Morgunblaðið - 24.04.2007, Blaðsíða 12
12 ÞRIÐJUDAGUR 24. APRÍL 2007 MORGUNBLAÐIÐ
FRÉTTIR
JÓN Eiríksson Drangeyjarjarl er
ferðafrömuður ársins 2007 að mati
Útgáfufélagsins Heims. Tilkynnt
var um valið á Ferðasýningunni í
Fífunni í Kópavogi sl. laugardag.
Þetta er í fjórða sinn sem Heim-
ur stendur fyrir útnefningu ferða-
frömuðar ársins. Jón Karl Ólafs-
son, formaður Samtaka
ferðaþjónustunnar, afhenti ferða-
frömuðinum viðurkenningarskjal
við sérstaka athöfn á Ferðasýning-
unni en Ottó Schopka, ritstjóri
ferðabóka Heims, kynnti val dóm-
nefndar.
Í viðurkenningarskjali segir: „Í
mati sínu lagði dómnefnd til grund-
vallar einstaka athafnasemi, þraut-
seigju og metnað við að byggja upp
og reka ferðaþjónustu þar sem
sagnaarfinum er miðlað á eft-
irminnilegan og persónulegan hátt,
svo og þátttöku hans í uppbygg-
ingu og stefnumótun ferðaþjónust-
unnar í heimabyggð.“
Í dómnefndinni áttu sæti Ottó
Schopka og Benedikt Jóhannesson
frá Heimi hf., Sævar Skaptason,
framkvæmdastjóri Ferðaþjónustu
bænda, og Dóra Magnúsdóttir,
markaðsstjóri ferðamála hjá
Reykjavíkurborg.
Heimur gefur út árlega yfir eina
milljón bæklinga og tímarita fyrir
ferðamenn á Íslandi, m.a. Á ferð
um Ísland, Around Iceland, Rund
um Island, landshlutabæklinga, Ís-
lands- og Reykjavíkurkort, What’s
on, Golfhandbókina, Veiðimanninn,
Atlanticu, Ský og Iceland Review.
Ferðafrömuður Jón Eiríksson Drangeyjarjarl tekur við viðurkenningunni
frá Jóni Karli Ólafssyni, formanni Samtaka ferðaþjónustunnar.
Drangeyjarjarlinn valinn
HEIMSÞEKKTUR sérfræðingur í
hjarta- og æðasjúkdómum, John M.
Gaziano, er gestafyrirlesari á Vís-
indum á vordögum á Landspítala –
háskólasjúkrahúsi 2007. Hann flyt-
ur fyrirlestur sinn á vísindadagskrá
sem hefst í Hringsal föstudaginn
27. apríl kl. 13.00. Fyrirlesturinn er
öllum opinn.
Dr. Gaziano er sérfræðilæknir í
Boston, forstjóri Massachusetts
Veterans Epidemiology Research
and Information Center og aðstoð-
arprófessor við Harvard Medical
School. Hann hefur hlotið fjölmörg
verðlaun, bæði fyrir akademíska
hæfni og rannsóknir sínar og situr í
ritstjórn fjögurra alþjóðlegra vís-
indatímarita en gegnir einnig fjöl-
mörgum öðrum trúnaðarstörfum í
sínu heimalandi, segir í frétt frá
LSH.
Morgunblaðið/Júlíus
Hjartalæknir á
vordögum LSH
Húsavík | Hrefn-
ur og höfrungar
sýndu sig í fyrstu
ferð Norður-
Siglingar á hvala-
slóðir þetta sum-
arið. Það var
Bjössi Sör sem
sigldi á vit ævin-
týranna með sex-
tán farþega á
sunnudaginn og
voru þeir, sem eru
frá ýmsum lönd-
um, að vonum
ánægðir með ferð-
ina.
Hvalaskoð-
unarvertíðin í ár er sú þrettánda hjá Norður-Siglingu og hafa þær aldrei
byrjað eins snemma og í ár en fyrirtækið gerir út fjóra báta. Á myndinni
má sjá Nils B. Hailer, leiðsögumann hjá Norður-Siglingu, sem var klár með
endann þegar komið var að landi eftir fyrstu hvalaskoðunarferð sumarsins
frá Húsavík.
