Bjarmi - 01.04.1996, Qupperneq 5

BROTIÐ TIL MERGJAR
slnu landi, og segja má að börnin líti á þá sem „frænda eða
frænku“ í útlöndum. Persónuleg tengsl myndast gjarnan,
einkum í formi bréfaskrifa. Einnig hafa nokkrir
styrktaraðilar heimsótt sín barnaþorp og stuðlað þannig að
enn betri tengslum. Um þessar mundir leggja samtökin á
íslandi sérstaka áherslu á þorp í Eistlandi í samstarfi við
hin Norðurlöndin.
Starfið hér heima er mjög umfangsmikið og er ein
manneskja í fullu starfi. Rekstarfé skrifstofunnar er þó
ekki tekið af því fé sem greitt er sem styrkir til bamanna
heldur eru það sérstakir styrkir. Formaður SOS barna-
þorpa á íslandi er Úlla Magnússon og er skrifstofan
staðsett að Hamraborg 1, Kópavogi.
ABC hjálparstarf
ABC hjálparstarf er íslenskt, samkirkjulegt hálparstarf,
stofnað árið 1988 af nokkrum kristnum einstaklingum.
Markmiðið er að veita fólki, börnum sem fullorðnum,
hjálp sem kemur að varanlegu gagni. Sérstök áhersla er
lögð á að styrkja fátæk börn til náms og tryggja það að þau
fái helstu þörfum sínum fullnægt. ABC styrkir börn í
Úganda, á Filippseyjum, Indlandi, Kambódíu, Haití,
Rúmeníu, laos og Bangladesh. Stuðningurinn getur verið
allt frá því að greiða skólagjöld upp i að greiða fyrir skóla,
fæði og heimili. Allt fjármagn kemur frá styrktaraðilum
sem greiða misháar upphæðir eftir efnum og ástæðum.
Þegar þetta er ritað eru um 1400 stuðningsaðilar sem
styðja við bakið á um 2000 börnum. Stuðningsaðilarnir
eru oftast einstaklingar eða fjölskyldur en einnig fyrirtæki,
kvenfélög, saumaklúbbar, skátafélög, sunnudagaskólar ofl.
Slíkir aðilar hafa þá styrkt eitt eða fleiri börn. Einnig eru
sumir sem leggja fram ákveðna upphæð á mánuði án þess
að vera beinir styrktaraðilar ákveðins barns. Sérhver
styrktaraðili fær mynd af sínu barni og getur hæglega
komið á persónulegum tengslum í formi bréfaskrifta
o.þ.h. Það hefur reynst börnunum afar dýrmætt.
Einungis einn styrktaraðili er um hvert barn. Upphæðir
sem fólk greiðir eru á bilinu 500-1450 kr. á mánuði, eftir
því hversu mikil hjálp er veitt.
Árið 1989 stóð ABC hjálpar-
starf fyrir lestrarkennsluverkefni
í Mexíkó meðal tveggja indíána-
þjóðflokka. Árið 1990 voru 100
börn styrkt til náms á Filipps-
eyjum auk þess sem unnið var
að lestarkennslu á Fílabeins-
ströndinni. 1991 voru 250
börn styrkt til náms á Filipps-
eyjum og 1992 voru 500 börn
styrkt til náms á Filippseyjum,
Indlandi, Kambódiu, Laos og
Bangladesh auk þess sem hafist
var handa við að byggja heimili
fyrir 30 munaðarlaus börn í
Kambódíu. Um 1200 börn
voru styrkt árið 1993 í áður-
nefndum löndum auk Úganda.
Einnig var tekið við Little Light
Orphanage heimilinu á Indlandi
þar sem 360 börn búa. Árið
1994 var hafist handa við
byggingu þorps fyrir alnæmis-
sjúkar ekkjur með ung börn í
Úganda í samstarfi við nokkra
aðila. Síðast liðið ár var stofnað
50 barna heimili í Madras á Indlandi í leiguhúsnæði og
nýjasta verkefnið er stækkun Little Ligths heimilisins sem
gera mun um 600 börnum kleift að búa þar.
Allt það starf sem unnið er hér á landi s.s. umsjón,
innheimta, erlend samskipti o.þ.h. er unnið í sjálfboða-
vinnu. Sjö kristnir einstaklingar hófu starfið en umsvifin
hafa aukist jafnt og þétt og eru nú um 30 manns sem
leggja fram krafta sína, mismikið þó. Guðrún Margrét
Pálsdóttir er umsjónarmanneskja og einn frumkvöðlanna
en ferðalag sem hún fór í kringum hnöttinn fyrir 10 árum
kveikti þann hugsjónaeld sem drífur starfið áfram. ABC
hefur aðstöðu í húsnæði sem hún og eiginmaður hennar
eiga og lána endurgjaldslaust til starfsins. Nokkrir leigj-
endur eru í húsnæðinu. Sumir þeirra nýta símadömu ABC
og greiða vissa upphæð til starfsins í staðinn auk þess sem
sjálfboðaliðarnir þrífa að hluta og rennur ágóðinn af því til
styrktar 10 bðrnum í Úganda. Rekstarkostnaði er haldið í
algjöru lágmarki og sérhvert framlag fer algjörlega óskipt á
Mósambik hefur þurft
margháttaða aðstoð til
uppbyggingar
þjóðfélagsins eftir
áralangt borgarastríð í
landinu. Hér eru íbúar
við vatnsbrunn í Tete-
héraði sem
Hjálparstofnun
kirkjunnar hefur kostað.
5