Morgunblaðið - 25.04.2007, Blaðsíða 20
20 MIÐVIKUDAGUR 25. APRÍL 2007 MORGUNBLAÐIÐ
AKUREYRI
Eftir Örlyg Stein Sigurjónsson
orsi@mbl.is
ÍBÚAVEFURINN Minn Garðabær
vakti mikla athygli á evrópsku ráð-
stefnunni Eisco 2007 sem haldin
var í Finnlandi nú síðla aprílmán-
aðar. Vefurinn hefur verið starf-
ræktur frá árinu 2005 og átti sér
um tveggja ára aðdraganda.
Á ráðstefnunni var fjallað um
notkun upplýsingatækni í þjónustu
við íbúa sveitarfélaga og voru þar
kynntar fjölmargar nýjungar.
Vakti vefurinn Minn Garðabær
mikil viðbrögð en vefurinn var
kynntur í framsöguerindi Guðfinnu
Kristjánsdóttur upplýsingarstjóra
Garðabæjar.
„Við fengum afar mikil viðbrögð
frá öðrum ráðstefnugestum og
segja má að það hafi að vissu leyti
komið á óvart,“ segir hún. „Fólk
var alveg gáttað á því hvað var
verið að gera á vegum Garðabæjar
í upplýsingatæknimálum. Fólki
fannst þetta 9.500 manna sveitarfé-
lag harla fámennt sem slíkt og
margir spurðu hvernig í ósköp-
unum jafn litlu sveitarfélagi tækist
að halda úti slíkri þjónustu,“ segir
hún. „En okkur á Íslandi þykir það
ekki jafn merkilegt,“ bætir hún við.
„Við sýndum fólki hvað Garðabær
væri að gera í dag á sviði upplýs-
ingatækni en margir aðrir voru
frekar að sýna það sem til stóð að
gera í þeirra heimahögum í fram-
tíðinni.“
Margir komu að máli við Guð-
finnu eftir ráðstefnuna með fyr-
irspurnir um íbúavef Garðabæjar
og þær tæknilausnir sem nýttar
eru. „Það skemmtilega við þetta er
að með þessu kynntum við í leið-
inni íslenskan hugbúnað, frá Hug-
viti og Mentor.“
Á ráðstefnunni kynnti Guðfinna
m.a. hvern íbúar geta nálgast svo-
nefnda hvatapeninga til að greiða
niður kostnað við íþrótta- og æsku-
lýðsstarf barna, hvernig hægt er
að senda bréf frá vefnum til bæj-
arstjórnar og fá svar til baka inn á
eigin vefsvíðu. Einnig sagði hún
frá því hvernig hægt er að taka
þátt í umræðum og skoðanakönn-
unum og sjá hvað á að greiða, t.d.
fasteignagjöld, leikskólagjöld og
fleira.
Frá íbúavefnum hafa íbúar einn-
ig beinan tengil á sína síðu á Ment-
or þar sem hægt er að nálgast ýms-
ar upplýsingar frá skólum barn-
anna, s.s. heimavinnu, einkunnir,
ástundun og fleira. Vakti þetta
töluverða athygli á ráðstefnunni.
Þá sýndi Guðfinna hvernig hægt er
að skrá sig inn á vefinn með raf-
rænu skilríki og sagði frá samstarfi
íslenska ríkisins og íslenskra banka
við útgáfu rafrænna skilríkja.
Eldri borgarar í sókn
„Vefurinn okkar hefur þróast
heilmikið frá því hann var opnaður
og enn er fjölmargt framundan.