Hrefnur og höfrungar
Morgunblaðið/Hafþór Hreiðarsson
ÞRIÐJI og síðasti fyrirlestur á veg-
um Pourqoi Pas – Fransks vors í
Hátíðarsal Háskóla Íslands verður í
dag, þriðjudaginn 24. apríl. Þar
flytur Yves Coppens fornmann-
fræðingur fyrirlesturinn „The orig-
ins of Man: a bunch of ancestors.“
Yves Coppens er prófessor og
fornmannfræðingur. Hann er hvað
þekktastur fyrir að hafa fundið
fjöldann allan af mikilvægum stein-
gervingum sem hafa varpað nýju
ljósi á þróunarsögu mannsins, segir
í fréttatilkynningu.
Einnig flytur Gísli Pálsson mann-
fræðingur, prófessor við Háskóla
Íslands, erindi sem nefnist: „Lucy
in the sky …: Out of Africa, Out of
Earth“. Fundarstjóri er Agnar
Helgason, vísindamaður hjá de-
CODE genetics, mannfræðingur og
aðjunkt við Háskóla Íslands. Dag-
skráin hefst kl. 15.30 og eru allir
velkomnir.
Þróunarsagan
SLYS varð um miðjan dag á sunnu-
dag á Suðurvöllum í Reykjanesbæ
þar sem ökumaður bifhjóls missti
stjórn á hjólinu með þeim afleið-
ingum að hann hafnaði í innkeyrslu
húss. Sjónarvottar sögðu hjólið
hafa lent á kantsteini og við það
tekist á loft. Ökumaðurinn hefði
sömuleiðis farið í loftköstum inn í
innkeyrslu eins hússins við götuna.
Ökumaðurinn var fluttur með
sjúkrabifreið á sjúkrahús en hann
fann til í baki og hnakka. Hjólið var
mikið skemmt eftir óhappið.
Í loftköstum
ÚR VERINU
& '(
)'(
* '(
+ ',(
!"
"
"
!
"
!
#$
!
"
!
!
"
!
"
"
!
"
"
% &
'&
()
*
&
+,
-
./+
)
+,
-
./+
+
+,
-
./+
(-
"
0
"
.%'/01
1)
+)
&
&
2
& 3
4
2 $
5 /
- 1
1
#$
2
2
#$
2
3
)$
"!
#$
2
1
1
67
$
&3 '. 1
1)
!
+)
2
&
4
2 $
5 /
(
&
1)
"
+)
&
2
!
#$
$
1
4
$
!
!
!
"
!
NORSKI útgerðarmaðurinn Kjell
Inge Rökke hefur ákveðið að áfrýja
ekki dómi upp á þriggja mánaða
fangelsi fyrir að múta sænskum
embættismanni til að gefa út falskt
prófskírteini, sem heimilaði honum
að stýra lystisnekkju sinni. Einn
mánuður af dómnum er óskilorðs-
bundinn og þarf Rökke því í fangelsi
í mánuð.
Lögmaður Rökke segir að þetta
þýði ekki að Rökke lýsi sig sekan.
Hann telji áfram að dómurinn sé
rangur, en kæri sig ekki um að
lengja biðina eftir að dómnum verði
fullnægt með því að halda málinu
áfram, svo lengi sem aðalatriði máls-
ins komi ekki til endurskoðunar.
Frestur til áfrýjunar rennur út ann-
an maí.
Rökke tók skipstjórnarpróf hjá
sænskri stofnun og fékk það afhent.
Það var síðan yfirfært sem norsk
réttindi og taldi hin sænska stofnun
ekkert athugavert við það. Réttur-
inn var þessu ósammála og taldi að
skírteinið hefði verið keypt, að
Rökke hefði mútað sænskum emb-
ættismanni til að fá skírteinið.
Vitorðsmenn Rökke voru einnig
dæmdir og allir hugðust þeir áfrýja
dómnum en Rökke ákvað síðan að
draga áfrýjunina til baka.
Rökke í
fangelsi
FISKVEIÐAR
Evrópusam-
bandsþjóða hafa
minnkað undan-
gengin ár á sama
tíma og fiskeldi
hefur lítið aukist.
Lönd Evrópu-
sambandsins
(ESB) eru því sí-
fellt háðari innfluttum sjávarafurð-
um til að anna aukinni eftirspurn.
Þetta kemur fram í nýrri skýrslu
Glitnis um sjávarútveg innan ESB.
