Morgunblaðið - 29.07.2006, Qupperneq 31

MORGUNBLAÐIÐ LAUGARDAGUR 29. JÚLÍ 2006 31
MENNING
hann ásamt kór frá Kasakstan
opna Europa Cantat í ár á sér-
stökum hátíðartónleikum á setn-
ingarkvöldi mótsins, þar sem hann
flytur Vorkvæði um Ísland eftir
Jón Nordal, og taka þátt í tveimur
vinnustofum á hátíðinni, sem lýkur
með tónleikum.
Í annarri vinnustofunni er
sjónum beint að rússneskum
þjóðlögum í útsetningum Shosta-
kovits, en hún er sérstaklega hald-
in til að fagna þeim 100 árum sem
liðin eru frá fæðingu tónskáldsins í
haust.
HAMRAHLÍÐARKÓRINN hélt í
gær á æskukóramótið Europa
Cantat, sem nú er haldið í 16. sinn,
að þessu sinni í Mainz í Þýska-
landi með yfir 3.000 þátttakendum.
Þetta er í 9. sinn sem kórinn sækir
þessa stóru hátíð heim, en hann
fór fyrst á hátíðina fyrir 30 árum.
Stjórnandi kórsins er Þorgerður
Ingólfsdóttir.
Syngur á setningarhátíðinni
Hamrahlíðarkórnum hafa verið
falin nokkur viðamikil verkefni á
kóramótinu að þessu sinni. Mun
Hitt verkefnið er flutningur á
Sálmasinfóníu Stravinskys sem
Hamrahlíðarkórinn var valinn til
að flytja ásamt tveimur öðrum úr-
valsæskukórum frá Evrópu;
Robert Schumann-kórnum frá
Mið-Evrópu og hinum virta Æsku-
kór Noregs.
Að auki mun kórinn halda fjölda
tónleika með eigin efnisskrá, þar
sem íslensk kórtónlist og íslensk
þjóðlög eru í forgrunni.
Tónlist | Hamrahlíðarkórinn tekur þátt í kóramótinu Europa Cantat um þessar mundir
Flytur Sálmasinfóníuna
Morgunblaðið/Golli
Hamrahlíðarkórinn skipa sextíu ungmenni á aldrinum 17-25 ára.
www.europacantat.org
SPUNI er nokkuð sem fáir „klass-
ískir“ tónlistarmenn hafa hlotið þjálf-
un í. Það eru helst organistar sem
geta leikið af fingrum fram og hafa
nokkur dæmi um það heyrst í Hall-
grímskirkju í gegnum tíðina. Nú síð-
ast var það kona frá Frakklandi sem
heitir því langa nafni Sophie-
Veronique Cauchefer-Choplin, en
hún hefur unnið til verðlauna í spuna.
Á tónleikunum, er haldnir voru á
sunnudagskvöldið, var organistanum
afhent íslenskt þjóðlag, sem texti eft-
ir Hallgrím Pétursson hefur verið
sunginn við. Cauchefer-Choplin hafði
ekki séð lagið áður (eftir því sem ég
best veit) en það breytti engu; lagið
umbreyttist í meðförum hennar og
varð að stórfenglegri sinfóníu sem
unaður var að hlýða á. Það var eins og
ævintýri um fátækan bóndason sem
heldur út í heim, berst við dreka og
forynjur, og vinnur kóngsdótturina
og hálft konungsríkið að lokum. Gam-
an væri að heyra Cauchefer-Choplin
spinna við fleiri íslensk þjóðlög.
Fyrir utan spunann samanstóð
dagskráin af verkum eftir ýmis tón-
skáld. Sérstaklega verður að nefna
sálmaforleik BWV 686 eftir Bach, en
það er ákaflega þykk tónlist með sex
röddum. Dettur mér þá í hug skop-
mynd sem ég sá einu sinni af Franz
Liszt með sex hendur að spila á las-
burða flygil. Einhvern veginn þannig
var tónlistin eftir Bach, hún var svo
þétt og efnismikil að það var eins og
organistinn væri kónguló!
Reyndar fékk Cauchefer-Choplin
lánaða aðra hönd flettarans, Láru
Bryndísar Eggertsdóttur organista, í
stað þess að „dobbla“ eina rödd org-
elsins, en þannig urðu litbrigði tón-
smíðarinnar fleiri en ella. Útkoman
var verulega skemmtileg.
Einkennandi fyrir leikstíl Cauche-
fer-Choplin er skýrleiki sem maður
heyrir oft hjá frönskum píanóleikur-
um. Nákvæmnin og öryggið var
aðdáunarvert í öllum verkum dag-
skrárinnar, þar á meðal hinni stór-
brotnu sónötu nr. 2 í c-moll eftir
Mendelssohn. Stígandin í róman-
tískri túlkuninni var auk þess afar
markviss og grípandi.
Tónsmíðar eftir Bédard, Pierné,
Mulet og fleiri voru líka hver annarri
magnaðri; styrkleikajafnvægið á milli
ólíkra radda var úthugsað og radd-
valið stílhreint og sannfærandi. Ótrú-
leg fótafimin vakti sérstaka aðdáun
mína, en hún var þvílík að þegar mest
gekk á var eins og organistinn væri
að dansa fjörugan steppdans.
Efnisskráin var þó ekki eintóm
flugeldasýning; hin innhverfa Medi-
tation eftir Duruflé var t.d. einstak-
lega hrífandi, blæbrigðarík og falleg.
Óneitanlega voru þetta frábærir tón-
leikar; megi Cauchefer-Choplin koma
hingað fljótt aftur.
Margar
hendur
organistans
TÓNLIST
Hallgrímskirkja
Sophie-Veronique Cauchefer-Choplin
flutti tónlist eftir Bach, Mendelssohn,
Pierné, Mulet og Duruflé. Sunnudagur
23. júlí.
Orgeltónleikar
Jónas Sen


 

          
         !      
 



 









  

          






G L Æ S I L E G S Ý N I N G
28. - 30. júlí
um helgina milli kl. 12 og 17
Gengið inn um aðalinngang
Á sýningunni verða einnig til sýnis:
Mercedes Bens CLS 500
Mercedes Bens SLK 280
Mercedes Bens ML 350
Mercedes Bens S550
Master er komin með þessa frábæru bíla í sölu
og munum af því tilefni halda sölusýningu dagana