Hugmyndirnar eru nánast óþrjót-
andi og við fáum margar góðar
hugmyndir frá Garðbæingum sjálf-
um. Netaðgangur er mjög út-
breiddur í bænum og í því sam-
bandi má nefna að eldri borgarar
eru að sækja í sig veðrið svo um
munar.“
Guðfinna nefnir að þróunar- og
stofnkostnaður við íbúavefinn sé
eðlilega nokkur en þegar til lengri
tíma sé litið, sparist margt. „Við
erum t.d. nánast hætt að prenta
umsóknareyðublöð fyrir bæinn og
það tekur mjög stuttan tíma að
svara ýmsum fyrirspurnum raf-
rænt. Þannig lækkar pappírskostn-
aður og dýrmætur tími sparast í
leiðinni.“
Garðabæjarvefur slær í gegn í Evrópu
Í HNOTSKURN
»Íbúavefurinn Minn Garða-bær felur í sér að að hægt
er að taka þátt í umræðum og
skoðanakönnunum og sjá hvað
á að greiða t.d. í fast-
eignagjöld og leikskólagjöld.
Þá eru ótaldir svonefndir
hvatapeningar á Netinu.
»Vefurinn byggir á íslensk-um hugbúnaði sem þróað-
ur er af Hugviti en auk þess
vakti íslenski hugbúnaðurinn
Mentor athygli á evrópsku
ráðstefnunni.Rafrænt Garðabær er ekki stór en stjórnsýslan er háþróuð.
HÖFUÐBORGARSVÆÐIÐ
KVENNALIÐ Dana, sem
varð í öðru sæti á heimsmeist-
aramótinu í krullu á dög-
unum, verður meðal kepp-
enda á Ice Cup, alþjóðlegu
móti sem krulludeild Skauta-
félags Akureyrar heldur á
Akureyri um helgina.
Þetta er í fjórða skipti sem
mótið er haldið á Akureyri,
alls taka 18 lið þátt, þar af
fjögur erlend, tólf frá Ak-
ureyri og tvö frá Reykjavík.
Erlendu liðin koma frá Lett-
landi og Bandaríkjunum, auk
danska landsliðsins.
Þátttaka danska liðsins er
stórtíðindi fyrir krullufólk hér
á landi, að sögn Haraldar Ing-
ólfssonar, kynningarstjóra
mótsins, og mikill fengur fyrir
mótshaldið.
Keppni hefst á föstudags-
morgun og verður leikið kl.
8.30, 11, 14 og 16.30 á föstu-
dag og laugardag, síðan kl.
8.30 og 11 á sunnudag og úr-
slitaleikir hefjast kl. 14.00 á
sunnudag.
„Það er Sparisjóður Norð-
lendinga sem af rausnarskap
sínum gerir Krulludeild SA
það kleift að fá danska liðið
hingað til lands en einnig
koma Norðurorka og Greifinn
að verkefninu. Mótshaldið
sjálft er jafnframt styrkt af
fjölda fyrirtækja,“ segir í
frétt frá krulludeild Skauta-
félags Akureyrar.
Hingað hefur áður komið
til keppni krullufólk sem
keppt hefur og unnið til verð-
launa á stórmótum í íþróttinni
en þetta er í fyrsta skipti sem
heilt lið af þessum styrkleika
tekur þátt. Í danska liðinu eru
tvennar systur, annars vegar
Angelina Jensen, sem er fyr-
irliði, og systir hennar Ca-
milla Jensen og hins vegar
systurnar Denise og Made-
leine Dupont. Þær eiga allar
að baki þátttöku í fjölmörgum
Evrópu- og Heimsmeist-
aramótum og hafa Dupont-
systurnar meðal annars orðið
heimsmeistarar yngri leik-
manna.
Leikmenn danska liðsins
koma frá Tårnby Curling
Club í útjaðri Kaup-
mannahafnar en þangað hafa
íslensk lið þrisvar farið til
keppni á mótum á und-
anförnum árum og einu sinni
hefur lið þaðan komið til Ak-
ureyrar til keppni. Það að
danska liðið fékkst til að
koma til Akureyrar nú má
ekki síst þakka góðu sam-
bandi krullufólks héðan við
forsvarsmenn þessa danska
klúbbs.
Krulludeild SA hélt fyrsta
Ice Cup-mótið vorið 2004 og
er þetta því í fjórða sinn sem
mótið er haldið.
