Menntamál - 01.12.1946, Side 48

182
MENNTAMÁL
var það undirbúið í nánu samstarl'i við námsstjóra og fræðslumála-
stjóra. — í stjórn sambandsins voru: Sigurður Gunnarsson, Jóhannes
Guðmundsson og Jón Kr. Kristjánsson.
Á námskeiðinu flutti dr. Mattbías Jónasson nokkur erindi um
uppeldisfræðileg efni. Hann hafði einnig æfingar í meðferð gáfna-
prófa með nokkrum kennurum. Guðmundur I. Guðjónsson, kennari
í Reykjavík, flutti fyrirlestra um skriftarkennslu, en Jón J. Þorsteins-
son, kennari á Akureyri, nokkur erindi um liljóðfræði í sambandi
við byrjunarnám í lestri. Friðrik Hjartar, skólastjóri á Akranesi,
kenndi réttritun og málfræði. Þorsteinn Einarsson, íþróttafulltrúi,
flutti erindi um skólaheilsufræði og æfði með kennurum svonefndar
öndunaræfingar til notkunar í skólastofu. Frú Arnheiður Jónsdóttir,
kennari í Reykjavík, leiðbeindi um handavinnukennslu og sýndi
skólahandavinnu. l’h. Bögelund, skólastjóri frá Fredericia, flutti upp-
eldisfræðileg erindi, Friðrik A. Friðriksson, prófastur í Húsavík, flutti
erindi um kristindómskennslu, Snorri Sigfússon, námsstjóri, um
fræðslulögin nýju og Hannes J. Magnússon, kennari á Akureyri, um
samvinnu skóla og hcimila.
Samband norðlenzkra barnakennara
hélt aðalfund sinn á Laugum samtímis námskeiðinu, sem getið er
um hér á undan. Voru umræðufundir á kvöldin eða kvikmyndasýn-
ingar og annað, sem verða mátli til gagns og skemmtunar. Helztu
málin, sem tekin voru fyrir á aðalfundinum, voru þessi:
Uppeldisheimili fyrir vanga’f börn. Fundurinn taldi brýna þörf
á „að stofna í landinu eitt fullkomið heimili fyrir vangæf börn“ og
skoraði á „fræðslumálastjórnina að beita sér fyrir stofnun slíks
heimilis."
EndurskoÖun námsbókanna. Fundurinn leit svo á, að ýmsar kennslu-
bækur barnaskólanna væru „orðnar mjög óhentugar og sumar ónot-
hæfar með öllu." Benti hann á eftirtalin atriði:
1. Dýrafræðin er alltof yfirgripsmikil, enda að nokkru leyti samin
sem lesbók. Tilfinnanlegur skortur er á hentugu yfirliti aftan við
bókina.
2. Alger vöntun er á sögu tímabilsins frá 1874. Jafnframt er brýn
þörf á endurskoðun og styttingu kcnnslubókarinnar.
3. Aðkallandi þörf er á nýrri kennslubók í líkams- og heilsufræði.
4. Lesefni vantar fyrir byrjendur til viðbótar við Gagn og gaman
og í framhaldi af Jieirri bók.
5. Endurskoða þarf lesbókarflokkana, einkum með tilliti til þess,
að efni þeirra styðji markvisst annað nám. Þá Jiarf að gefa út
fyrirhugað heftj af 6, flokki,