Fréttablaðið - 05.11.2009, Blaðsíða 56

36 5. nóvember 2009 FIMMTUDAGUR
menning@frettabladid.is
ath. kl.
Á tónleikum Jazzklúbbsins Múlans
í kvöld i verður boðið upp á dag-
skrá með þeim Óskari Guðjónssyni
saxófónleikara, Davíð Þór Jónssyni
píanóleikara, Þorgrími Jónssyni
kontrabassaleikara og Matthíasi
Má Davíðssyni Hemstock trommu-
leikara. Á dagskrá þeirra verða
innihaldsríkir Söngdansar Jóns
Múla ásamt leynilögum annarra
höfunda.
Mætt er til landsins Guðrún María
Finnbogadóttir sópran sem hefur
dvalið lengi í Englandi við nám og
störf. Hún heldur tónleika í Hafn-
arborg í hádeginu við undirleik
Antoníu Hevesi. Guðrún María
Finnbogadóttir sópran flytur þar
tilfinningaríkar aríur meðal annars
eftir Händel. Hefjast tónleikarnir
kl. 12.15.
Guðrún María Finnbogadóttir
stundaði nám við Söngskólann
í Reykjavík og lauk þaðan prófi
árið 1993. Sama ár sigraði hún í
Tónvakakeppni Ríkisútvarpsins
og kom af því tilefni fram með
Sinfóníuhljómsveit Íslands í Háskólabíói. Fyrir
Íslands hönd fór hún í keppni ungra norrænna
tónlistarmanna og varð í þriðja sæti. Hún fór
til Ítalíu í nám, þaðan til London þar sem hún
var við nám bæði við Guildhall School of Music
And Drama og Royal Academy. Hún
hefur sungið á ýmsum tónleikum,
meðal annars undir handleiðslu
Osma Venska og Sir Colin Davis og
í óperuuppfærslum í Evrópu, meðal
annars á samningi hjá European
Opera Centre.
Hádegistónleikar hafa verið
fastur liður í starfi Hafnarborgar frá
árinu 2003. Þeim hefur verið mjög
vel tekið og komast stundum færri
að en vilja. Tónleikarnir standa yfir í
um hálfa klukkustund og eru öllum
opnir á meðan húsrúm leyfir.
Antonía Hevesi píanóleikari hefur
frá byrjun verið listrænn stjórnandi
tónleikaraðarinnar en margir af fremstu söng-
vurum þjóðarinnar hafa komið fram með henni
á hádegistónleikum en fram að jólum verða
tónleikarnir helgaðir söngvurum sem hafa
markað sér starfsvettvang á erlendri grund.
Guðrún María á tónleikum í dag
TÓNLIST Guðrún María
Finnbogadóttir sópran.
> Ekki missa af
Föstudagskvöld á Græna
hattinum er undirlagt af Hundi
í óskilum kl. 21.30. Forsala er
í Eymundsson. Á laugardags-
kvöld verður hagyrðingakvöld.
Birgir Sveinbjörnsson reynir
að hafa stjórn. Pétur Péturs-
son, Reynir Hjartarson, Árni
Jónsson, Einar Kolbeinsson og
Hjálmar Freysteinsson kveðast
á. Um söngatriði sér Karlakór
Eyjafjarðar en gamanið hefst
kl. 21.
Í dag kl. 17 verður sýning í Regnboganum á kvik-
myndum, vídeóverkum eftir Gjörningaklúbbinn, Cur-
ver, Bjarna Massa og samstarfsmynd 16 íslenskra og
pólskra listamanna í tengslum við Sequences-hátíð-
ina. Sýndar verða myndirnar Vitaskuld, Auðvitað!
eftir Gjörningaklúbbinn, vídeóverk frá gerningi
þeirra 17. maí síðastliðinn er átti sér stað í Garðskaga-
vita ásamt lúðrasveitinni Svaninum.