Morgunblaðið/Skapti Hallgrímsson
ICE CUP Mótið kynnt; Örn Arnar Óskarsson, sparisjóðsstjóri Sparisjóðs Norðlendinga, Ágúst
Hilmarsson, krullunefnd ÍSÍ, Ólafur Hreinsson, formaður mótsnefndar, Haraldur Ingólfsson,
kynningarfulltrúi, Arinbjörn Þórarinsson, Greifanum og Agnar Árnason, Norðurorku.
Silfurlið Dana á HM í
krullu mætir til keppni
SUÐURNES
Í DAG eru 180 ár frá því
Amtsbókasafnið á Akureyri
var stofnað og í tilefni dagsins
ætla starfsmenn að gera sér,
og viðskiptavinum, glaðan
dag og allt verður frítt; mynd-
ir, tónlist, margmiðlun …
Ýmislegt góðgæti verður í
boði og í dag er svo kallaður
sektarlaus dagur, þannig að
nú borgar sig fyrir þá að
mæta sem hafa gleymt að
skila bókum undanfarið.
Amtsbókasafnið var stofn-
að 25. apríl 1827 af Grími
Jónssyni, amtmanni á Möðru-
völlum, með dyggum stuðn-
ingi frá ýmsum mætum
mönnum hérlendis og í Dan-
mörku.
„Á þessum 180 árum hefur
margt breyst nema það að
enn þann dag í dag er Amts-
bókasafnið ein mikilvægasta
og virtasta menningarstofn-
unin á Akureyri,“ segir í
frétt frá safninu.
Afmæli og allt frítt á Amtsbókasafninu
Grindavík – Skrifað hefur
verið undir samning um
byggingu nýs fjölnota íþrótta-
húss í Grindavík. Það eru
Grindavíkurbær og bygginga-
fyrirtækið Grindin sem
sömdu um smíðina. Fyrsta
skóflustunga að byggingunni
verður tekin klukkan 15.00 í
dag. Húsið mun rísa austan
stúkunnar við íþróttavöllinn
og er gert ráð fyrir því að það
verði fullbúið um áramót.
Ólafur Örn Ólafsson bæj-
arstjóri segist mjög ánægður
með samninginn og að húsið
verði mikil lyftistöng og fram-
faraspor fyrir annars blóm-
legt íþróttalíf í bænum. Í hús-
inu verður meðal annars
gervigrasvöllur og hlaupa- og
göngubraut. Gervigrasvöll-
urinn mun nýtast mjög vel til
æfinga, en knattspyrnan hef-
ur að mestu verið æfð utan
dyra eða að leigt hefur verið
pláss fyrir æfingar í knatt-
spyrnuhöllum í Reykjanesbæ
og Reykjavík
Húsið er um 3.500 fermetr-
ar að stærð, 50 sinnum 70
metrar. Kostnaður við bygg-
inguna er 205 milljónir króna.
Nýtt
íþrótta-
hús rís í
Grindavík
Ljósmynd/Óskar Sævarsson
Byggingar Ólafur Ö. Ólafsson bæjarstjóri og Magnús Guð-
mundsson forstjóri Grindar h/f ganga frá samningi um smíði
á nýju fjölnota íþróttahúsi.
Reykjanesbær | Leikskólabörn í Reykja-
nesbæ gengu fylktu liði niður Hafnargötu,
sem er aðalverslunar- og þjónustugata bæj-
arins, til móts við sumarið. Gangan var liður í
sumargleði Betri bæjar, hagsmunasamtaka
verslunar- og þjónustufyrirtækja í bænum.
Trúðar tóku á móti börnunum og færðu þeim
sumargjafir.
Að sögn Kristínar Kristjánsdóttur, for-
manns Betri bæjar, var þetta gert til að skapa
líf og stemningu í bænum en verslanir voru
með Sumarsmell; tilboð og lengri opn-
unartíma í tilefni sumarkomu. Kristín kvaðst
vona, að hefð kæmist á þessa uppákomu og að
leikskólarnir veldu sér í framtíðinni ákveðinn
lit hver og skreyttu sig þeim í þessari göngu.
Morgunblaðið/Svanhildur Kjartansdóttir
Gengið til móts við sumarið