesturinn var alvarlega slasaður á
hægri framfæti, eins og ætti að
sjást á innfelldu myndinni, og því
ekki um annað að ræða en aflífa
hann. Knapinn meiddist á fæti, en
tveir menn voru á vélhjólinu og
slösuðust báðir. (Tíminn: Pjctur)