Kirkjuritið - 01.08.1955, Blaðsíða 4
Kirkjan.
Kirkjan í Guðsríki kallar oss inn.
Kirkjan er heilagur staður.
í kirkjunni finnur þú Frelsara þinn,
ó, færðu honum hjarta þitt maður.
í kirkjuna far þú með kærleikans yl,
í kirkjunni nærðu þitt hjarta.
í kirkjunni ger þínum konungi skil,
hann kirkjuna gerir þér bjarta.
Hlustaðu eftir þeim himneska óm,
er heyrist frá kirkjunnar sölum;
lofaðu Drottin af lífsglöðum róm,
þótt lifir í skugganna dölum.
Kirkjan skal vera vort kærasta vé
og kærleikans þróttmikli gróður.
Orð Guðs í henni að eilífu sé
vort andlega kjarngóða fóður.
Kirkjuna efli hver einasta sál,
þar alheimsins skaparinn ráði.
Kirkjan skal flytja vort kærasta mál,
er konungur sannleikans tjáði.
Kirkjuna eflum af kærleikans glóð.
í kraftinum trúar og vonar.
Lífstarf vort hennar leggjum í sjóð
sem lærisveinar Guðs sonar.
Kirkjur vér reisum á komandi tíð
á kærleikans grundvelli traustum,
og biðjum þar Drottin að leiða vorn lýð
að lífsins og sælunnar naustum.
Loftur Bjarnason.