Iðnneminn - 01.10.1997, Blaðsíða 22
Fjölbrautaskóli Suðurlands er staðsettur á
Selfossi í nýju og stórglæsilegu húsnxði.
Skólinn býður upp á 25 námsbrautir og þar
af eru 9 starfs- og verkmenntabrautir. Þær
eru: grunndeildir í málmiðn, rafiðn og
tréiðn, framhaldsdeild í vél-og rennismíði,
framhaldsdcild í húsasmíði, grunnáfangar í
myndlist, sjúkraliðanám og fatagerð,
fatahönnun og veitingatækni sem kennd er
á hússtjórnarbraut.
Grunndeild málmiðna
Hvað er lærtfÞú lærir undirstöðuatriði í
verklegum og bóklegum greinum málmiðnar.
Megin áhersla er þó lögð á verklega hlutann en
þar er kennd rennismíði, fræsing,rafsuða og
logsuða, notkun handverkfæra og sitthvað
fleira. Bóklegu greinarnar eru efnisfræði,
rafmagnsfræði og grunnteikning. Vægi
verklega hlutans er um 65% og hins bóklega
urn 35%
Námstími. Námið í grunndeild
tekur tvær annir og með því fæst tólf
mánaða stytting á námssamningi sem
hljóðar þá upp á þrjú ár.
Að námi loknu. Próf úr grunndeild
veitir aðgang að framhaldsdeild
skólans í vélvirkjun og rennismíði
sem lýkur með sveinsprófi að loknum
starfstíma. Grunndeildarnámið er
hagnýtt og hentar mjðg vel
stjórnendum vinnuvéla, vörubílstjórum,
trillukörlum og bændum. Þá nýtist það ekki
síður til ýmiskonar viðhalds- og eftirlitsstarfa í
verksmiðjum.
Grunndeild rafiðna
Hvað er lært? Hér stendur þér til boða að læra
grundvallaratriði í störfúm rafiðnaðarmanna.
Þú lærir m.a. lóðningar, afeinangrun og
tengingar og útbyrð spennugjafa. Kennd er
notkun mælitjækja í rafiðnaði, svo sem ohm-
arnper- og spennumæla auk aflesturs af
sveiflusjá. Einnig lærirðu hönnun og tengingu
stýringa með segulliðum og rökrásum og
tengingar ljósalagna með rofurn og tenglum.
Bóklegi hlutinn samanstendur af
rafmangsfræði, efnisfræði og rafeindatækni auk
grunnteikningar. Námið er 70% verklegt.
Námstími. Grunndeildarnámið er tveggja
anna nám og algert skilyrði áframhaldandi
nárns í öllum rafiðngreinum. Hafirðu lokið
gunndeild styttist námið í þessum rafiðnum um
eitt ár.
Að námi loknu. Grunndeildin veitir þér
aðgang að námi í rafvirkjun, rafvélavirkjun,
rafeindavirkjun, rafveituvirkjun, símsmíði og
fleiri rafiðngreinum.
Grunndeild tréiðna
Hvað er lært? I verklega hluta námsins lærirðu
að vinna með handverkfærum og handvélum,
svo sem borvélum og handfræsurum og að
nota trésmíðavélar. Þá fylgir nárninu að skerpa,
brýna og stilla vélar og verkfæri. Þú smíðar
nytjahluti með margskonar samsetningum,
lærir að líma, spónleggja og lakka hvort heldur
er með pensli eða sprautu. Þú færð þjálfún í að
lesa teikningar og að skipuleggja vinnu þína.
Bóklegi hlutinn samanstendur einkum af
efnisfræði, véla- og tækjafræði, verktækni,
grunnteikningu og rafmagnsfræði.
Námstími. Nám í grunndeild tekur t\ær annir
eins og nám í öðrum grunndeildum.
Að námi loknu. Námið nýtist vel í
byggingavinnu og t.d. við viðhald eigin húss.
Próf úr grunndeildinni veitir eins árs styttingu
á iðnnámi í eftirtöldum iðngreinum:
húsasmiði, húsgagnasmíði, húsgagnabólstrun,
tréskipasmíði, myndskurði og hljóðfærasmíði.
22 I ð n n e m i n n