Bjarmi - 01.04.1996, Side 31

SKILABOÐ
Til lesenda Bjarma
Dregist hefur að fyrsta tölublað Bjarma á
árinu 1996 sæi dagsins ljós. Ástæður
eru ýmsar og verða þær ekki raktar hér.
Á síðasta ári voru gerðar nokkrar breytingar
á útliti Bjarma. Um leið var leitast við að gera
efnisval og efnistök blaðsins fjölbreyttari. Virtist
það mælast vel fyrir hjá lesendum. Á þessu ári
er ætlunin að halda áfram á sömu braut og
auka enn fjölbreyttni. Það er von aðstandenda
blaðsins að það höfði þannig til stærri og
breiðari hóps og áskrifendum fjölgi. Á því er
mikil þörf svo að fjárhag blaðsins sé borgið.
Núverandi áskrifendur eru hvattir til að taka
höndum saman og kynna blaðið fyrir vinum og
kunningjum og afla þvi fleiri ákrifenda.
Á siðasta ári hættu þau Anna Magnúsdóttir
og Gunnar H. ingimundarson i ritnefnd
Bjarma. Eru þeim færðar þakkir fyrir fórnfúst
starf i þágu blaðsins. Ný ritnefnd hefur nú
tekið til starfa en hana skipa Guðmundur Karl
Brynjarsson, Kjartan Jónsson og Þórunn Elí-
dóttir, auk Benedikts Arnkelssonar sem átt
hefur sæti í rítnefnd um áratuga skeið. Henning
E. Magnússon hefur tekið að sér að annast
fastan dálk í blaðinu sem ber heitið Menning
og listir. Þá verður í auknum mæli leitað til
sjálfboðaliða um að taka að sér blaðamanns-
verkefni og taka tiltekin mál og málefni til
umfjöllunar. Er nýtt fólk boðið velkomið til
starfa við blaðið.
Breyttar áherslur í efnisvali og efnistökum
munu leiða til þess að blaðið flytur ekki í
jafnmikilum mæli og áður fréttir af starfi
hreyfinganna sem gefa blaðið út. Þær gefa allar
út fréttabréf eða blöð og er lesendum bent á
þau.
Fastir dálkar i Bjarma verða nokkrir. Sem
dæmi má nefna Brotið til mergjar, en þar
verður eitthvert mál tekið til umfjöllunar fá
ýmsum hliðum, í brennidepli, þar sem fjallað
verður um málefni sem er í umræðunni
hverju sinni, Innlitið, en þar verður litið inn
til einstaklinga eða hópa og þeir teknir tali af
einhverju tilefni, og Menning og listir, þar sem
bókmenntum, tónlist, myndlist, kvikmynd-
um, leiklist o.fl. verða gerð skil út frá kristnu
sjónarhorni. Loks má nefna að ætlunin er að
gefa lesendum tækifæri til að tjá sig í blaðinu í
dálk sem ber heitið Lesendur hafa orðið.
Árgjaldið fyrir árið 1996 verður kr. 2.700
og verður það innheimt með gíróseðli á
næstunni. Áskrifendur sem nota greiðslukort
eru þó hvattir til að hafa samband við
afgreiðslu blaðsins í síma 588 8899 og gefa
heimild til að innheimta árgjaldið á þann hátt
þar sem það er ódýrari innheimtumáti. Þeir
sem kjósa að greiða með greiðslukorti geta
einnig skipt greiðslunni í tvennt ef þeir vilja
og greitt helminginn núna og afganginn í
haust. Skilvisum áskrifendum eru hér með
færðar þakkir og þeir sem enn skulda árgjald
síðasta árs eru hvattir til að gera skil hið fyrsta.
Það er von þeirra sem standa að útgáfu
Bjarma að blaðið geti um ókomin ár verið
öflugt kristilegt tímarit og boðberi fagnaðar-
erindisins um Jesú Krist.
GJG
Skráning í
sumarbúðir
KFUM & KFUK
Skráning í sumarbúðir
KFUM íVatnaskógi hefst
mánudaginn 22. apríl
n.k. Skráning í aðrar
sumarbúðir félaganna,
þ.e. Vindáshlíð, Ölver,
Kaldársel og Flólavatn,
hefst tveimur dögum
seinna, miðvikudaginn
24. apríl.
Góð heimsókn frá Þýskalandi
Um miðjan febrúar fengu KFUM og KFUK
í Reykjavík og Biblíuskólinn við Holtaveg
góða heimsókn. Var þar á ferð Ulrich Parzany,
framkvæmdastjóri KFUM í Þýskalandi. Hélt
hann fyrirlestra á þremur fræðslukvöldum
Biblíuskólans sem báru yfirskriftina „Trúin,
lífið og ég.“ Fjallaði hann um framtíðina,
þjáninguna og hvernig við getum ræktað
trúna. Síðan talaði hann á þremur sam-
komum sem báru yfirskriftina „Jesús er
vegurinn, sannleikurinn og lífið.“ Samtals var
fjöldi þeirra sem sótti fræðslukvöldin og
samkomurnar um 800 manns.
31