Morgunblaðið - 25.04.2007, Blaðsíða 6
6 MIÐVIKUDAGUR 25. APRÍL 2007 MORGUNBLAÐIÐ
FRÉTTIR
Eftir Rúnar Pálmason
runarp@mbl.is
GUNNAR I. Birgisson, bæjarstjóri í
Kópavogi, sagði eftir fund með um-
hverfisráðherra í gær að hann myndi
óska eftir því að ákvörðun ráðuneyt-
isins um að synja staðfestingu á
svæðisskipulagi vegna Glaðheima-
svæðisins, yrði tekin upp að nýju þar
sem ráðuneytið hefði ekki haft öll
nauðsynleg gögn undir höndum.
Bæjarstjórinn sagði að yrði breyt-
ingartillagan ekki samþykkt, stefndi
í stríðsástand í skipulagsmálum á
höfuðborgarsvæðinu.
Jónína Bjartmarz umhverfisráð-
herra sagði að Kópavogsbær hefði
óskað eftir fundi til að gera grein fyr-
ir sínum sjónarmiðum, en engin
ákvörðun hefði verið tekin eða nið-
urstöðum breytt, enda hefði það
aldrei staðið til. „Það er okkar nið-
urstaða að þetta sé ekki óveruleg
breyting, heldur veruleg og þurfi
því, samkvæmt skipulagslögunum,
að fara fyrir samvinnunefndina,“
sagði hún. Svæðisskipulagið ætti að
tryggja heildarsýn á skipulag sveit-
arfélaganna á höfuðborgarsvæðinu
sem mynduðu eitt íbúa-, atvinnu- og
þjónustusvæði. Markmiðið væri m.a.
að tryggja að fólk kæmist leiðar
sinnar en umferðarþunginn á
Reykjanesbrautinni og öðrum stofn-
brautum væri nú þegar mjög íþyngj-
andi. Ráðuneytið færi eingöngu eftir
lögum. Um samanburð Glaðheima
við önnur svæði, s.s. Kauptún í
Garðabæ, sagði Jónína að tilvikin
hefðu ekki verið talin sambærileg.
Með ákvörðun umhverfisráðu-
neytisins um að breytingarnar sem
Kópavogsbær vill gera á svæðis-
skipulagi höfuðborgarsvæðisins
vegna fyrirhugaðrar uppbyggingar á
Glaðheimasvæðinu, og greint var frá
í Morgunblaðinu í gær, þarf tillaga
Kópavogsbæjar að fara fyrir sam-
vinnunefnd um svæðisskipulag.
Samhliða því sem bærinn óskar eftir
endurupptöku verður tillagan lögð
fyrir nefndina. „Ef svæðisskipulags-
ráðið samþykkir ekki þessa tillögu
þá er það náttúrulega orðið ónýtt. Þá
munum við beita okkur gegn hinum
sveitarfélögunum í öllu sem þau gera
varðandi breytingu á svæðisskipu-
lagi. Með þessu er komið á stríðs-
ástand í skipulagsmálum á höfuð-
borgarsvæðinu og gott innlegg í
kosningabaráttuna fyrir umhverfis-
ráðherrann,“ sagði Gunnar I. Birg-
isson bæjarstjóri.
Gögnin sem um ræðir fjalla um
fundi og bréf til Vegagerðarinnar, að
sögn Gunnars.
Samkeppni sveitarfélaga
Gunnar sagði málið snúast um
samkeppni, önnur sveitarfélög vildu
ekki að Kópavogur fengi leyfi til að
byggja meira. Athugasemd Mos-
fellsbæjar sem væri í hinum enda
höfuðborgarsvæðisins væri furðuleg
og svo virtist sem Garðbæingar vildu
eiga Reykjanesbrautina fyrir sig.
Álit Kópavogsbæjar hefði ekkert
breyst eftir fundinn með ráðherran-
um; bærinn teldi að forsendur úr-
skurðarins stæðust ekki samkvæmt
jafnræðisreglu því Garðabær hefði á
sínum tíma fengið leyfi fyrir 200.000
m² atvinnuhúsnæði í Kauptúni við
Reykjanesbraut og að auki stóreflis
íbúahverfi skammt frá og í þessum
tilvikum hefði ráðuneytið ekki talið
að um verulega breytingu á svæð-
isskipulagi hefði verið að ræða. Mos-
fellsbær, sem hefði af einhverjum or-
sökum einnig gert athugasemdir við
svæðisskipulagstillöguna vegna
Glaðheima, hefði einnig getað skipu-
lagt gríðarstór íbúðahverfi með
óverulegum breytingum á svæðis-
skipulagi höfuðborgarsvæðisins.
