Menntamál - 01.05.1952, Síða 7

menntamál
45
hreyfingin um heim allan hefur því orðið fyrir miklum og
frjóvgandi áhrifum frá Montessori, beint og óbeint, hvaða
uppeldisfræðilegri stefnu, sem þeir annars fylgja. Það,
sem öðru fremur einkennir andann í verkum Mariu Mont-
essori, er mannkærleikur hennar, trúin á hið góða í barns-
sálinni, og trú hennar á mátt uppeldisvísindanna til þess
að skapa mönnum farsælla líf.
Börn þessarar aldar standa í mikilli þakkarskuld við
hinn látna uppeldisfrömuð og barnavin, sem helgaði þeim
líf sitt og starf.