Andvari - 01.01.2008, Blaðsíða 23

andvari
BJARNI BJARNASON
21
IV. Hafnarfjardarár 1912-1929
Vegna hinna þjóðkunnu umsvifa Bjarna sem forystumanns í uppbygg-
ingu skólaseturs á Laugarvatni, þátttöku hans í stjórnmálum og marg-
víslegum félags- og umbótamálum hefur færri sögum farið af kenn-
ara- og skólastjórastörfum hans fyrir 1929 og búskap hans í Straumi
við Hafnarfjörð. Eins og áður kom fram var hann ráðinn til kennslu
við Barnaskóla Hafnarfjarðar 1912. Hann var þar kennari til 1915 og
skólastjóri 1915-1929. Auk þess rak hann bú í Straumi 1918-1930.
Lárus Bjarnason lét af skólastjórn 1914 en við tók Þórður Guðnason.
Vegna veikinda hans gegndi Bjarni skólastjórastarfinu frá 1915 og tók
við því þegar útséð var um að Þórður næði heilsu.
I Hafnarfirði fór orð af Bjarna sem afburða stjórnanda. Hann mun
hafa þótt strangur en sett þær reglur einar sem óumdeilanlegar voru
og unnt að framfylgja, ekki síst varðandi hreinlæti og snyrtimennsku.
Börnin urðu að sýna, þegar þau komu í kennslustofu, að þau væru hrein
og vel hirt. Sjálfur lýsti hann aðferð sinni í viðtali í tilefni af 75 ára
afmæli sínu við Matthías Ingibergsson, lyfsala á Selfossi og ritstjóra
Þjóðólfs, sem hér hefur áður verið vitnað til:
Við gerðum þetta ekki einungis sem hreinlætisráðstöfun heldur sem skemmt-
un. Börnin lögðu hendur á skólaborðið þegar tími hófst svo auðvelt væri að sjá
hvort þau væru hrein. Þetta var föst venja. Ekkert orð var talað. Börnin sáu
strax sjálf hvort þau voru hrein á höndunum eða ekki og skutust þá hljóðalaust
fram og þvoðu sér ef þess var talin þörf. Þetta þótti börnunum sjálfsagt og olli
engum leiðindum.13
Bjarni var leikfélagi barnanna í frímínútum og ávann sér traust þeirra
°g virðingu að sögn kunnugra. Skólinn starfaði í 8 mánuði. Bjarni
kenndi mikið í aukatímum, einkum við Flensborgarskólann. íþróttir
kenndi hann bæði við skólana og á vegum íþróttafélaga. Á sumrin
vann hann við heyskap fyrir Þórð Sveinsson lækni á Kleppi, en þar var
Jórunn systir hans yfirhjúkrunarkona og Vigdís móðir þeirra matráðs-
kona. Með Bjarna við heyskapinn unnu eingöngu vistmenn á sjúkrahús-
inu og olli það engum erfiðleikum.14
Eins og áður er nefnt rak Bjarni kúabú í Straumi á árunum 1918-
1930. Jörðina hafði hann keypt í félagi við Þórð Edilonsson lækni. Til
þess var tekið hve fallegt og gagnsamt bú hans var. Haft var eftir borg-
firskum bónda að hvergi hefði hann séð 14 kýr í einu fjósi jafnglæsilegar