Morgunblaðið - 28.01.2006, Blaðsíða 24

Miðbær | Klæði og skæði
þurfa að vera í lagi hjá göngu-
görpum, hvort sem þeir arka
um götur og torg eða fjöll og
firnindi. Þessi garpur fann góð-
an stað á Skólavörðustígnum
til að binda skóþveng sinn, áð-
ur en haldið var áfram ferð um
borgina.
Morgunblaðið/Sverrir
Skóþvengur bundinn
á Skólavörðustígnum
Borgarlíf
Akureyri | Suðurnes | Árborg | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 461-1601, Margrét Þóra Þórs-
dóttir, maggath@mbl.is, 669-1117 og Skapti Hallgrímsson, skapti@mbl.is, 669-1114.
Vesturland Guðrún Aðalsteinsdóttir, frett@mbl.is, sími 569-1290. Austurland Steinunn Ásmunds-
dóttir, austurland@mbl.is, sími 669-1115. Árborgarsvæðið og Landið Helgi Bjarnason, helgi-
@mbl.is, sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Víða á landsbyggðinni er það svo að
með hækkandi sól í byrjun hvers árs
kemur einhver kraftur í menningarlífið.
Strandir eru þar enginn undantekning.
Veðrið spilar eflaust þar inn í og eftir
umhleypinga undanfarinna vikna njóta
Strandamenn lognríkra daga. Félagslíf
stendur með miklum blóma um gjörvalla
sýsluna og sama er hvert er litið, hvaða
aldurshópur á í hlut, alls staðar virðist
gilda hið forkveðna, að maður sé manns
gaman.
  
Strandamenn hafa líka ákveðið að
kjósa mann ársins. Að þessu sinni
stendur vefurinn strandir.is fyrir kosn-
ingunni. Fyrri umferð er lokið og í
þeirri seinni er kosið um þá þrjá aðila
sem fengu flestar tilnefningar, en hátt í
þriðja tug manna fékk tilnefningar. Nú
er kosið á milli eru Aðalheiðar Ólafs-
dóttur söngkonu úr Stjörnuleit, Guð-
brands Einarssonar göngugarps, úr
átakinu Haltur leiðir blindan, og Jóns
Jónssonar ferðamálafrömuðar. Í fyrra
hlaut Sverrir Guðbrandsson, sem gaf út
endurminningar sínar í bókinni Ekkert
að frétta, titilinn Strandamaður ársins
2004. Úrslit í kosningunni um Stranda-
mann ársins 2005 verða kunngjörð á
vefnum nú eftir helgi.
  
Í skólalífinu er verið að undirbúa
árshátíðir, sem fram eiga að fara í mars,
bæði í grunnskólanum á Drangsnesi og
á Hólmavík. Foreldrafélagið á Hólmavík
hefur sömuleiðis boðað til félagsvistar
annað kvöld og er búist við 30-60 manns
á öllum aldri sem taka munu í spil.
Á Hólmavík stendur til mikil
íþróttahátíð í dag. Þar ætla nemendur
og foreldrar að spreyta sig í ýmsum
íþróttum, rifja upp fugladansinn og
skella sér í sund á eftir.
  
