Morgunblaðið - 05.05.2007, Blaðsíða 41

Vandað 4 stjörnu hótel í nágrenni við Vatikanið. Hótelið er nýuppgert og
vel búið með góðu sundlaugasvæði, fallegum herbergjum og skemmtilegri
sameiginlegri aðstöðu.
Hotel Ergife Palace
Sól og borg í frábærum pakka!
1 vika: 26. júní –3. júlí
Frá 69.577,-
Verð á mann m.v. 2 fullorðna
Duke er sérstaklega fallegt og vandað hótel á frábærum stað í miðborg Rómar.
Herbergin eru stór og það er framúrskarandi þjónusta á þessu gæðahóteli.
Duke Hotel Roma
Glæsihótel í hjarta Rómar
1 vika: 7.–14. ágúst
Frá 77.900,-
Verð á mann m.v. 2 fullorðna
VIKA Í MIÐBORG RÓMAR
Á ÓTRÚLEGU VERÐI
Ótal veitingastaðir, fjörugt næturlíf og ein skemmtilegasta verslunarborg heims!
Innifalið: Flug, gisting, flugvallarskattar og íslensk fararstjórn. Verð miðast við að bókað sé á netinu. Ef bókað er á skrifstofu eða símleiðis er bókunargjald 2.500,- fyrir hvern farþega.
Sumarferðir Laugavegi 26 (gengið inn Grettisgötumegin)
Farðu inná www.sumarferdir.is
eða hringdu í síma 575 1515.
Innifalið: Flug, gisting, flugvallarskattar og íslensk fararstjórn. Verð miðast við að bókað sé á netinu. Ef bókað er á skrifstofu eða símleiðis er bókunargjald 2.500,- fyrir hvern farþega.
Ferðaskrifstofa
Leyfishafi
Ferðamálastofu
MORGUNBLAÐIÐ LAUGARDAGUR 5. MAÍ 2007 41
MA-nemendur í hagnýtri menning-
armiðlun við Háskóla Íslands kynntu
í vikunni hugmyndir sínar um
menntatengda ferðaþjónustu á Vest-
fjörðum. Hópur sem valdi sér Núp í
Dýrafirði sem verkefni leggur til að
þar verði sett á stofn alþjóðleg fjöl-
menningarmiðstöð sem hafi það að
markmiði að safna öllum fáanlegum
upplýsingum um samskipti mismun-
andi menningarheima, stunda rann-
sóknir og mennta og fræða þá sem
eiga hlut að máli í þeim tilgangi að
auðvelda aðlögun nýbúa og að menn
af öllum þjóðernum geti lifað og
starfað saman í sátt og samlyndi.
Æðsta markmiðið verði að Ísland
verði í fremstu röð í heiminum á sviði
rannsókna og menntunar á sviði fjöl-
menningar.
Nú þegar eru margir að fást við
málefni innflytjenda hér á landi en
svo virðist sem heildarsýn vanti, ein-
hvern aðila sem haldi utan um verk-
efnið.
Hópurinn leggur til að á Núpi
verði í bland rannsóknar- og fræðslu-
miðstöð og ferðaþjónusta þar sem
hin einstaka náttúra, saga og kyrrð
Vestfjarða ásamt íslenskri menningu
tengist uppbyggjandi alþjóðlegum
námskeiðum. Hópurinn minnir á að á
Íslandi lifum við þegar í fjölþjóða-
samfélagi, yfirleitt í sátt og samlyndi
við þá ágætu útlendinga sem búa hér,
en þegar þeim fer snögglega fjölg-
andi er mikils virði að sú sátt ríki
áfram. Móta þarf strax faglega og já-
kvæða stefnu og framkvæma hana. Í
tengslum við eflt Fjölmenning-
arsetur á Ísafirði yrði safnað öllum
hugsanlegum upplýsingum um mál-
efni útlendinga á einn stað og á Núpi
yrðu haldin námskeið fyrir kennara,
heilbrigðisstéttir, stéttarfélög, fyr-
irtæki og aðra sem vinna með inn-
flytjendur og þar yrðu aðlög-
unarnámskeið af ýmsu tagi fyrir þá
sem ætla að setjast hér að. Þarna
væru skólabúðir þar sem íslensk ung-
menni myndu vinna að verkefnum
með erlendum jafnöldrum sínum og
þau myndu læra hvert af öðru. Þarna
myndu listamenn, fræðimenn og hag-
leiksmenn af öllum þjóðernum vera
með fræðslu, fyrirlestra, tónleika eða
sýningar. Þarna yrðu haldin þjóð-
arkvöld, alþjóðlegar hátíðir og ráð-
stefnur svo eitthvað sé nefnt. Ekki
má gleyma því að í Dýrafirði er þegar
töluverð uppbygging og möguleikar
sem nýtast myndu vel í tengslum við
fjölmenningarmiðstöðina. Húsnæði
er fyrir hendi á Núpi sem myndu lág-
marka stofnkostnaðinn og mikil
þekking og reynsla á málefnum inn-
flytjenda er til staðar á Vestfjörðum.