Bæjarstjórinn í Kópavogi gengur á fund umhverfisráðherra vegna ákvörðunar um skipulag Glaðheima
Stefnir í stríðsástand
í skipulagsmálunum
Morgunblaðið/ÞÖK
Ósáttir Gunnar I. Birgisson og samstarfsmenn hans gengu á fund Jónínu Bjartmarz umhverfisráðherra í gær
vegna ákvörðunar ráðuneytisins um að synja staðfestingu á svæðisskipulagstillögu vegna Glaðheimasvæðisins.
Í HNOTSKURN
» Bæjarstjórinn í Kópavogigekk í gær á fund um-
hverfisráðherra vegna
ákvörðunar ráðuneytisins um
skipulag Glaðheima.
» Umhverfisráðuneytið villekki staðfesta breytinga-
tillögu Kópavogs vegna Glað-
heimasvæðisins þar sem hún
teljist ekki óveruleg.
» Bæjarstjóranum finnst úr-skurðurinn þunnur í roð-
inu og vill endurupptöku.
SVÆÐISSTJÓRI Vegagerðarinnar
á Suðvesturlandi segir mikilvægt
að staðið sé við svæðisskipulag höf-
uðborgarsvæðisins og honum finn-
ast margar af þeim svonefndu
óverulegu breytingum sem gerðar
hafa verið á skipulaginu ekki vera
óverulegar í raun og veru. Þá frétti
Vegagerðin stundum síðust af um-
fangsmiklum breytingum.
Eins og fram kom í Morgun-
blaðinu í gær var umsögn Vega-
gerðarinnar um breytingar á svæð-
isskipulagi vegna Glaðheima-
svæðisins neikvæð, þ.e. Vegagerðin
taldi ekki að hún gæti talist óveru-
leg líkt og Kópavogur hélt fram.
Bæjarstjóri Kópavogs sagði hugs-
anlegt að Glaðheimahverfið kallaði
á sexföldun Reykjanesbrautar í
gegnum Kópavog og Garðabæ en
slík breyting er ekki á áætlun
næstu 12 árin en gert er ráð fyrir
að hægt sé að breyta henni í 3+3
akbraut síðar.
Í umsögn Vegagerðarinnar segir
m.a. að Kópavogsbæ sé „enn og aft-
ur“ bent á skyldu um samráð vegna
skipulagsatriða er snerta þjóðvegi
en uppbygging á Glaðheimasvæð-
inu hefði bæði áhrif á Reykjanes-
braut og Arnarnesveg sem væru
þjóðvegir. Aðspurður hvort Kópa-
vogsbær hefði ekki staðið við þessa
skyldu sína sagði Jónas Snæbjörns-
son, svæðisstjóri Vegagerðarinnar
á suðvestursvæði, að breytingarnar
hefðu verið ansi örar í Kópavogi og
reyndar víða. Það ætti m.a. einnig
við um Bauhaus-lóðina í Reykjavík.
Þetta væri slæmt þar sem Vega-
gerðin gerði sína útreikninga um
umferðarþunga og fleira eftir þeim
forsendum sem fram kæmu í skipu-
laginu.
Óverulegar en merkilegar
Margar óverulegar breytingar
hafa verið gerðar á svæðisskipulagi
á höfuðborgarsvæðinu. Jónas sagði
að mestu áhrifin á umferðarkerfið
hefðu orðið vegna breytinga í
Vatnsendahverfi en þar hefði verið
þrengt að hinum umdeilda of-
anbyggðavegi sem gert væri ráð
fyrir í skipulagi. Það væri alveg á
mörkunum að það væri pláss fyrir
hann þegar hann kæmi inn í Kópa-
vog. Aðspurður hvort Vegagerðin
liti svo á að þessar óverulegu breyt-
ingar væru í raun óverulegar sagði
Jónas: „Nei, okkur finnst þær
merkilegar.“
Samkvæmt upplýsingum frá
Skipulagsstofnun er töluvert um
óverulegar breytingar, í skilningi
skipulags- og byggingarlaga, á
svæðisskipulaginu, þ.á m. á þessum
svæðum: Hnoðraholti, Smalaholti
og Rjúpnahæð í Kópavogi, Urriða-
holti í Garðabæ (þ.m.t. Kauptúni),
Leirvogstungu og Helgafellslandi í
Mosfellsbæ, austursvæði Vatnsmýr-
arinnar í Reykjavík (fyrir Háskól-
ann í Reykjavík), Mýrargötu og
slippasvæðinu í Reykjavík, Höfða-
túni og Bílanaustreitnum í Reykja-
vík og íbúðarsvæðinu fyrir austan
og sunnan núverandi byggð í Hafn-
arfirði.