Verkin Four New York Minutes og Ode to An Ode
eftir Curver, en annað verkið er einnar mínútu gern-
ingur í New York og hitt er vídeóverk tileinkað verki
Finnboga Péturssonar Ode, unnið í samstarfi við
Rafskinnu tímarit.
Þá verður einnig sýnt verkið an Exquisite Corpse
in Nikisialka, sem var tekin upp í Nikisialka í Pól-
landi þar sem 16 íslenskir og pólskir listamenn
dvöldu og störfuðu sumarið 2008. Allir listamennirn-
ir unnu að gerð myndarinnar í samstarfi við kvik-
myndagerðarmanninn Þorgeir Guðmundsson, en
verklag myndarinnar byggist á hugmyndinni um
teiknileikinn exquisite corpse, þar sem margir aðil-
ar teikna eina teikningu en vita ekki hvert myndefni
þess sem á undan teiknaði er. Kvikmyndin er þannig
byggð upp; Þorgeir lék aðalhlutverkið og sagði mis-
munandi leikstjórum síðasta ramma þess er á undan
var. Hver listamanður eða leikstjóri fékk tvær
mínútur.
Að lokum verður sýnd 30 mínútna heimildarmynd
um það þegar Sirkus bar var fluttur af Kling & Bang
gallerí til London á Frieze-listamessuna haustið
2008. Þar gefur að líta brot af því sem þar fór fram
og þeirri stemningu sem þar var.
Aðgangur er ókeypis og verða þessar myndir ein-
ungis sýndar á þessum tíma. Sýningarnar eru hluti
af Sequences-listahátíðinni sem nú stendur yfir. - pbb
Gerningar fara á kvikmynd
Pelleas og Mélisande með Hrólf
Sæmundson í titilhlutverkinu
slær í gegn hjá gagnrýnendum í
þýskalandi. Uppsetning óperunn-
ar í Aachen á Pelléas og Mélisande
eftir Claude Debussy hefur held-
ur betur slegið í gegn hjá gagn-
rýnendum í þýskalandi, en það
er Hrólfur Sæmundsson sem fer
með annað titilhlutverkið, hlutverk
Pelléasar.
Hrólfur hóf nýverið störf við
óperuna í Aachen, og syngur þar í
vetur, auk hlutverks Pelleasar, hlut-
verk Papagenós í Töfraflautunni,
og Fords í Falstaff eftir Verdi. Að
auki var honum nýverið boðið titil-
hlutverk óperunnar Évgení Onegin
eftir Tsjaíkovskí sem sett verður
upp á næsta ári.
Hér að neðan eru brot úr umfjöll-
unum fjölmiðla um sýninguna Pell-
éas og Mélisande, en hún var frum-
sýnd sunnudaginn 25. október og
verður sýnd út leikárið.
Grenzland tímaritið segir: „Síð-
asti fundur elskendanna, áður en
Golaud drepur bróður sinn, er
raddlegur hápunktur sýningar-
innar: Michaela Maria Mayer og
Hrólfur Sæmundsson svífa milli
fagurfræðilegs formleika og lýr-
ískrar ákefðar. List söngvaranna
og blæbrigðaríkur leikur hljóm-
sveitarinnar heillaði áhorfendur.“
Gagnrýnandi WDR útvarps-
stöðvarinnar segir í umsögn sinni:
„Hljómsveitarstjórinn Marcus R.
Bosch leiddi hljómsveitina gegnum
þetta dularfulla og ótrúlega marg-
ræða verk á þann hátt að hafið er
yfir allan efa að Sinfóníuhljóm-
sveit Aachen var vandanum vaxin
og meira til; það var sko ekki að
ástæðulausu að fullur salur hyllti
hljómsveit og stjórnanda hennar.
