Morgunblaðið - 11.06.2008, Blaðsíða 2
ÓLAFUR Skúlason biskup lést á Landspít-
alanum í Fossvogi laust fyrir miðnætti í
fyrrakvöld, 78 ára að aldri. Hann hafði átt
við vanheilsu að stríða hin síðari ár.
Ólafur Skúlason var kjörinn biskup Ís-
lands vorið 1989 og tók við embættinu hinn
1. júlí sama ár, þegar Pétur Sigurgeirsson
lét af því embætti fyrir aldurs sakir. Ólafur
gegndi biskupsþjónustu til ársloka 1997 og
tók Karl Sigurbjörnsson þá við embætti
biskups Íslands.
Ólafur Skúlason fæddist í Birtingaholti í
Hrunamannahreppi í Árnessýslu 29. desem-
ber 1929, sonur hjónanna Sigríðar Ágústs-
dóttur húsfreyju og Skúla Oddleifssonar
verkstjóra og landformanns, síðar umsjón-
armanns barnaskólans í Keflavík.
Ólafur varð stúdent frá Verzlunarskóla Íslands árið
1952. Hann lauk guðfræðiprófi frá Háskóla Íslands vorið
1955 og var vígður prestur Vestur-Íslendinga í Norður-
Dakóta í Bandaríkjunum sama ár. Þar starfaði hann til
ársins 1959. Hann aflaði sér jafnframt framhaldsmennt-
unar erlendis.
Ólafur gegndi um tíma þjónustu í Keflavíkurkirkju en
árið 1960 var hann skipaður fyrsti æskulýðsfulltrúi þjóð-
kirkjunnar.
Hinn 1. janúar 1964 var hann skipaður sóknarprestur í
Bústaðasókn í Reykjavík og þjónaði hann
prestakallinu í aldarfjórðung. Fyrstu árin
fóru athafnir í prestakallinu fram í Rétt-
arholtsskóla. Í tíð Ólafs var vegleg kirkja
reist í prestakallinu, Bústaðakirkja, og beitti
Ólafur sér mjög fyrir byggingu hennar.
Árið 1975 var Ólafur skipaður dómpró-
fastur í Reykjavík og vígslubiskup Skálholts-
stiftis árið 1983.
Ólafur Skúlason gegndi fjölmörgum fé-
lags- og trúnaðarstörfum. Hann sat í stjórn-
um Prestafélags Suðurlands og Prestafélags
Íslands, og var formaður þess 1974-1980.
Hann átti sæti í stjórn Prófastafélags Ís-
lands 1977-1989, þar af sem formaður árin
1982-1989.
Ólafur var stjórnarmaður í Lútherska
heimssambandinu frá 1990-1997 og gegndi á þeim tíma
einnig formennsku í stjórn Ekumenisku stofnunarinnar í
Strassborg.
Ólafur ritaði margar greinar um kristin málefni í blöð
og tímarit. Þá ritaði hann sunnudagshugvekjur í Morg-
unblaðið um nokkurt skeið.
Ólafur Skúlason kvæntist hinn 18. júní 1955 Ebbu Sig-
urðardóttur húsfreyju. Þau eignuðust þrjú börn, Guðrúnu
Ebbu, Sigríði og Skúla Sigurð. Barnabörn þeirra eru sjö
að tölu. | sisi@mbl.is
Andlát
Ólafur Skúlason biskup
Sparakst-
ur í sókn
„ÞAÐ er ekki hægt að neita því að
áhuginn hefur aukist. Ökukennarar
eru almennt sammála um það. Ef
ekki núna þá veit ég ekki hvenær,“
segir Marteinn Guðmundsson, öku-
kennari og eigandi vefsíðunnar vist-
akstur.is. Hann heldur reglulega
námskeið í vistakstri, þeirri list að
keyra bíl með sem hagkvæmustum
hætti. Flesta fyrirspyrjendur segir
hann á vegum fyrirtækja sem reki
bíla, en einstaklingar slæðist einnig
með. „Fyrst og fremst gengur þetta
út á að vera meðvitaður um eigið
aksturslag. Hvað ertu með í hönd-
unum og hvernig má nýta krafta
bílsins betur?“ segir Marteinn.
10-12% sparnaður algengur
Í þessu felst m.a. að halda vélinni á
réttum snúningi og nýta gírkassann
rétt. Marteinn er með aksturstölvu í
bílnum sem mælir augnablikseyðslu
og allar helstu stærðir, svo nemend-
ur sjái nákvæmlega hvað veldur auk-
inni eyðslu. „Það er mjög algengt að
fólk nái 10-12% eldsneytissparnaði
með þessu. Oft er það meira en það
fer allt eftir bílnum sem fólk ekur.
Það er hægt að ná meiri árangri á
stórum og þungum bílum sem eyða
miklu.“ | onundur@mbl.is
Morgunblaðið/Júlíus
Á ferð Auðvitað má líka nota hjólið.
Fleiri vilja á nám-
skeið er verð hækkar
Eftir Helga Bjarnason
helgi@mbl.is
MJÓLKURSAMSALAN er að
reyna að draga úr kostnaði við út-
flutning mjólkurafurða og gera hann
markvissari með
því að fela hann í
hendur fyrirtækis
fyrrverandi for-
stjóra. Efasemdir
eru um þessa ráð-
stöfun í röðum
bænda og sá
stjórn Auðhumlu
sig knúna til að
senda öllum fé-
lagsmönnum bréf
til að skýra málið út.