Þannig er innflutningur á sjáv-
arafurðum til aðildarlanda sam-
bandsins tæplega tvöfalt meiri en
útflutningur. Sem eitt svæði er
ESB einn mikilvægasti markaður
fyrir sjávarafurðir í heiminum og
er árleg neysla á mann um 22 kg
sem er 6 kg yfir meðaltali á heims-
vísu. Mest er sjávarafurðaneyslan í
Portúgal og á Spáni en minnst í
Rúmeníu og Búlgaríu. Frakkland
er stærsti markaðurinn fyrir sjáv-
arafurðir en á eftir koma aðrar
fjölmennar þjóðir líkt og Spánn,
Ítalía, Bretlandi og Þýskaland.
Pangasius haslar
sér völl í Evrópu
Víetnamska hvítfisktegundin
pangasius er eldistegund sem sí-
fellt verður vinsælli til neyslu í
löndum ESB. Fiskurinn er einkum
ræktaður í Mekong-fljóti og er
mjög hraðvaxta í samanburði við
annan eldisfisk. Framleiðsla á
pangasius hefur vaxið hröðum
skrefum og í fyrra er talið að 750
þús. tonn hafi verið framleidd í Ví-
etnam. ESB er mikilvægasti mark-
aðurinn með 47% hlutdeild í út-
fluttum pangasius-afurðum.
Evrópsk sjávarútvegsfyr-
irtæki hækkað um 22% í ár
Markaðsvirði tíu stærstu skráðu
evrópsku sjávarútvegsfyrir-
tækjanna hefur hækkað um 21,8%
það sem af er ári. Þar vegur þungt
að afkoma laxeldisfyrirtækja hefur
verið góð og almennt hefur verð á
afurðum hækkað á heimsmörkuð-
um.
ESB sífellt
háðara
innflutn-
ingi á fiski
Siglufjörður – Þegar komið er inn í
Bátahúsið, sem er nýjasta bygging
Síldarminjasafnsins í Siglufirði, blasir
við gamalt öryggistæki sjófarenda.
Þarna er staðsett ljóskerið úr vitan-
um á Siglunesi. Ljóskerið, sem er
snúningslinsa, var sett í vitann þegar
hann var byggður árið 1908 og þar
lýsti það sjófarendum jafnt í sólskini
sem hríðarbyl í sextíu ár.
Það var tekið úr vitanum árið 1995.
Ljósið er þó mun eldra því það var
upphaflega sett í vitann á Reykjanesi
árið 1897. Það er mjög vel með farið,
líkist einna helst vel með förnu hús-
gagni. Upphaflega var í því steinolíu-
lampi en síðan tók við gasljóstæki. Ár-
ið 1961 var vitinn rafvæddur og fékk
straum frá ljósavélum allt til ársins
1992 að sólarrafstöð var sett á vitann.
Ári síðar var svo sett upp vindrafstöð.
Snúningslinsan er í eigu Siglinga-
stofnunar Íslands en er lánuð Síldar-
minjasafninu. Gestir sem koma í
Bátahúsið komast ekki hjá því að reka
augun í þennan merkilega grip sem
sómir sér vel undir sama þaki og
gömlu skipin sem þarna eru til sýnis.
Ljósmynd/Örn Þórarinsson.
Siglingar Hafþór Rósmundsson stjórnarformaður Síldarminjasafnsins tv.
og Örlygur Kristfinnsson safnstjórið við vitaljósið.
Gamalt öryggistæki
prýðir Bátahúsið
TVÖ skip eru með langmestan kvóta
í norsk-íslenzku síldinni. Það eru Vil-
helm Þorsteinsson EA sem er með
19.356 tonna úthlutun og Barði NK
sem er með 16.696 tonn. Af þessari
úthlutun eru bæði skipin með ríflega
3.000 tonna heimildir innan norsku
lögsögunnar.
Sjávarútvegsráðherra hefur gefið
út reglugerðir um veiðar á norsk-ís-
lenskri síld á árinu 2007. Annars
vegar reglugerð um veiðar íslenskra
skipa á norsk-íslenskri síld og hins
vegar reglugerð um veiðar norskra,
færeyskra og rússneskra skipa á
norsk-íslenskri síld í íslenskri lög-
sögu. Samkvæmt fyrrnefndu reglu-
gerðinni er íslenskum skipum heim-
ilt að veiða 185.728 tonn af
norsk-íslenskri síld á árinu 2007. Þar
af er 15 íslenskum skipum heimilt að
veiða 34.560 tonn í norskri lögsögu.
Eingöngu er íslenskum skipum
heimilt að veiða norðan 62°N í
norskri lögsögu og utan 12 sjómílna
frá grunnlínum. Veiðarnar hefjast
venjulega á vordögum eða í upphafi
sumars.
Vilhelm og Barði
með mest af síld