Menntamál - 01.04.1959, Side 63

MENNTAMÁL
57
Margrét Th. Rasmus.
Hinn 19. desember 1958
andaðist frú Margrét Theó-
dóra Rasmus, fyrrv. skóla-
stjóri Málleysingjaskólans.
Hún var fædd að Reykhól-
um á Barðarströnd þann
27. marz 1877.
Foreldrar Margrétar
voru þau Björn E. Þórðar-
son bóndi á Reykhólum,
ættaður úr Borgarfirði, og
Þórey Pálsdóttir, síðari
kona hans, sem var systur-
dóttir Jóns Thoroddsen
skálds. í uppvexti Margrét-
ar var fjölmenni mikið á
Reykhólum — stundum allt
að 50 manns að börnum
meðtöldum, systkinin voru mörg. Þarna ólst Margrét upp.
Um tvítugt fór Margrét til Kaupmannahafnar til þess
að kynna sér málleysingjakennslu. Hún kom heim árið
1899 og gerðist þá kennari við Daufdumbra-skólann hjá
séra Ólafi Helgasyni á Stóra-Hrauni. Þar starfaði Margrét
í 8 ár, og þegar skólinn fluttist til Reykjavíkur (1909),
varð hún skólastjóri Málleysingjaskólans og var það óslit-
ið þar til haustið 1944, að hún sagði starfinu lausu.
Árið 1922 dvaldist frú Margrét á málleysingjaskóla í
Fredericía í Danmörku og kynnti sér þar nýjungar í
kennslu daufdumbra. Hún fór oft utan eftir það til þess
að kynnast nýmælum á þessu sviði og fór þá einkum til Dan-
merkur og Þýzkalands.
Margrét Th. Rasmus.