Fálkinn - 22.02.1961, Blaðsíða 23
>
LJUFFENGIR
KANELSNUÐAR
250 g hveiti
90 g smjörlíki
35 g pressuger
eða 1V2 msk þurrger
3 msk sykur
1 egg
nál. 1 % dl ylvolg mjólk.
Fylling: Brætt smjör, sykur, kanell,
rúsínur.
Smjörlíkið mulið saman við hveitið,
gerið mulið smátt saman við (sé notað
þurrger( er það hrært út í örlitlu af
ylvolgu vatni, blandað þá í um leið og
vökvunin), sykri blandað saman við.
Vætt í með egginu og mjólkinni. Deig-
ið hnoðað vel, flatt út í ferkantaða köku.
Deigið smurt með bræddu smjöri, stráð
yfir það kanelsykri og rúsínum. Deigið
vafið saman, eins og það væri slöngu-
kaka. Skorið í þykkar sneiðar, sem sett-
ar eru á smurða plötu. Látið lyfta sér
tilbyrgt í Vz klst á volgum stað. Smurð-
ir með mjólk eða eggjablöndu, stráð
yfir þá kanelsykri og möndlur ef vill.
Bakaðir við góðan hita 225°C í 8—10
mínútur.
Heilræði
Það er gamalt og gott húsráð að fara
í heitt kamillutesfótabað á kvöldin áður
en lagzt er til svefns; þá er engin hætta
á andvökunótt.
Blómkálið verður fallegt og hvítt, sé
dálítil mjólk sett í suðuvatnið.
Ágætt ráð við hárlosi er að núa hár-
svörðinn með sítrónusafa, rétt áður en
hárið er þvegið. Hárið verður auk þess
fallegt og gljáandi.
I botninn á blómsturvösum sezt oft
brún skán, sem erfitt er að ná burtu.
Klippið dagblaðapappír smátt, troðið því
í vasann, hellið dálitlu af ediki í vas-
ann og hristið hann vel. Ef skánin er
mjög föst, er gott að láta edikið standa
í vasanum dálitla stund. Skolað úr köldu
vatni.
Gluggarúður og speglar gljá fallega
séu þeir nuddaðir með samanvöðluðu
dagblaði.
Þurfi að skera nýbakað brauð eða
köku, er Það auðveldara, sé hnífurinn
hitaður.
thjjar petfÁut frá fcicr
Peysumódelin tvö hér að neðan eru víst fremur sérkennileg en klæði-
leg, en þetta er sem sagt nýjasta tízkan frá París og því eins gott
að vera varkár í dómum. — Hálsmálið á efri golftreyjunni er svo
vítt, að nóg plásse er fyrir rullukragann á peysunni. Bandið í háls-
málinu er bundið líkt og karlmenn binda siipsin sín. Fyrir neðan
sést TUNICA-peysa frá Dior með 7/8 löngum ermum, geysistórum
kraga og belti, sem haft er neðarlega á mjöðmunum.
Unglingar nútímans hrífast oft af tízkunni í gamla daga, og þess
vegna mun þeim geðjast að þessari blússu (sjá mynd til hægri),
sem hún langamma hefði vel getað átt í klæðaskápnum sínum.
Hún er saumuð úr austurlenzku silki með víðum ermum og lín-
ingum og lítilli slaufu. Pilsið er úr flaueli.