Andvari - 01.01.1926, Qupperneq 25

Andvari
1930
23
búningi þessa verður bezt stuðlað með því að veita
þeim, sem semja eiga lögin og æfa söngflokka og hljóð-
færalið, svo ríflegan styrk, að þeir geti gefið sig af alefli
við þessu. Að sjálfsögðu æfa íþróttafélögin sína menn
kappsamlega undir hátíðina. Verði þjóðleikhúsið vígt
1930, mundi bezt eiga við, að það yrði með nýjum sjón-
leik, er til þess væri ætlaður, ef hann tækist nógu vel.
Þá væri og gaman að geta sýnt söguleik undir beru
lofti á Þingvelli, svo að ekki vantar verkefnin fyrir sjón-
leikaskáldin. Loks verður að sjá fyrir ræðuhöldum á ein-
um fjórum tungum, auk íslenzkunnar.
Aðalvandinn verður hér sem jafnan að finna hæfustu
menn, sem völ er á, til framkvæmdanna, og verður af-
dráttarlaust að heimta, að þar verði eingöngu litið á
hæfileikana, því að hér er um heiður vorn að tefla.
Verkefni þau, er eg þegar hefi bent á, skiftast raunar
i þrjá flokka. í fyrsta flokki er fræðslustarfið, er svo
mætti nefna. Þar til heyrir alþingissagan, Islandsbókin,
íslandsmyndin og sýningin. 1 öðrum flokki er byggingar-
starfið. Þar til heyrir alt það, sem gera þarf af mann-
virkjum vegna hátíðarinnar, á Þingvelli og annarstaðar.
í þriðja flokki koma hátíðahöldin sjálf, tilhögun þeirra
og framkvæmd. Af því, sem eg taldi til fyrsta flokks,
hefir með sérstökum aðgerðum verið séð fyrir alþingis-
sögunni. Eftir eru þá Islandsbókin, Islandsmyndin og
sýningin. Virðist liggja beint við, að skipaður yrði sinn
maðurinn til að annast hvert þessara hlutverka. Einn
hefði ritstjórn bókarinnar, réði fyrirkomulagi hennar,
veldi menn til að rita hana og bæri þar með ábyrgð á
öllum frágangi hennar. Annar sæi um myndina, réði
hvað tekið væri á hana, veldi menn til framkvæmdanna
og bæri ábyrgð á öllu, sem þar að lyti. Þriðji hefði
yfirstjórn sýningarinnar, ynni með nefndum úr félögum