Menntamál - 01.05.1952, Page 26

64
MENNTAMÁL
fyrstu skólastjóra, að þeir gegndu þessu starfi um stuttan
tíma í senn. Voru það yfirleitt guðfræðikandidatar, sem
þiðu eftir þrauði. Einna þekktastur þeirra var Magnús
Helgason, síðar skólastjóri Kennaraskólans. Hann var
skólastjóri á Eyrarþakka um 1880. Var þá uppi sú ráða-
gerð að stofna þar gagnfræðaskóla. Þegar hann fluttist
þaðan, féll niður allt umtal um það. — Lengst allra hefur
Pétur Guðmundsson verið skólastjóri þessa skóla, eða
rúman aldarfjórðung. Nú er þar skólastjóri Guðmundur
Daníelsson rithöfundur.
Sameiginlegt skólahald fyrir Eyrarbakka og Stokks-
eyri hélzt til 1897.
Fyrsta skólahúsið var reist, um leið og skólinn var
stofnaður. Það stóð á Háeyri. Þar var kennt fram að 1880.
Var þá það hús selt, en nýtt og mikið skólahús reist að
Skúmsstöðum. Var kennt þar til 1913. Var þá reist það hús,
sem enn er í notkun. Hefur það nú verið stækkað um þriðj-
ung, og verður hin nýja viðbót vígð á hausti komanda. Á
Stokkseyri hefur einnig verið reist nýtt skólahús, mikið
og vandað. Verður það einnig vígt í haust. Á báðum
þessum stöðum hafa einnig verið reistar vandaðar skóla-
stjóraíbúðir.
Fyrir kom það fyrr á árum, að lítið sem ekkert var hægt
að kenna í skólahúsinu sakir eldsneytisskorts, en alla þessa
hundrað vetur hefur einhver kennsla farið fram á vegum
skólans, svo að þráðurinn hefur aldrei slitnað 1 sögu hans.
Vilja Menntamál færa Eyrbekkingum og Stokkseyring-
um beztu árnaðaróskir af tilefni þessa afmælis. Er þessu
byggðarlagi mikill sómi að -því að hafa rutt þannig braut-
ina í menningarmálum þjóðarinnar.