Morgunblaðið/ÞÖK
Umferð Deilan snýst um skipulag Glaðheimasvæðisins sem er neðst til
hægri á myndinni og verður enn um sinn hesthúsabyggð.
Standi við skipulag
GUÐMUNDUR Ein-
arsson verkfræðingur
lést á hjúkrunarheim-
ilinu Holtsbúð í Garða-
bæ í gær, 82 ára að
aldri.
Guðmundur fæddist
22. ágúst 1925 í Reykja-
vík, sonur Karólínu
Guðmundsdóttur vefn-
aðarkonu og Einars S.
Jóhannessonar vél-
stjóra. Hann ólst upp í
Reykjavík.
Að loknu stúdents-
prófi frá Menntaskólan-
um í Reykjavík 1945 nam Guðmundur
vélaverkfræði við Stevens Institute of
Technology í Bandaríkjunum og lauk
því námi 1949. Að námi loknu starfaði
hann sem verkfræðingur í Bandaríkj-
unum um hríð, m.a. við byggingu húss
Sameinuðu þjóðanna í New York.
Kominn heim starfaði Guðmundur á
Keflavíkurflugvelli hjá Almenna
byggingarfélaginu og sem yfirverk-
fræðingur og framkvæmdastjóri hjá
Sameinuðum verktök-
um og verklegur fram-
kvæmdastjóri hjá Ís-
lenskum aðalverk-
tökum. Hann stofnaði
Breiðholt hf. 1967, sem
byggði m.a. 1.100 íbúðir
í Breiðholti, einnig Ak-
braut hf. og Verkfræði-
stofuna Gimli.
Guðmundur tók virk-
an þátt í félagsmálum.
Hann var forseti Sálar-
rannsóknafélags Ís-
lands í 30 ár og virkur í
Nordisk Spiritual Fo-
undation. Einnig formaður og heið-
ursfélagi Verkfræðingafélags Ís-
lands, í stjórnum VSÍ og
Stjórnunarfélagsins, sat í hrepps-
nefnd Garðabæjar eitt kjörtímabil og
var í Rótarýklúbbi Austurbæjar.
Fyrri kona Guðmundar var Unnur
Andrea Jónsdóttir (d. 1962) og eign-
uðust þau fimm börn. Seinni kona
hans var Lilja Viktorsdóttir (d. 1997)
og eignuðust þau eitt barn.
Andlát
Guðmundur Einarsson
SIF Friðleifsdóttir heilbrigð-
isráðherra og Kristín Ingólfsdóttir
háskólarektor hafa ákveðið að gera
samstarfssamning um Rann-
sóknastofnun um lyfjamál við Há-
skóla Íslands (RUL). Stofnuninni er
ætlað að vera víðtækur vettvangur
rannsókna á sviði lyfjamála. Sérstök
áhersla verður lögð á rannsóknir er
lúta að skynsamlegri ákvarðanatöku
um lyfjanotkun, lyfjafaraldsfræði og
lyfjahagfræði.
Að rannsóknastofnuninni um
lyfjamál við Háskóla Íslands standa
einnig Landlæknisembættið, Land-
spítali – háskólasjúkrahús, Lyfja-
stofnun og Lyfjafræðingafélag Ís-
lands. Um 20 milljónir króna verða
lagðar til stofnunarinnar á næstu
þremur árum.
Markmið stofnunarinnar er að
auka rannsóknir og fræðslu um
lyfjanotkun og lyfjastefnu á Íslandi
og í alþjóðlegu samhengi.
Víðtækur
vettvangur
um lyfjamálBúdapest
4. maí
frá kr. 39.990
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Bjóðum allra síðustu sætin í þriggja nátta helgarferð til Búdapest 4. maí.
Gist á góðu fjögurra stjörnu hóteli í miðborginni. Vorið er frábær tími til að
heimsækja borgina. Búdapest býður einstakt mannlíf, menningu og
skemmtun að ógleymdri getrisni
Ungverja auk frábærra veitinga-
og skemmtistaða.
Frábær gisting - allra síðustu sætin
Verð kr.39.990
Netverð á mann, m.v. 2 í herbergi í 3 nætur á
Hotel Mercure Buda með morgunmat.