Uppeldi og menntun - 01.01.2003, Page 54

BETUR M Á EF DUGA SKAL
þjóna þessu markmiði og er skyldugrein á öllum brautum, alls 3 einingar. Þá kemur
fram að í lífsleikni sé ekki fjallað um efnið út frá fræðilegum forsendum og hug-
myndakerfum, heldur eigi að leggja hugmyndir, lífssýn og forsendur nemendans til
grundvallar {Aðalnámskrá framhnldsskóla. Lífsleikni, 1999: 3).
Það kemur því ekki á óvart að skólar hafa mikið sjálfstæði í útfærslu á greininni. í
aðalnámskránni eru áfangar útfærðir bæði sem einn þriggja eininga áfangi og sem
þrír einnar einingar áfangar. í lokamarkmiði er m.a. stefnt að því að nemandi:
rækti með sér samkennd, samhyggð og virðingu fyrir skoðunum ann-
arra til að geta átt auðug og gefandi samskipti við einstaklinga óháð
kyni, kynferði, þjóðerni, trú og líkamlegu og andlegu atgervi.
(Sama heimild:6).
Þessi setning kemur síðan fram í öllum áfangalýsingum. I lýsingunni á einunr áfang-
anum, LKN 111, er nefnt að viðfangsefnin geti verið margvísleg og er staða kvenna
og karla nefnd sem dæmi.
Lífsleiknin er því mögulegur vettvangur fyrir fræðslu um jafnréttismál og eini
áfanginn þar sem fjölskylduábyrgð á að vera til umfjöllunar samkvæmt inngangi
{Aðalnámskrá framhaldsskóla. Lífsleikni, 1999:3) þó að það sé ekki ítrekað í áfangalýs-
ingum. Það fer síðan eftir áhuga kennara eða stefnu einstakra skóla hvort og hvernig
sú umfjöllun og fræðsla fer fram.
Upplýsinga- og tæknimennt
Þrátt fyrir mikla umræðu um mikilvægi tölvu- og upplýsingalæsis fyrir nútímafólk
og sérstakan áhuga þáverandi menntamálaráðherra á upplýsingatækni fær þessi nýja
námsgrein mjög takmarkað rými í nýrri aðalnámskrá framhaldsskóla. Töluvert er
fjallað um greinina en erfitt reynist að finna henni samastað. í aðalnámskránni um
upplýsinga- og tæknimennt er annars vegar fjallað um tölvufræði sem námsgrein á
kjörsviði náttúrufræðibrautar og hins vegar um almenn marknrið upplýsinga- og
tölvunotkunar í framhaldsskólum sem samþætta á inn í aðrar greinar. Þá er einn
valáfangi UTN 103 fyrir þá sem ekki hafa nægilegan grunn í upplýsinga- og tölvu-
notkun til að nýta sér til gagns í námi.
Töluvert hefur verið fjallað um kynjamun í tölvunotkun og mismunandi áhuga
kynjanna á tölvum í skólum (Sólveig Jakobsdóttir, 1999). Sú umræða virðist skila sér
inn í námskrána ef marka má eftirfarandi umfjöllun um tölvufræðina:
Leggja ber ríka áherslu á að tölvufræðin höfði jafnt til beggja kynja
þannig að viðfangsefnin tengist daglegu lífi, áhugasviðum og reynslu-
heimi beggja kynja ... Einn liður í þessari viðleitni getur verið að fræða
nemendur um frumkvöðlastarf kvenna í þróun tölva og forritunar og
leggja áherslu á að kynna nemendum hvar konur hafa haslað sér völl
innan tölvunarsviðsins
{Aðalnámskrá framhaldsskóla. Upplýsinga- og tæknimennt, 1999:6).