ÁSA M. VALDIMARSDÓTTIR,
MAGNÚS ASPELUND,
RAGNHEIÐUR JÓSÚADÓTTIR,
SIF JÓHANNESDÓTTIR,
MA-nemar í hagnýtri
menningarmiðlun við HÍ.
Alþjóðlega fjölmenningarmiðstöð á Núp
Frá Ásu Maríu Valdimarsdóttur, Sif
Jóhannesdóttur, Ragnheiði Jós-
úadóttur og Magnúsi Aspelund
UNDANFARIN misseri hafa staðið
yfir geysimiklar byggingarfram-
kvæmdir allt í kringum Samtún,
Miðtún og Hátún, þar sem mesti fyr-
irgangurinn hefur verið, er á svo-
kölluðum Höfðatorgsreit. Þarna á að
byggja skýjakljúfa í óþökk íbúa, í
þessu rótgróna hverfi, sem er eins
og vin í miðri borg, mikil friðsæld,
sem hefur verið rofin með stöðugum
sprengingum. Yfir okkur íbúa þess-
ara gatna hafa dunið sprengingar
alla virka daga, rétt eins og við vær-
um stödd á vettvangi styrjaldar-
átaka, þvílíkur er djöfulgangurinn.
Húsin eru flest byggð á árum seinni
heimsstyrjaldar, í kringum 1941, og
þola illa þennan gauragang. Fyrir
utan áreitið sem þessi gauragangur
veldur íbúum þessara gatna þá eru
lagnir í jörðu og pípulagnir í stór-
hættu. Það eru dæmi um að pípu-
lagnir hafi gefið sig í nokkrum hús-
um. Þegar mest gengur á eins og
verið hefur undanfarna daga, rúður
nötra, veggir og gólf ganga í bylgj-
um og myndir skekkjast á veggjum,
þá er manni nóg boðið.
Ég hafði samband við lögreglu
höfuðborgarsvæðisins en var svarað
að þeir gætu ekkert gert en mér var
bent á að hafa samband við Vinnu-
eftirlit ríkisins, sem hefur eftirlits-
skyldu gagnvart verktökum sem sjá
um sprengingar. Sem sagt, lög-
reglan getur ekkert gert fyrr en slys
verður. Ég hafði samband við Vinnu-
eftirlitið og jú, þeir höfðu samband
við undirverktaka Eyktar, Eykt er
byggingarverktakinn á Höfðatúns-
reitnum, og úr varð að mælir var
festur á mitt hús og mér tilkynnt af
starfsmanni Jarðvéla, að starfs-
maður Vinnueftirlits myndi verða
viðstaddur sprengingu á tilteknum
tíma, sem og varð. Það skal tekið
fram að umræddur mælir er í eigu
Jarðvéla, ekki Vinnueftirlits. Mér
var síðan tilkynnt að bylgjur og titr-
ingur vegna ofangreindrar spreng-
ingar hafði verið innan marka og að
sjálfsögðu var mælitækið fjarlægt,
eftir þessa einu sprengingu. Hvers
konar vinnubrögð eru þetta? Auðvit-
að var hleðslan 1⁄3 af því sem gengið
hafði á undanfarna daga og svo virð-
ist sem eftirlitið sé í höndum þeirra
sem á að hafa eftirlit með.
Hvað gerði Vinnueftirlið í málinu?
Ekkert. Ef þetta eru stöðluð vinnu-
brögð Vinnueftirlits ríkisins þá er al-
veg óhætt að leggja það niður og
spara stórfé í launakostnað o.fl.
Næst hafði ég samband við félags-
málaráðuneytið en Vinnueftirlitið
heyrir undir það ráðuneyti og hvað
gerðu þeir? Ekkert. Því næst hafði
ég samband við dómsmálaráðu-
neytið sem hefur jú yfirumsjón með
meðferð sprengiefna í borginni og
víðar. Hvað gerðu þeir? Ekkert. Það
er gjörsamlega óþolandi að almennir
borgarar séu algjörlega varnarlausir
fyrir yfirgangi stórra bygg-
ingaverktaka hér í borg og hver ein-
asta eftirlitsstofnun sem við höfum
eða öllu heldur teljum okkur hafa,
vísa allri ábyrgð frá sér þangað til
eitthvað fer úrskeiðis. Ég krefst
þess að meðferð þessa málaflokks
verði tekin til endurskoðunar af
hálfu Reykjavíkurborgar og þessir
verktakar, þó stórir séu, komist ekki
upp með það að fara sínu fram, eft-
irlitslaust.
HJÖRLEIFUR M. JÓNSSON,
Samtúni 12, Reykjavík.
