Morgunblaðið - 26.10.2007, Blaðsíða 21
MORGUNBLAÐIÐ FÖSTUDAGUR 26. OKTÓBER 2007 21
MENNING
Hva› passar me› ? vinbud.is
TITILL sýningarinnar í Listasal
Mosfellsbæjar gefur til kynna
áherslu á kvenleika, sem birtist á
mismunandi hátt í verkum lista-
kvennanna. Kristjana Rós notar olíu-
liti á striga þar sem efniskennd lit-
anna og áferð þeirra eru í
aðalhlutverki. Hún sprautar úr túb-
unum og dregur línur sem minna á
þræði, eða býr til mynstur líkt og
vefnað. Málverk hennar leggja
áherslu á tengingu við hannyrðir og
er línudansinn og sú sjónræna blekk-
ing sem þau skapa áhugaverð. Mynd-
bandið þar sem listakonurnar koma
saman er aftur á móti síður áhuga-
vert og minnir ef til vill um of á
Gjörningaklúbbsmyndbönd til að
lifna vel við.
Málverk og hannyrðir eru einnig
rauði þráðurinn í verkum Örnu Gnár
Gunnarsdóttur, sem skapar óvænt
stefnumót abstraktmálverks og búta-
saums á myndfletinum. Örnu tekst
að hemja viðkvæman efnivið án þess
að missa tökin og þegar best tekst til
skapast lífrænt samspil lita, forma og
hugmyndafræðilegra tenginga.
Ólöf Dómhildur tekst á við kven-
ímyndina í ljósmyndum sínum,
ímyndarsköpun kvenna fyrir tilstilli
hefðar í málaralist og hún vísar einn-
ig til þjónustuhlutverks kvenna í
gegnum tíðina, en áhorfandanum er
líka gefið frelsi til að velta sjálfur
vöngum.
Jeannette Castioni leggur áhersl-
una á sjónarhorn í tveimur verkum,
heimagerðum kíki og myndbandi.
Kíkirinn vísar út, en það sem hann
sýnir okkur er þó kannski helst ís-
lenska þjóðarsálin! Lunkið verk sem
leynir á sér. Myndbandið sýnir
svarthvítar myndir af fólki sem virð-
ist hafa upplifað hamfarir, en aðal-
atriðið hér er stýrt sjónarhorn sem í
sífellu hliðrar til fókuspunktinum og
birtir þannig nýja mynd innan
rammans. Hér er persónuleg og
hæfileikarík listakona á ferð.
Það er kraftmikill andi yfir sýn-
ingunni í Listasal Mosfellsbæjar, við
eigum eftir að sjá góða hluti frá þess-
um fjórum á næstu árum.
Morgunblaðið/RAX
Kraftur Það er kraftmikill andi yfir sýningunni í Listasal Mosfellsbæjar, og
gagnrýnandi væntir þess að sjá meira á næstu árum frá listamönnunum
sem þar sýna.
Lífið í miðpunkti
MYNDLIST
Listasalur Mosfellsbæjar
Til 3. nóvember. Opið virka daga 12-19,
lau. 12-15, lokað sunnudaga.
femme – Arna Gná Gunnarsdóttir, Jeann-
ette Castioni, Kristjana Rós Guðjohnsen,
Ólöf Dómhildur Jóhannsdóttir
Ragna Sigurðardóttir
ÍSLENSKI dansflokkurinn lagði upp í rúmlega
þriggja vikna ferð vestur um haf í gær. Í Banda-
ríkjunum sýnir flokkurinn níu sinnum í sjö borgum
á austurströndinni en stærsta sýningin fer fram í
tvö þúsund manna sal í Brooklyn Center í New
York.
Morgunblaðið/Frikki
Dansandi ferðalangar
LISTAMAÐURINN Ransú opnar
nýja sýningu um helgina þar sem
hann heldur áfram að etja saman
andstæðum líkt og á fyrri sýningum
sínum undir yfirskriftinni XGeo.
Lungann úr tuttugustu öldinni
voru tveir meginstraumar ríkjandi í
abstraktmálverkum og þeir mætast
á sýningu Ransú. „Ég blanda saman
þessu athafnamálverki, eða „action
painting“ og strangflatarmálverki.
Þetta eru algjörar andstæður og
mikið rifist um þetta í gamla daga,“
segir Ransú.
Hann segir sýninguna þó hafa víð-
ari skírskotun en bara inn í listheim-
inn, því þessar ólíku stefnur í mynd-
list standi í hans huga fyrir stærri
hluti. „Þetta er ekki bara list um list
um list. Hugmyndin snýst líka um
það sem er kallað „happening“ og
„non-happening,“ segir Ransú, en
honum hefur ekki tekist að finna ís-
lenska þýðingu á þessum hugtökum
sem honum finnst fullnægjandi og
útskýrir betur hvað hann á við.
„Þetta snýst um þær andstæður sem
liggja í athöfninni eða gjörningnum
og svo möntrunni og íhuguninni.
Listin er tungumálið sem ég nota, en
markmiðið er að sameina þessa
þætti.“
Undirtitill sýningarinnar er
„Sannleikurinn liggur mitt á milli
tveggja öfga,“ sem er tilvitnun í
Búdda. „Ég er ekki búddisti en ég
hef mikinn áhuga á þessum asísku
fræðum sem nálgun að lífinu. Þess-
ari innhverfu íhugun.“
Sýngin verður opnuð í Ásmundar-
sal Listasafns ASÍ á morgun, klukk-
an 15.
Ransu Á milli tveggja öfga.
Mitt á milli öfganna
Morgunblaðið/Brynjar Gauti
LEIKVERKIÐ Endstation Amerika
verður frumsýnt í Borgarleikhúsinu í
kvöld, en um er að ræða gestasýningu
frá Volksbühne-leikhúsinu í Berlín.
Verkið er túlkun leikstjórans Franks
Castorfs á leikriti Tennessee Willi-
ams, Sporvagninn Girnd. Það er sam-
starfsverkefni Volksbühne og Salz-
burg Festspiel og var frumsýnt árið
2000. Sýningin hlaut kröftugar mót-
tökur á frumsýningunni og eftir að
hafa gengið í Salzburg og Berlín hef-
ur sýningin verið á leikferð um heim-
inn.
Leikstjóri verksins, Frank Castorf,
er einn af virtustu leikstjórum í Evr-
ópu í dag. Auk leikstjórastarfsins er
hann leikhússtjóri Volksbühne-
leikhússins, Alþýðuleikhússins við
Rosa Luxemburg-torgið í Berlín.
Vann hann meðal annars það þrek-
virki að lækka miðaverð í leikhúsinu
til þess að sem flestir hefðu efni á því
að koma í leikhús. Nú er Volksbühne
að jafnaði stútfullt af fólki á öllum
aldri og hefur það jafnframt veitt
leikhúsfólki og leikhúsum í Evrópu
innblástur og má rekja áhrif þess alla
leið til Íslands.
Endstation Amerika verður aðeins
sýnt tvisvar, í kvöld og annað kvöld,
og hefjast báðar sýningar klukkan 20.
Sýningin er með íslenskum texta.
Drama Úr Endstation Amerika sem frumsýnt verður í kvöld.
Endastöð í
Borgarleikhúsinu
www.borgarleikhus.is