Tímarit lögfræðinga - 01.01.1955, Blaðsíða 47
Frá Félagsdómi.
Stéttarfélög.
Á Akureyri starfar vörubílstjórafélagið Valur, og er
það stéttarfélag sjálfseignarvörubílstjóra. Samkvæmt 2.
gr. samþykkta þess er tilgangur félagsins sá að efla sam-
vinnu og hag sjálfseignarvörubifreiðarstjóra. Skal tilgangi
þessum náð m. a. með því að ákveða taxta fyrir akstur,
gera samninga við atvinnurekendur um kaup og kjör og
vinna á allan hátt að hagsmunamálum félagsmanna.
Hinn 13. september 1954 gerði Valur kjarasamning við
atvinnurekendur á Akureyri, og var í samningi þessum
m. a. svo um samið, að félagsmenn Vals skyldu hafa for-
gangsrétt til bifreiðaleigu á félagssvæðinu og út af því.
Þegar þessi samningur var gerður, voru starfræktar
þrjár vörubifreiðastöðvar á Akureyri: Bifreiðastöðin
Stefnir, Bifreiðastöðin Bifröst og Vörubílastöðin.
Um áramót 1954—1955 tók vörubílstjórafélagið Valur
við rekstri Bifreiðastöðvarinnar Stefnis og rekur hana nú.
Hinn 9. janúar 1955, var jafnframt gerð sú breyting á
samþykktum Vals, að við 2. gr. þeirra var bætt þessu
ákvæði:
,,Það er ennfremur tilgangur félagsins að reka eina
sameiginlega bifreiðastöð fyrir alla félagsmenn, enda
er sérhver félagsmaður, sem hefur bifreið sína í
akstri, skyldur til að hafa þar afgreiðslu."
Hinn 27. febrúar s.l. sótti bifreiðarstjóri, sem samkvæmt
vottorði bæjarfógetans á Akureyri er eigandi bifreiðarinn-
ar A-859, um inngöngu í Vörubílstjórafélagið Val ásamt
8 vörubílstjórum öðrum, sem allir höfðu þá afgreiðslu á
Vörubílastöðinni á Akureyri, enda yrði jafnframt viður-
kenndur réttur þeirra til þess að aka frá Vörubílastöð-
41