Söngvararnir höfðu greinilega
allir unnið heimavinnu sína, þar
var fremstur í flokki ungur söngv-
ari sem steig þar í fyrsta sinn á
óperusviðið í Þýskalandi, Hrólf-
ur Sæmundsson. Rödd hans hafði
fagran dökkan blæ þrátt fyrir hæð-
ina sem hlutverkið krefst, nokkuð
sem hentaði þessu dulúðlega verki
ákaflega vel. … Áhorfendur voru
stórhrifnir, og fagnaðarlætin voru
óvenju mikil, ekki síst með tilliti
til þess að oftast hrífur þessi ópera
aðeins sérfræðingana, en ég hef
það á tilfinningunni að í Aachen
verði þetta ópera fólksins.“ - pbb
Hrólfi hrósað
TÓNLIST Hrólfur Sæmundsson lengst til
hægri í hlutverki sínu í Achen.
mynd Wil van Lersel.
Hófst landnám Ísland tveimur öldum fyrr en ætlað hefur verið, það er árið 670? Þessari spurningu
varpar Páll Theodórsson fram í hausthefti Skírnis.
Þar andmælir hann þeim sagnfræðingum og
fornleifafræðingum sem vefengt hafa niðurstöð-
ur aldursgreininga með svonefndri kolefni-14
aðferð, og telur engin efni til þess að hafna
þeim greiningum. Er óhætt að búast við fjörugri
umræðu um grein Páls. Halla Gunnarsdóttir
fjallar í athyglisverðri grein um kenningar um
norrænt öryggissamstarf og byggir á ítarlegum
viðtölum við málsmetandi aðila á öllum
Norðurlöndum. Kemur meðal annars fram hjá
henni að litlar sem engar líkur séu á að Svíar
og Finnar taki þátt í loftrýmisgæslu að svo
stöddu en hugmyndin var sett fram af Thorvald
Stoltenberg, fyrrverandi utanríkis- og varnar-
málaráðherra Noregs, og er ein þrettán tillagna
um nánara samstarf Norðurlandanna í örygg-
is- og varnarmálum. Enn fremur er í Skírni
fjallað um síðustu atburði hérlendis, bæði í grein Ólafs
Páls Jónssonar um lýðræði og réttlæti á Íslandi í tengslum
við haustið 2008, og í umsögn Benedikts Jóhannessonar
um bækur sem birst hafa hérlendis um hrunið. Forvitnileg
bókmenntaumfjöllun er í heftinu: Davíð Kristinsson skrifar
um Ibsen, Brúðuheimilið og kvenfrelsiskenningar, Björn
Þór Vilhjálmsson skrifar um Guðsgjafaþulu Laxness og
Bergljót Soffía Kristjánsdóttir skrifar um
bók Þorsteins Þorsteinssonar um Sigfús
Daðason. Pétur Knútsson fjallar um til-
viljun og orsakasamhengi í ljósi málsög-
unnar, Helgi Skúli Kjartansson er með
skemmtilega viðbót um söguskilning
íslenskra sósíalista og Kristján Árnason
minnist Helga Hálfdanarsonar. Í ritröðinni
„skáld um skáld“ fjallar Gerður Kristný um
Svövu Jakobsdóttur og þau Steinar Bragi
og Kristín Eiríksdóttir birta frumsamdar
smásögur í Skírni að þessu sinni. Þá eru
í heftinu átta ættjarðarástarsöngvar eftir
Þorvald Gylfason, en birting frumsaminna
laga er nýnæmi. Myndlistarmaður Skírnis
er Ragnar Kjartansson og bregður Halldór
Björn Runólfsson óvæntri birtu á umdeilda
sýningu hans í Feneyjum á þessi ári. Haust-
hefti Skírnis er röskar 270 blaðsíður að stærð. Ritstjóri
er Halldór Guðmundsson en útgefandi er Hið íslenska
bókmenntafélag.
NÝTT TÍMARIT
MYNDLIST Gjörningaklúbburinn er kominn á ræmu með lúðra-
sveit og vita. MYND FRETTABLAÐIÐ