Tíminn - 19.04.1988, Side 4
4 Tíminn
Þriðjudagur 19. apríl 1988
Tilkynning
um lóðahreinsun í Reykjavík,
vorið 1988
Samkvæmt ákvæðum heilbrigðisreglugerðar er
lóðareigendum skylt að halda lóðum sínum hrein-
um og þrifalegum. Umráðamenn lóða eru hér með
minntir á að flytja nú þegar af lóðum sínum allt, er
veldur óþrifnaði og óprýði og hafa lokið því eigi
síðar en 14. maí n.k. Að þessum fresti liðnum
verða lóðirnar skoðaðar og þar sem hreinsun er
ábótavant verður hún framkvæmd á kostnað og
ábyrgð húseiganda, án frekari viðvörunar. Þeir
sem óska eftir sorptunnum, hreinsun eða brott-
flutningi á rusli á sinn kostnað tilkynni það í síma
18000 eða 13210.
Til að auðvelda fólki að losna við rusl af lóðum hafa
verið settir gámar á eftirtalda staði: Við Meistara-
velli, Sigtún, Grensásveg og við Jaðarsel í Breið-
holti. Eigendur og umráðamenn óskráðra, um-
hirðulausra bílgarma, sem eru til óþrifnaðar á
götum, bílastæðum, lóðum og opnum svæðum í
borginni, eru minntir á að fjarlægja þá hið fyrsta.
Búast má við, að slíkir bílgarmar verði teknir til
geymslu um takmarkaðan tíma, en síðan fluttir á
sorphauga. Úrgang og rusl skal flytja á sorphauga
við Gufunes á þeim tíma sem hér segir:
mánudaga-föstudaga kl. 08-21
laugardaga kl. 08-20
sunnudaga kl. 10-18
Rusl, sem flutt er á sorphauga, skal vera í
umbúðum eða bundið. Ekki má kveikja í rusli á
sorphaugunum og hafa ber samráð við starfs-
mennina um losun.
Sérstök athygli skal vakin á því, að óheimilt er að
flytja úrgang á aðra staði í borgarlandinu. Verða
þeir látnir sæta ábyrgð, sem gerast brotlegir í þeim
efnum.
Gatnamálastjórinn í Reykjavík
Hreinsunardeild
í vörslu óskilamuna-
deildar lögreglunnar
er margt óskilamuna, svo sem:
reiðhjól, barnakerrur, fatnaður, lyklaveski, lyklar,
buddur, seðlaveski, kvenveski, skjalatöskur, úr,
gleraugu o.fl.
Er þeim, sem slíkum munum hafa glatað, bent á
að spyrjast fyrir um þá á skrifstofu óskilamuna,
Hverfisgötu 113 (gengið inn frá Snorrabraut), frá
kl. 14:00-16:00 virka daga.
Þeir óskilamunir sem eru búnir að vera í vörslu
lögreglunnar ár eða lengur verða seldir á uppboði
í portinu að Borgartúni 7, laugardaginn 30. apríl
1988.
Uppboðið hefst kl. 13:30.
Lögreglustjórinn í Reykjavík,
15. apríl 1988
Frá Grunnskólanum
í Mosfellsbæ
Innritun nýrra nemenda í Grunnskóla Mosfellsbæj-
ar næsta skólaár fer fram dagana 18. og 19. apríl
n.k. kl. 10-14.
í Varmárskóla (6-12 ára) í síma 666154 og í
gagnfræðaskólanum (13-15 ára) í síma 666186.
Skólastjórar
Fundað um skreiðarskuldirnar:
Leitað leiða
til að fresta
afborgununum
Þorsteinn Pálsson, forsætisráðherra, Halldór Ásgrímsson, sjávarútvegsráðherra, Jón
Sigurðsson, viðskiptaráðherra, seðlabankastjórarnir Geir Hallgrímsson og Jóhannes
Nordal og skreiðarnefndin svo kallaða, hafa hist á fundi, þar sem skýrsla nefndarinnar
var til umræðu og leitað leiða til að losa skreiðarframleiðendur út úr þeim vanda sem
þeir eru nú í.
„Þetta var fundur til að spjalla um
skýrslu nefndarinnar og athuga
hvernig heppilegast væri að ljúka
þessu máli. Ég vil nú ekki segja að
það hafi orðið nein sérstök niður-
staða, önnur en sú að menn vildu
freista að heimta inn skreiðarskuld-
irnar, en það var ekki nein önnur
niðurstaða. Ég hef lýst yfir þeirri
skoðun að fyrir mína parta kemur sú
leið sem skreiðarnefndin lagði til
ekki til greina," sagði Jón Sigurðs-
son, viðskiptaráðherra í samtali við
Tímann í gær.
Þegar skreiðarnefndin hafði út-
skýrt skýrsluna og seðlabankamenn
höfðu hafnað henni alfarið, sátu
ráðherrar eftir á rökstólum og rædd-
um nrálin.
“Það var ákveðið að vinna áfram
að málinu og niðurstaðan varð sú að
það yrðu fundnar leiðir til að fresta
greiðslum af þessunt skuldum
skreiðarframleiðenda, meðan það
kæmi betur í Ijós með hvaða hætti
greiðslur myndu berast frá Nígeríu.
