Morgunblaðið - 26.10.2007, Blaðsíða 14
14 FÖSTUDAGUR 26. OKTÓBER 2007 MORGUNBLAÐIÐ
FRÉTTIR
Þ
að var undarlegt að koma
inn á Qualcomm-
leikvanginn í San Diego
þar sem talið var að
hefðust við þegar mest
var um tíu þúsund manns sem þurftu
að yfirgefa heimili sín vegna eldanna
í San Diego-sýslu.
Allt skipulag virtist vera til fyrir-
myndar og aðbúnaður eftir að-
stæðum góður.
Allur samanburður við ástandið í
Super Dome í New Orleans eftir
fellibylinn Katrínu er fráleitur því að
á leikvanginum hafa allir mat og
drykkjarvatn og aðstaða til að baða
sig er öllum aðgengileg. Einnig hafa
allir rúm eða bedda til að hvíla sig á.
Fjölskyldur hafa komið sér fyrir
þar sem skuggsælt er, bak við inn-
ganginn inn í sjálfan áhorfendasal-
inn og margir hafa orðið sér úti um
tjöld og hafast við á bílaplaninu og
þar sem pláss leyfir.
Það er greinilegt að hér er saman
komið fólk sem hefur af ýmsum
ástæðum í engin önnur hús að venda.
Allar fréttir um það að hér hafist við
fólk úr öllum stéttum þjóðfélagsins
eru ótrúverðugar og augljóst við
nánari athugun að hér eru þeir sam-
an komnir sem minnst mega sín.
Upplýsingastreymi virðist gott og
fólki gefst kostur á að fylgjast með
fréttum og sækja sér aðstoð af ýmsu
tagi. Talið hefur verið að fyrstu dag-
ana hafi jafnmargir sjálfboðaliðar
verið að störfum og það fólk sem
þurfti nauðsynlega að yfirgefa heim-
ili sín.
Áfallahjálp og skemmtikraftar
Áfallahjálp býðst þeim sem hafa
misst heimili sín og veraldlegar eig-
ur sem og læknisaðstoð og aðhlynn-
ing. Í einum enda leikvangsins hefur
verið komið á fót spítala fyrir eldri
borgara og veika einstaklinga því
margar heilbrigðisstofnanir þurftu
að rýma húsakynni sín vegna eld-
anna. Morgunblaðið leit þar inn og
þar var að störfum hjúkrunarfólk
sem sagði að allt gengi vel þrátt fyrir
að þau væru fáliðuð og vinnuálagið
væri mikið.
Sjálfboðaliðar hafa ofan af fyrir
börnum við alls kyns leiki og föndur
enda nauðsynlegt að hafa ofan af
fyrir yngstu kynslóðinni sem er
heldur ringluð á þessum nýju að-
stæðum.
Ein kona hafði á orði að sonur
hennar væri hæstánægður með að
vera þarna og vildi helst ekki þurfa
að fara aftur heim.
Skemmtikraftar stytta fólki
stundir með tónlist og uppákomum.
Þrátt fyrir að ýmislegt sé gert til
að gera fólki lífið auðveldara er því
ekki að neita að þreytu gætir hjá
mannskapnum. Það er auðvitað erf-
itt að vera burtu frá heimili sínu og í
óvissu um hvað framtíðin ber í skauti
sér svo dögum skiptir.
Einn viðmælandi Morgunblaðsins
sagðist bara reyna að sofa og vona
að þessari martröð færi senn að
ljúka eins og hann orðaði það.
Missti heimili sitt
í annað skipti á árinu
Morgunblaðið náði tali af ein-
stæðri tveggja barna móður, Jackie
Hollowell, sem stendur nú frammi
fyrir þeirri staðreynd að hafa misst
heimili sitt í bruna í annað sinn á
árinu. Jackie fluttist nýverið til Kali-
forníu frá Flórída eftir að íbúðin
hennar varð eldi að bráð, en það
kviknaði í út frá rafmagnstæki.
Hún sagðist lítt skilja hvaða örlög
þetta væru að missa aleiguna nú í
annað sinn. Hún hafði komið heim úr
kirkju síðdegis á sunnudag og hafði
þá verið gert að yfirgefa heimili sitt
samstundis.
„Ég hafði tvær mínútur til að
koma börnunum út úr húsi og eng-
inn tími gafst til að taka með eitt-
hvað af eigum okkar. Og nú erum við
hér og ég veit lítið um framhaldið.
Ég hef ekki í önnur hús að venda“
Flestir fá að fara heim
Í dag er gert ráð fyrir að um níu-
tíu prósent þeirra sem þurftu að yf-
irgefa heimili sín megi snúa heim á
leið og þeim, sem hafa misst allt, hef-
ur verið lofuð aðstoð við að koma sér
upp þaki yfir höfuðið. Hvað verður
um efndir í þeim efnum verður tím-
inn að leiða í ljós. Eldarnir geisa nú
fjarri byggð en talið er að það geti
tekið vikur, jafnvel mánuð, að
slökkva eldana að fullu. Lögreglan
hefur heitið háum upphæðum til
handa þeim sem gætu gefið upplýs-
ingar um brennuvarga, en ljóst þyk-
ir að um hreinar íkveikjur hafi verið
að ræða í einhverjum tilvikum.