Þegar Guðbrandur Sigurðsson lét
af störfum sem forstjóri Auðhumlu
um síðustu mánaðamót kom fram að
hann tæki við starfi framkvæmda-
stjóra Nýlands ehf., fyrirtækis sem
hann á meirihlutann í, og að félagið
muni taka að sér sölu og markaðs-
færslu mjólkurafurða erlendis fyrir
Mjólkursamsöluna. Auðhumla er í
eigu mjólkurframleiðenda og á félag-
ið meirihlutann í MS.
Spurningar vöknuðu meðal bænda
og var málið meðal annars rætt
stuttlega á vettvangi Landssam-
bands kúabænda. Þórólfur Sveins-
son formaður hefur efasemdir um
aðferðina sem notuð var og veltir því
fyrir sér hvers vegna það sé talið
betra að fela sjálfstæðu fyrirtæki
markaðssetninguna erlendis en láta
félagið sjálft annast hana áfram.
Þórólfur segir að þekking og að-
gangur að markaði sé verðmæti í öll-
um viðskiptum. Koma verði í ljós
hvernig þessi ráðstöfun reynist en
lýsir jafnframt þeirri skoðun sinni að
betra hefði verið að ræða málið áður
meðal framleiðenda.
Eins og að selja fisk
Egill Sigurðsson á Berustöðum,
formaður stjórnar Auðhumlu og MS,
segir að tilgangurinn með því að fela
Nýlandi umsjón með útflutningi
mjólkurafurða sé að draga úr kostn-
aði og gera útflutninginn markviss-
ari. Nýland er í eigu Guðbrands og
Agnars Friðrikssonar, fyrrverandi
forstjóra Coldwater Seafood í Bret-
landi, og hafa báðir mikla reynslu af
stjórnun sölufyrirtækja í sjávarút-
vegi. Agnar hefur að undanförnu
unnið að útflutningi fyrir MS. „Þeir
hafa verið að gera góða hluti og við
ætlum að nýta þekkingu þeirra.
Þetta er eins og að selja fisk.“
Hann tekur fram að MS sé ekki að
láta frá sér viðskiptasambönd. Ný-
land taki að sér ákveðna þjónustu,
verði tengiliðir við núverandi kaup-
endur og afli nýrra. Varan verði all-
an tímann í eigu MS.
Forstjórinn sér um söluna
Fela einkafyrirtæki útflutning mjólkur-
afurða en bændur biðja um skýringar
Guðbrandur
Sigurðsson
Í HNOTSKURN
»Mjólkursamsalan flytur útafurðir úr mjólk sem eru
umfram þarfir markaðar inn-
anlands. Á síðasta ári var flutt
út fyrir um 400 milljónir kr.
»Aðallega er flutt út smjörog mjólkurduft, meðal
annars til Bretlands og Hol-
lands, en einnig fullunnar af-
urðir.
2 MIÐVIKUDAGUR 11. JÚNÍ 2008 MORGUNBLAÐIÐ
FRÉTTIR
Viltu gerast ferðaráðgjafi?
Ferðamálaskóli Íslands er eini skólinn hér á landi sem býður upp á
alþjóðlegt nám frá IATA/UFTAA, sem eru alþjóðleg samtök flugfélaga
og ferðaskrifstofa, og útskrifar skólinn á hverju ári „ferðaráðgjafa“ til
starfa hjá flugfélögum, ferðaskrifstofum og við aðra ferðaþjónustu.
Með aukningu ferðamanna hefur þörfin eftir fólki með slíka menntun
aldrei verið meiri. Flestir, sem útskrifuðust í vor, fengu starf innan
ferðaþjónustunnar að loknu námi. www.menntun.is
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf
Anna Sigríður Einarsdóttir, annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gud-
laug@mbl.is Minningar mbl.is/sendagrein, Stefán Ólafsson, Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GÖNGUFERÐ Orkuveitu Reykjavíkur um Heng-
ilssvæðið var vel sótt í gær, en hún var liður í ár-
legum fræðslugöngum fyrirtækisins. Auk ánægj-
unnar af útivistinni á þessu fallega svæði fengu
göngugarparnir að fræðast um kraumandi jarð-
orkuna, gróður og sögu svæðisins. Til þess að
tryggja að fræðslan næði allra eyrum var hljóð-
neminn tekinn með og mundaði Guðríður Helga-
dóttir líffræðingur hann mynduglega.
Morgunblaðið/hag
Hengilssvæðið er bæði fallegt og forvitnilegt
» Á fólksbíl með bensínvélsem eyðir 8 lítrum á hundr-
aðið og nær 11% sparnaði má
spara 25.223 krónur á ári.
» Á dísiljeppa sem eyðir 13lítrum og nær 13% sparnaði
má spara 53.179 krónur á ári.
» Í báðum tilvikum er miðaðvið 17.000 km akstur á ári.
Fjölskylda með tvo bíla gæti því
sparað 88.402 krónur á ári.
Spara tugi þúsunda