Það eru rúmar 500 milljónir sem
hvíla á skreiðarframleiðendum í
afurðalánum og það á að leita leiða
til að fresta þeim afborgunum. Það
má segja að það hafi orðið niðurstað-
an.
Aðalatriði málsins er að það þarf
að einhenda sér í að ná þessum
peningum inn," sagði Halldór Ás-
grímsson, sjávarútvegsráðherra í
samtali við Tímann.
Halldór lýsti einnig yfir að hann
teldi að leið skreiðarnefndarinnar
yrði ckki framkvæmd.
Það kemur því í hlut bankanna og
þeirra sem eiga þessa peninga, og
Seðlabankinn mun aðstoða við það
verk.
Annar fundur hefur ekki verið
ákveðinn út af þessu máli og skreið-
arnefndin hefur nú formlega lokið
sínum störfum. -SÓL
Borain byggir Ulf Ijótsskála
Bygging sameiginlegrar þjónustu-
miðstöðvar Reykjavíkurborgar,
Starfsmannafélags Reykjavíkur-
borgar og Rafmagnsveitu Reykja-
víkur við sumarhús starfsmannafé-
lagsins við Ulfljótsvatn, hófst í byrj-
un apríl.
Ákvörðun um byggingu hússins
var tekin af borgarráði í tilefni af 60
ára afmæli Starfsmannafélags
Reykjavíkurborgar þann 17. júní
1986, en borgarstjórn Reykjavíkur
afhenti starfsmannafélaginu land
undir sumarhús á Úlfljótsvatni í
tilefni 40 ára afmælis félagsins árið
1966.
Tilboði í verkið var tekið í janúar
s.l. og var samið við lægstbjóðanda,
Iðnverktaka s/f, en tilboðsupphæðin
er tæpar 28 milljónir króna. Úlfljóts-
skáli verður einnar hæðar timburhús
á steyptum kjallara með svalalofti í
risi að hluta og er flatarmál hússins
578 fermetrar.
Til framkvæntda á þessu ári verður
varið 17 milljónum króna og áætlað
er að húsið verði tilbúið til notkunar
20. maí 1989.
Hönnuðir hússins eru arkitektarn-
ir Þorvaldur S. Þorvaldsson, Jón Þ.
Fyrsta skóflustunga að þjónustumiðstöð við Úlfljótsvatn tekin: T.f.v.
Haukur Pálmason, Davíð Oddsson og Haraldur Hannesson.
Þorvaldsson og Kristján Ásgeirsson,
ásamt Verkfræðistofu Sigurðar
Thoroddsen.
í bygginganefnd Úlfljótsskála eru:
Haraldur Hannesson formaður
Starfsmannafélags Reykjavíkur-
borgar, Haukur Pálmason aðstoðar-
rafmagnstjóri og Þorvaldur S. Þor-
valdsson forstöðumaður borgar-
skipulags.
Nýi tónlistarskólinn á 10 ára afmæli í dag:
AFMÆLISTÓNLEIKAR
í BÚSTAÐAKIRKJU
Nýi tónlistarskólinn heldur upp á
10 ára afmæli sitt með opinberum
tónleikum í dag. þriðjudag 19. apríl
kl. 20.30 í Bústaðakirkju. Á tón-
leikunum koma fram nemendur úr
framhaldsdcildunt skólans.
Ásdís Jónsdóttir, flauta, Guðrún
Árnadóttir, fiðla, MóeiðurSigurðar-
dóttir, lágfiöla, og Ólöf Breiðfjörð,
selló, flytja kvartctt eftir Mozart.
Ólafur Þorvaldsson leikur á gítar
Dans nr. 5 eftir Granados. Helga
Ágústsdóttir leikur á selló Tilbrigði
eftir Beethoven. píanóleikari er
Bjarni Jónatansson. Ólafur Elíasson
leikur á píanó Scherzo í h-moll nr. 1
eftir Chopin. Pálína Árnadóttir leik-
ur á fiðlu Scene de Ballet op. 100
eftir Deberiot. Jóhanna Linnet syng-
ur þrjú lög eftir Árna Harðarson og
Arinbjörn Árnason leikur á píanó
Ondine úr Gaspard de la Nuit eftir
Ravel. Ólöf Breiðfjörð leikur á
selló. ásamt strokhljómsveit
skólans, Konsert í e-moll eftir Vi-
valdi, undir stjórn Árna Arinbjarn-
arsonar. Að lokum flytur sinfóníu-
hljómsveit nemenda, ásamt kennur-
um skólans, Sinfóníu í A-dúr nr. 29
k-201 eftir Mozart undir stjórn
Ragnars Björnssonar, skólastjóra.
1 tilefni afmælisins fer skólinn í
tónleikaferð norður í land 21. apríl
nk. og heldur tónleika m.a. á
Hvammstanga, Húsavík og Akur-
eyri.
Aðgangur að tónleikunum í Bú-
staðakirkju er ókeypis og öllum
opinn. þj