Eins og annars staðar á þessum árs-
tíma eru Strandamenn í óða önn að und-
irbúa þorrablót. Að minnsta kosti fjögur
þorrablót eru haldin í sýslunni, þar af
tvö í febrúarbyrjun.
Heyrst hefur að hólmvískar konur séu
að æfa mikinn leikþátt í revíustíl, og
sama er upp á teningnum á Drangsnesi,
en á Hólmavík. Það er venjan hér að
konurnar bjóði til þorraveislu og karl-
arnir skipuleggi svo góufagnað nokkrum
vikum síðar.
Úr
bæjarlífinu
HÓLMAVÍK
EFTIR KRISTÍNU SIGURRÓS EINARS-
DÓTTUR FRÉTTARITARIA
Samningurinn felur í sér að fyr-
irtækin styrkja starfið hjá KFR í gegn-
um auglýsingar á fatnaði. Keyptir hafa
verið regnjakkar á alla iðkendur KFR,
alls 140 jakka, og eru þeir með auglýs-
ingum fyrirtækjanna. Myndin er tekin
þegar skrifað var undir samninginn.
Knattspyrnufélag Rangæinga(KFR), verktakafyrirtækið Múrog Mál ehf. og ferðaþjónustufyr-
irtækið Hellishólar ehf. í Fljótshlíð skrif-
uðu nýlega undir samstarfssamning til
næstu þriggja ára, en sömu eigendur eru
af báðum fyrirtækjunum.
Samstarf fyrirtækja og KFR
Hjónakornin Þór-arinn Hjartarsonog Margrét Guð-
mundsdóttir voru að búa
sig undir nóttina. Margrét
nefndi að líklega væru
vinahjón þeirra, Páll
Valsson og Halla Kjart-
ansdóttir, að ræða stöðu
íslenskunnar uppi í rúmi á
kvöldin. Þórarinn varð
hugsi og glettist:
Ég hef fengið upp í kok
alveg málfarslöggufjandann
Páls og Höllu pillow talk
er pundað yfir veslings landann.
Rúnar Kristjánsson orti
til manns sem ekki vildi
heyra nein rök:
Heyrðu í þeim sem hugsa ólíkt
þér,
heldur mun þá vitkast í þér
sálin.
Þröngsýni á þroska hömlun er,
þekktu hvernig aðrir líta á
málin!
Hjónasögur
pebl@mbl.is
Hveragerði | Orkuveita Reykjavíkur hefur
gerist aðili að Háskólasetrinu í Hveragerði.
Gerðist það við endurnýjun samstarfssamn-
ings um starfrækslu Háskólasetursins sem
nýlega fór fram.
Aðilar að samningnum eru Háskóli Ís-
lands, Landbúnaðarháskóli Íslands, Hvera-
gerðisbær, Prokaria rannsóknir ehf., Rann-
sóknastofnunin Neðri Ás, Sunnlensk orka
og Orkuveita Reykjavíkur. Orkuveita
Reykjavíkur kom í stað Heilsustofnunar
NLFÍ. Með samningnum eru Háskólasetr-
inu áfram tryggðir óbreyttir fjármunir til
rekstursins en það sem á vantar verður
fengið með aflafé, svo sem styrkjum og út-
seldri vinnu, að því er fram kemur í frétta-
tilkynningu.
Háskólasetrið í Hveragerði tók til starfa
árið 2000 og er þetta í þriðja sinn sem sam-
starfssamningurinn er framlengdur. Aðal-
starfsvettvangur setursins eru náttúru-
fræði- og umhverfisrannsóknir. Rannsóknir
setursins hafa meðal annars verið á sviði
mengunarmála, vatnavistfræði og örveru-
fræði. Meðal verkefna sem unnið hefur ver-
ið að eru rannsóknir á baðleir, mengunar-
flokkun fall- og stöðuvatna, úttekt á
náttúrulegum baðlaugum og úttekt, mæl-
ingar og ráðgjöf á sviði skólpmengunar.
Setrið hefur aðsetur að Reykjum í Ölfusi,
en auk þess ræður það yfir vinnuaðstöðu og
fræðimannsíbúð í Hveragerði. Aðstaðan og
íbúðin standa til boða vísindamönnum og
námsmönnum, sem eru að vinna að rann-
sóknaverkefnum, og ganga þeir fyrir sem
vinna að rannsóknum sem tengjast starfs-
sviði setursins eða viðfangsefnum á Suður-
landi.
Orkuveitan
aðili að
Háskólasetri
í Hveragerði
Vestmannaeyjar | Viðræður eru að hefjast
um byggingu knattspyrnuhúss í Vest-
mannaeyjum. Bæjarstjórn hefur falið bæj-
arstjóra, formanni bæjarráðs og forseta
bæjarstjórnar að ræða við forráðamenn
ÍBV og aðra þá aðila sem kunna að koma að
fjármögnun, byggingu og rekstri knatt-
spyrnuhúss.
Fram kemur á sudurland.is að Bergur
Elías Ágústsson bæjarstjóri skilaði ítarlegri
greinargerð um málið á síðasta bæjarstjórn-
arfundi og í framhaldi af því var ákveðið að
skipa nefndina. Hún á að skila tillögum fyrir
20. febrúar næstkomandi. Leiði viðræður til
þess að ráðist verði í byggingu knattspyrnu-
húss skal jafnframt fylgja þeim tillögur um
hvernig þeim útgjaldaauka verði mætt í
málaflokknum íþróttir og æskulýðsmál.
Hefja viðræður
um knatt-
spyrnuhús
♦♦♦
Vinsamlegast komið vörunni til
Osta- og smjörsölunnar, Bitruhálsi 2.
Við biðjum viðskiptavini okkar velvirðingar á óþægindunum.
Allar nánari upplýsingar veitir Geir Jónsson forstöðumaður
rannsóknarstofu Osta- og smjörsölunnar í síma 569 1640
eða 664 1640.
sími 569 1600 • fax 567 3465
Osta- og smjörsalan innkallar eftirfarandi
þrjár vörutegundir vegna galla:
Búri Havarti Krydd-Havarti
INNKÖLLUN