Tímarit lögfræðinga - 01.07.1975, Síða 39

stöðumaður), Gaukur Jörundsson, Lúðvík Ingvarsson og Sigurður Líndal. Full-
trúi stúdenta í stjórninni er Sveinn Sveinsson, nú cand. jur.
6. Erlendur fyrirlesari
Árlega býður lagadeild erlendum fræðimanni hingað til lands til fyrirlestra-
halds. Að þessu sinni var boðið dr. jur. G. 0. Zacharias Sundström, prófessor
í Turku. Hélt hann fyrirlestur á 19. norræna laganemamótinu í júní 1974.
Nefndist fyrirlesturinn „Nordisk rátt och europeisk ráttsutveckling“ og er
hann prentaður í Úlfljóti 1974, bls. 282—296.
7. EvrópuráSstefna lagadeilda
i apríl 1974 var haldin i Strasbourg ráðstefna lagadeilda í aðildarríkjum
Evrópuráðsins. Á ráðstefnunni var fjallað um markmið og efni laganáms,
kennsluaðferðir og mat á námsárangri. Fyrir hönd lagadeildar sóttu ráðstefn-
una prófessorarnir Jónatan Þórmundsson og Þór Vilhjálmsson. Kynntu þeir
niðurstöður ráðstefnunnar ítarlega á fundi í lagadeild 29. apríl. Ennfremur
skýrði prófessor Jónatan Þórmundsson frá umræðum á ráðstefnunni á fundi
sem Orator hélt um nám og kennsluaðferðir.
8. Myndasöfn í Lögbergi
Að frumkvæði Páls Sigurðssonar dósents var komið fyrir myndum af 17
lagamönnum í stofu 103 í Lögbergi, svo og mynd af húsi því, sem Lagaskólinn
hafði aðsetur í. Myndir af fyrrverandi prófessorum í lögfræði eru í eigu Ora-
tors og hafa þær verið settar upp í stofu 102.
9. Embættispróf 1974
Á árinu luku eftirtaldir stúdentar embættisprófi í lögfræði:
í janúar: Atli Vagnsson, Hrafnhildur Stefánsdóttir, Jón Magnússon, Kristján
Sigvaldason og Steindór Gunnarsson
í maí: Atli Gíslason, Birgir Guðjónsson, Bjarni Þór Jónsson, Einar Ingi Hall-
dórsson, Gestur Steinþórsson, Gísli Guðmundsson, Guðmundur Pétursson,
Hafþór Ingi Jónsson, Jón G. Briem, Jón Eiríksson, Jón Örn Marinósson, Krist-
ján Stefánsson, Páll Arnór Pálsson, Pétur Már Jónsson, Sigríður Thorlacius,
Sigurður Sigurjónsson, Tryggvi Guðmundsson, Vilhjálmur Þ. Vilhjálmsson, Þor-
björn Árnason, Þorleifur Valgeir Kristinsson, Þorsteinn Páisson.
í september: Arent J. Claessen, Björn Ólafur Hallgrímsson, Lúðvík Emil
Kaaber, ViðarÁ. Olsen.
Alls eru þetta 30 kandidatar. Stunduðu þeir allir nám skv. eldri reglugerð.
I október lauk embættisprófi fyrsti kandidatinn, sem stundaði nám eftir
yngri reglugerðarákvæðum um námstilhögun í lagadeild. Var það Sigurður
Einarsson, sem fékk sérstaka heimild til þess að flýta námi sínu, en hefði ann-
ars átt að Ijúka prófi vorið 1975. Flestir skólafélagar Sigurðar tóku embættis-
prófi í maí 1975 og mynda þeir fyrsta kandidatahópinn eftir nýju reglugerð-
inni. Prófritgerð Sigurðar Einarssonar fjallar um stofnun skaðabótaábyrgðar
seljanda vegna galla í kaupum um ákveðna eign, lausafé og fasteign. Birtist
ritgerðin í Úlfljóti, 4. tbl. 1974 og 1. tbl. 1975.
10. Innritun nýstúdenta
Haustið 1974 var skráður 81 nýliði í lagadeild. Arnljótur Björnsson.
33