Bréf til borgarstjóra
Frá Hjörleifi M. Jónssyni
ÉG HEF haft þau forréttindi að búa
erlendis, í þeim skilningi að geta
horft á þjóðina mína frá öðru sjón-
arhorni. Marga góða hluti hef ég séð
en líka marga slæma. Eitt af því
sem ég hef séð og lesið í gegnum
fjölmiðlana undanfarið er græðgi ís-
lensku þjóðarinnar og gæti ég bent
á margar bækur og ævintýri um
hvernig persónur hafa verið brennd-
ar á báli fyrir álíka græðgi. Efna-
hagur þjóðarinnar er ekki góður, við
flytjum inn meira en við getum flutt
út. En efnahagurinn er ekki það
sem mig langar að skrifa um, heldur
siðferði þjóðarinnar almennt. Mig
langar að byrja á olíufélögunum,
það var sannað samráð á milli
þeirra, ekki satt? Hver var refs-
ingin? Og hvaða fyrirtæki voru kos-
in mests trausts verð af fyr-
irtækjum landsins? Þrátt fyrir að
olíufélögin hafi haft alla landsmenn
að fíflum og auk þess haft milljarða
af þjóðinni. Hvað þá með „múltí
kúnstnerinn“ Árna Vestmannaeying
Jonsen? Honum var veitt uppreisn
æru til þess að geta komist á þing!
Þá spyr ég hvað um ákærða í Geir-
finnsmálinu sem voru dæmdir sak-
lausir og vildu bara fá að lifa í friði?
Ekki kæmust þeir á þing. Hvað
verður það næsta? Að gera „múltí
kústnerinn“ að dómsmálaráðherra?
Ég vænti þess ekki að allir Íslend-
ingar myndu sætta sig við það. Nú,
ekki má gleyma göngum á milli bæj-
arfélaga sem kosta þjóðina álíka
mikið og að reka góða háskóla til
þess eins að stytta vegalengdir um
ca tvo km.
Bankar þjóðarinnar sýna meiri og
meiri hagnað, ekki neitt sem þjóðin
finnur fyrir en við getum montað
okkur á erlendri grundu af því að
„við“ séum að kaupa allt. Eins og ég
hef oft heyrt frá löndum mínum „við
erum að kaupa upp Evrópu“! Við er-
um ekki að kaupa neitt, við erum
bara peð í leikfléttu nokkurra aðila
sem eru drifnir áfram af græðgi. Og
það sem er sorglegt er að stór hluti
íslensku þjóðarinnar hefur smitast
af græðginni eða réttara sagt telur
sig vera hluta af „kaupunum“.
Sjálfstæðismenn hafa gleymt
uppruna sínum, hvernig þeir urðu til
og fyrir hvað þeir voru stofnaðir. Og
það eru ekki bara sjálfstæðismenn
heldur virðist meirihluti flokkanna
hafa horfið frá þeirri ábyrgð sem
stjórnmálamenn eiga að hafa og
þurfa að gjalda fyrir ef þeir gera
mistök, eins og hvarvetna erlendis.
Þeir eiga að passa upp á að þjóðin
missi sig ekki í spillingu og fáfræði.
En þetta er ekki hægt þegar flestir
ef ekki alli stjórnmálamenn eru ekk-
ert skárri en verstu stjórnendur
Rússlands ef þá ekki Úganda. Því
eitt er víst að spilling er það sem
fyrirfinnst á Íslandi. Hún er ekki
langt frá því sem fyrirfinnst í t.d.
Rússlandi eða öðrum kúguðum
löndum. Stærsta vandamálið okkar
er að við stöndum ekki saman,
þ.e.a.s. mótmælum ekki. Við getum
staðið saman ef það á að safna sam-
an í fiðlu fyrir einn hljóðfæraleikara
en þegar málefni sem skipta okkur,
börnin okkar og barnabörn og fram-
tíðina máli verðum við spéhrædd og
tölum hvert í sínu horni. Kannski er
það af því að þá gætum við verið
sett út í kuldann og við gætum ekki
montað okkur af því að við værum
rík þjóð. Rík þjóð er ekki bara það
sem telst í peningum heldur þjóð
sem stendur saman. Þjóð sem lætur
ekki vaða yfir sig. Ég er viss um að
forfeður okkar sem börðust fyrir
sjálfstæði þjóðarinnar hafa oft snúið
sér við í gröf sinni vegna þessara
ömurlegu aðstæðna okkar í dag. Það
finnst mörgum að Danir hafi mis-
notað okkur á árum áður og við
sættum okkur ekki við það og kröfð-
umst þess vegna sjálfstæðis. En í
dag erum við okkar verstu óvinir á
margan hátt þegar til framtíðar er
litið. Ég spái því að við munum
verða ein fátækasta þjóð veraldar
eftir svona 20 ár hvað virðingu, við-
skipti og sjálfstæði varðar og þá er
ég ekki að tala um peninga.
GUÐMUNDUR ÞÓR
SIGURÐSSON
kennari og býr í Horsens
í Danmörku.
Er þjóðin siðferðislaus?
Frá Guðmundi Þór Sigurðssyni
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is