Skinfaxi - 01.04.1971, Blaðsíða 24
Guðmundur Þórarinsson:
Æfingaáætlun fyrir frjálsíþróttafólk
Framhald það á æfingaseðlum þeim,
sem ég hef útbúið, kemur nú hér, en í
næsta blaði eiga seðlarnir frá júníbyrjun
til Landsmóts að koma.
Það er mikilvægt að þeir, sem æfa eftir
þessum seðlum, reyni að æfa reglulega og
hugsi ekki sem svo, að það geri ekkert til
þótt ekki sé farið nákvæmlega eftir ein-
um seðli, því annar komi á eftir honum,
og þá sé hægt að ná sér á strik. Ef málin
væru bara svona einföld þá væri ekki
mikill vandi að lifa og starfa sem þjálf-
ari. Því miður er þessu ekki þann veg
farið og þeir, sem ekki trúa, munu að
öllum líkindum komast að því síðar, og
ef þeir láta ekki sannfærast vegna eigin
afreka, þá væri þeim hollt að hugsa sér,
hversu miklu betri árangurinn hefði orð-
ið hefðu þeir æft reglulega og vel.
Það er hægt að komast nokkuð langt á
íþróttasviðinu á meðfæddum hæfileikum,
en ef þeir eru ekki þjálfaðir þroskast
þeir ekki og munu standa í stað og smám
saman hrörna. Þetta er margsannað mál
og þvi munu allir, sem spurðir eru við-
urkenna, að það er æfingin sem skapar
meistarann.
Ég bað um að einhverjir létu mig vita,
hvernig þeim þætti að æfa eftir seðlun-
um en því miður, því var ekki frekar
svarað en kalli hins villta i eyðimörkinni,
og því eru þessir seðlar sem hér birtast,
miðaðir við hina fyrri og á þeim byggðir,
og geta þvi verið almennt of léttir eða of
þungir. Ekki veit ég, því þið hafið ekki
látið mig vita.
En ég ítreka það enn. Verið ætíð vel
klædd við æfingar ykkar. Hitið vel upp
og látið ykkur ekki kólna milli atriða í
æfingunni né milli hlaupa ykkar og verið
iðin við að færa æfingadagbókina. Hún
getur orðið ykkur að ótrúlega miklum
notum síðar, á næsta ári eða þar næsta.
Og svo óska ég ykkur góðs gengis með
æfingar ykkar allra, hvort sem þið æfið
eftir þessum æfingaseðlum eða öðrum.
Guðmundur Þórarinsson.
24
S KI N FAX I