Kirkjuritið - 01.01.1943, Blaðsíða 70
64
Fundir.
Jan.-Febr.
að honum loknum var eftirfarandi fundarályktun gerð, að und-
angengnum umræðum:
„Fundurinn telur húsvitjanir presta til blessunar, séu þær vel
ræktar, og telur sjáifsagt, að prestaköllin séu ekki stærri en svo,
að þeir geti rækt þær sem bezt“.
Fundurinn sendi fráfarandi formanni félagsins, séra Sveini
Vikingi, kveðjuskeyti og biskupinum yfir íslandi svohljóðandi
ávarp:
„Aðalfundur Prestafélags Austurlands, haldinn að Ketiisstöð-
um á Völlum, dagana 11.—12. september, vill þakka biskupi
heimsókn hans á starfsvæði félagsins s. 1. 2 ár og telur, að hún
hafi haft vekjandi áhrif á kirkju- og trúarlif á Austurlandi, og
telur fundurinn það mjög æskilegt, ef biskupinn sæi sér fært,
að endurtaka slíka heimsókn sem fyrst“.
Fundurinn fór hið bezta fram og við mestu rausn búenda á
Ketilstöðum.
Að Joknum fundarstörfum, að kvöldi fyrri fundardagsins
skemtu fundarmenn sér við umræður og söng. Næsti fundur
var áformaður að Vopnafirði í júní n.k. sumar.
í stjórn félagsins voru kosnir: Séra Jakob Einarsson, prófast-
ur, formaður, séra Pétur Oddsson, (féhirðir) og séra Marinó
Kristinsson (ritari).
í varastjórn voru kosnir þeir séra Sigurjón Jónsson og Þórar-
inn Þórarinsson, skólasljóri á Eiðum.
í sambandi við fundinn messuðu fundarmenn í nálægum
kirkjum.
P. T. O.
Aðalfundur
Prestafélagsdeildar Suðurlands var haldinn á Þingvöllum dag-
ana 30. og 31. ágúst s.l. Fyrri daginn, sem var sunnudagur, var
messað á kirkjum í Mosfellsprestakalli, í Reykjavík og á Þing-
völlum, og embættuðu tveir prestar á flestum kirkjum, en biskup
í Þingvallakirkju.
Fundarhöld fóru fram í Þingvallakirkju, en á sunnudags-
kvöldið flutti séra Sigurður Pálsson erindi i kirkjunni, er hann
nefndi: Kristið tiðahald. Aðalumræðuefni fundarins var: Trú
í kristilegum skilningi, og höfðu þar framsögu: Séra Árni Sig-
ursson og séra Sigurbjörn Einarsson. Urðu fjörugar umræður á
eftir, enda teiur deildin það höfuðverkefni sitt, að félagsmenn
lcomi saman sér til uppbyggingar og andlegrar uppörfunar og
ræði jafnframt i bróðerni sameiginleg liugðarefni sin. — Kvöld