Það má ætla að það taki alllangan
tíma að koma hlutum hér í San
Diego í eðlilegt horf og gríðarleg
uppbygging liggur fyrir. Talið er að
kostnaður muni hlaupa á tugum
milljarða.
Þessir dagar munu að öllum lík-
indum seint gleymast í hugum íbúa
San Diego.
Fólkið orðið þreytt á að hafast
við á íþróttaleikvanginum
Þreytu er farið að gæta meðal þúsunda manna sem hafast við á íþróttaleikvangi í San Diego vegna skógareldanna í sunnan-
verðri Kaliforníu. Steinunn Ólína Þorsteinsdóttir fór á leikvanginn og ræddi m.a. við konu sem þarf nú að sætta sig við að hafa
misst heimili sitt í bruna í annað skipti á árinu. Hún kvaðst ekki skilja þessi örlög sín og sagðist ekki eiga í nein hús að venda.
Löng bið Konur við tjöld á íþróttaleikvanginum. Þar var búið mjög vel að
fólkinu en það var þó orðið þreytt á biðinni eftir því að fá að komast heim.
Morgunblaðið/Steinunn Ólína
Heimilislaus Jackie Hollowell með börnum sínum á íþróttaleikvanginum í
San Diego. Hún hefur nú misst heimili sitt í annað skipti á árinu.
Styttu börnunum stundir Sjálfboðaliðar voru margir og þeir höfðu ofan
af fyrir börnum með alls kyns föndri og leikjum á íþróttaleikvanginum.
» Lögreglan hefur heitið þeim háum upp-
hæðum sem gætu gefið upplýsingar um
brennuvarga en ljóst þykir að um íkveikjur
hafi verið að ræða í einhverjum tilvikum
Eftir Rúnar Pálmason
runarp@mbl.is
EYÞÓR Bender, framkvæmdastjóri
Össurar hf. í Bandaríkjunum, stóð
við þriðja mann á þaki starfsstöðvar
fyrirtækisins í Foot Hill Ranch í Or-
ange County í Kaliforníu á þriðju-
dag, albúinn þess að slökkva í log-
andi sprekum, skyldi þau berast með
stífum vindinum upp á þakið.
Nokkru áður hafði hann sent um 180
starfsmenn sína heim og látið fjar-
lægja eldfim efni sem voru geymd
við húsið.
Í samtali við Morgunblaðið sagðist
hann hafa fylgst vel með því hvernig
eldarnir nálguðust fyrirtækið „hægt
og rólega“ og um klukkan 15 á
þriðjudag hefði verið ákveðið að
senda flesta starfsmenn heim.
Við hliðina á húsi Össurar er gil og
hefði eldurinn
náð að komast
þar niður hefði
hann komist lang-
leiðina að húsinu.
Þó ekki alla leið
því á milli skrauf-
þurrs gróðursins
og hússins eru
bílastæði og er
bilið þar á milli
um 100 metrar. Ekki var því um
bráðahættu að ræða, einnig vegna
þess að húsið er steinsteypt og vel
frá því gengið. Mesta hættan stafaði
af foki, af því að logandi sprek myndi
fjúka upp á þakið og að sjálfsögðu
eru meiri líkur á slíku eftir því sem
logarnir teygja sig nær. „Maður sér
þetta berast yfir heilu hraðbrautirn-
ar og kveikja í hinum megin,“ sagði
Eyþór.
Þeir slökkviliðsmenn sem Eyþór
var í sambandi við voru aldrei í vafa
um að þeim tækist að slökkva eld-
tungurnar sem teygðu sig í átt að
húsi Össurar og löngu áður en eld-
urinn komst í námunda við gilið
höfðu þeir sagt honum nákvæmlega
hvar og hvernig þeir myndu slökkva
eldinn. Allt gekk það eftir og sagði
Eyþór að í raun hefði verið ótrúlegt
að sjá hversu skipulega og fumlaust
slökkviliðsmennirnir gengu til verks.
Engar skemmdir urðu á húsi Öss-
urar og starfsemi hófst aftur strax
daginn eftir. Vegna reykmengunar
er starfsmönnum gefinn kostur á að
halda sig heima, t.d. þeim sem þjást
af astma, en um 80% starfsmanna
hafa mætt til starfa. Eldarnir hafa
valdið tiltölulega litlu tjóni í Orange
County en að sögn Eyþórs hafa um
10 hús í sýslunni brunnið.
Reuters
Barátta Slökkviliðsmenn beita öllum ráðum til að berjast við skógareldana
í Kaliforníu. Á þriðjudag bægðu þeir eldtungum frá starfsstöð Össurar hf.
Eldtungur í átt að Össuri
Eyþór Bender