Tímarit lögfræðinga - 01.12.1980, Blaðsíða 53

frú Sigrún og Baldur Möller, ráðuneytisstjóri, á móti gestunum af höfðings-
skap og hlýju. — Lögfræðingafélag islands færir hinum góðu gestgjöfum,
ráðuneyti og Reykjavíkurborg, einlægar þakkir.
Á þriðja degi var farið í leiðangur að Gullfossi, Geysi og Þingvöllum [ ein-
hverju bezta veðri í einmunatíð sumarsins. Leiðsögumaðurinn, Sigurður Líndal,
veitti mönnum af sagnabrunni og gæddi þá ekki sízt lífsanda sögu hins forna
Alþingis, er gengið var um Lögberg og Spöngina. Lögfræðingafélagið bauð
gestunum að lokum til kvöldverðar í Valhöll. Þar þakkaði Guðmundur Vignir
Jósefsson ánægjulega samveru, góð kynni og fróðleg og árnaði öllum góðrar
heimferðar og heimkomu.
íslendingar hafa ekki mikið lagt til mála í þessu samstarfi hinna norrænu
lögfræðingasamtaka. Til þess ber það meðal annars, að starfsmenn hafa
félög íslenzkra lögfræðinga enga á borð við þá norrænu, er bundizt hafa
þessum samtökum. Engu að síður er okkur fengur að kynnum af stöðu og
kjörum norrænna lögfræðinga og háskólamanna, og má sá fróðleikur að
gagni koma, ef verkast vill. Þess er því að vænta, að Lögfræðingafélag íslands
haldi tengslum sínum við þessi samtök og þá gjarnan með fulltingi Bandalags
háskólamanna.
Pétur Kr. Hafstein.
247