Skinfaxi - 01.04.1971, Blaðsíða 21

JÓNAS JÓNSSON:
„EINS OG ÞIÐ SÁIД
Leiðbeiningar um græðslu með sáningu og áburðargjöf
Ungmennafélögin hafa sem kunnugt
er — trú hugsjónum sínum og kjörorði
„ræktun lýðs og lands“ — tekið mjög
myndarlegan þátt í landgræðslustörfum,
nú hin síðari árin. Upphaf hins almenna
áhugamannastarfs að landgræðslumálum,
í formi fræ- og áburðardreifingar, má að
hálfu rekja til landgræðsluferða ung-
mennafélaganna, er hófust nú fyrir fjór-
um árum.
Nú hefur það orðið að samkomulagi á
milli Vegagerðar ríkisins og Ungmenna-
félags Islands — fyrir tilstuðlan Land-
verndar, að ungmennafélögin um land
allt taki að sér að sá og dreifa áburði
meðfram þjóðvegunum fyrir Vegagerð-
ina, þar sem henni ber lögum samkvæmt
skylda til að græða sárin. Með því að
ungmennafélögin leggja til vinnuna spar-
ast Vegagerðinni sá kostnaður, og fer það
fé til aukinna áburðarkaupa.
Hver sá aðili, sem stendur fyrir fram-
kvæmdum, sem valda jarðraski er skyld-
ugur lögum samkvæmt (jarðræktarlög og
lög um landgræðslu), að græða þau sár,
em það veldur á jarðvegi og gróðri.
Vegagerðin hefur nú unnið samkvæmt
þessu undanfarin fjögur ár, og sér þess
víða merki meðfram eldri og yngri veg-
um, að sárin meðfram þeim hafa verið
grædd.
Það er einnig mjög áberandi hvað nú
er unnið snyrtilegar að vegagerðinni en
áður. Oft vildi þá við brenna, að landið
væri spænt upp með jarðýtum langt út
frá vegarstæðinu, og jafnvel seilst til þess
að taka jarðvegstorfuna frekar en leita
dýpra eftir efninu. Nú er yfirleitt gengið
snyrtilega frá vegflögunum, enda auð-
veldar það mjög græðsluna á eftir.
Græðslan hefur, sem fyrr segir, víða
verið vel gerð og með góðum árangri,
en all víða hefur þó orðið misbrestur á
þessu. Þar sem notuð hefur verið sérstök
sáningarvél, sem höfð er á bílpalli, sem
ekið er eftir vegunum og fræinu og
áburðinum sprautað út yfir sárin, hefur
víða skort á að viðunandi árangur næð-
ist. Víða eru þá alveg ósáin yztu flögin,
sem teygja sig oft skörðótt langt út frá
vegunum. Þar eru sumsstaðar tekin að
myndast börð, og stefnir að uppblæstri.
Það er mjög nauðsynlegt að sá sem
fyrst í þessi skörð og ræmur og þyrftu
ungmennafélagar að taka það til athug-
unar.
Því fylgja augljósir kostir að sá og
dreifa áburði með höndunum. Með því á
að vera tryggt að ekkert verði útundan.
Þó er þetta nákvæmnisverk og verður
SKINFAXI
21