Sjómannablaðið Víkingur - 01.12.2006, Blaðsíða 6
Formannaráðstefna FFSÍ
íslenskri farmannastétt
að blœða út
— skipstjórar útdauðir eftir 15 ár
Hópurinn fyrirframan Herjólfsbæ.
að var ekki æsingurinn
í körlunum sem hittust
á formannaráðstefnu Far-
manna- og fiskimannasam-
bandsins í Vestmannaeyjum
dagana 23. og 24. nóvember.
Undiraldan var engu að síður
þung.
•
Forsetinn, Árni Bjarnason, reið á vaðið
og gerði að meðal annar að umtalsefni
þá skelfilegu staðreynd að alþingismenn
hefðu næsta lítinn áhuga á að endurvekja
kaupskipaflota þjóðarinnar.
Á meðan önnur Norðurlönd leggja sig
í framkróka við að efla hag farmanna
sinna og kaupsiglingar þá yppa íslenskir
ráðamenn öxlum og segja: t>ví miður, það
gengur ekki að styðja við bakið á einum
atvinnuvegi umfram annan.
Svo sér maður þessa sömu alþing-
ismenn í sjónvarpi kyssa fúlskeggjaða
og litt skeggjaða kvikmyndagerðarmenn
um leið og tilkynnt er um háa ríkisstyrki
til að gera bíómyndir. Þetta er þó aðeins
eitt dæmi af fleirum sem mætti nefna um
sértæka stjórnvaldsaðgerð þar sem einni
atvinnugrein er hyglað umfram aðrar.
t>að fór ekki á milli mála að formönn-
unum, sem mættir voru á þingið, hraus
hugur við þessu skeytingarleysi íslenskra
stjórnvalda. Allir íslenskir farmenn í
millilandasiglingum væru orðnir erlendir
launþegar, flestir ráðnir hjá færeyskum
útgerðum. Þeir væru um leið sviptir rétt-
indum sem íslenskir skattborgarar, þeir
væru dottnir út úr almannatryggingakerf-
inu, ættu ekki rétt á atvinnuleysisbótum
né fæðingarorlofi, og hreint út sagt, staða
þeirra sem íslenskra ríkisborgarar væri í
mörgu tilliti ansi óljós.
Til að bæta gráu ofan á svart blasti það
við að innan fimmtán ára yrðu flestir
íslensku skipstjóranna, sem leggja fyrir
sig kaupsiglingar, komnir á eftirlaun.
Arftakar þeirra eru ekki sjáanlegir.
•
Formennirnir fóru um víðan völl í
umræðum sínum og lýstu meðal ann-
ars yfir ánægju sinni með að hvalveiðar
skyldu vera hafnar að nýju. Og það þrátt
fyrir allan þann „ ... skefjalausa heimatil-
búna áróður sent haldið hefur verið uppi
af hálfu íslenskra fjölmiðla ... “ gegn nytj-
un hvala. Hvali á að veiða á sömu sjálf-
bæru forsendunum og aðra nytjastofna
hér við land.
•
Einnig var samþykkt ályktun unt
nauðsyn þess að rannsóknaskipum Hafró
sé haldið úti og þau nýtt af fullum krafti
allt árið „ ... en þurfi ekki að liggja í höfn
langtímum saman vegna skorts á rekstr-
arfé.“
•
Fjölmiðlar voru i kastljósinu. Samþykkt
var að skora á menntamálaráðherra að
bæta þjónustu RÚV við sjómenn og bent
á að Auðlindin hefði verið lögð niður sem
væri þó eini útvarpsþátturinn sem fjallaði
um útgerð á íslandi.
Við viljum endurvekja Auðlindina eða
sambærilegan fréttaskýringaþátt, var sam-
eiginlega niðurstaða formannanna. Þeir
beindu því líka til menntamálaráðherra
að sjónvarpsútsendingar RÚV um gervi-
hnetti yrðu með þeim hætti að bæði land
og mið gætu notið þeirra en ekki aðeins
fólk i landi eins og nú er.
•
„Verðmyndun á sjávarafla á að ákvarð-
ast af verði á fiskmörkuðum eða afurða-
verði,“ var samdóma álit ráðstefnugesta.
•
Kjör aldraðra eru ekki sæmandi og
þrátt fyrir að stjórnvöld hafi sýnt viðleitni
til að bæta þau þá er ekki nóg að gert,
sögðu formennirnir, og skoruðu á alþing-
ismenn að bæta úr þannig „ ... að kjör
ellilífeyrisþega verði með þeint hætti að
sómi sé af fyrr alla landsmenn."
6 - Sjómannablaið Víkingur