Tímarit lögfræðinga - 01.11.1981, Blaðsíða 44
Frá
Lögmaimafélagi
íslands
AÐALFUNDUR 1981
Aðalfundur Lögmannafélags íslands var haldinn hinn 26. mars sl.
Formaður, Þorsteinn Júlíusson hrl., flutti skýrslu stjórnarinnar um liðið starfs-
ár. í upphafi minntist formaður Hauks Jónssonar hrl., sem lést á árinu, og
vottuðu félagsmenn hinum látna virðingu sína með því að risa úr sætum.
Á árinu voru haldnir þrír almennir félagsfundir, þar af tveir hádegisverðar-
fundir. Á öðrum þeirra var fjallað um „codex ethicus“, og hafði Hákon Árna-
son hrl. framsögu um það mál. Var aðallega rætt um auglýsingastarfsemi
lögmanna, og sýndist sitt hverjum í því efni, en þó vildi meiri hluti manna,
að núgildandi reglur stæðu óbreyttar eða lítt breyttar.
Á hinum hádegisverðarfundinum var fundarefnið ágripsgerð fyrir Hæstarétt.
Hafði Benedikt Sigurjónsson hæstaréttardómari framsögu í málinu. Flutti hann
ágætt erindi, sem síðar var fjölritað og sent til félagsmanna.
Á þriðja fundinum var fjallað um lífeyrismál. Þar flutti dr. Pétur Blöndal
tryggingarstærðfræðingur mjög fróðlegt erindi og svaraði fyrirspurnum fund-
armanna. Sem kunnugt er eru lögmenn nú lögum samkvæmt skyldir til að
vera í lífeyrissjóði.
Á árinu bárust félaginu 23 erindi, þar sem stjórnin var beðin umsagnar um
leyfisumsóknir til málflutnings fyrir héraðsdómi. Stjórnin mælti með 10 um-
sóknum og ákvað að mæla ekki gegn 11 umsóknum. Mælt var gegn tveim
umsóknum að svo stöddu, en þeir aðilar, sem þar um ræðir, voru báðir
búnir að fá héraðsdómslögmannsréttindi, er aðalfundurinn var haldinn.
Á starfsárinu fengu 6 héraðsdómslögmenn réttindi til málflutnings fyrir
Hæstarétti, en nýir félagar vegna nýrra réttinda eru 23. Á félagaskrá eru nú
111 hæstaréttarlögmenn og 140 héraðsdómslögmenn.
Heiðursfélagi er Rannveig Þorsteinsdóttir hrl. Tólf hæstaréttarlögmenn, 70
ára og eldri, eru gjaldfríir.
Fram kom, að starf stjórnarinnar hefði að mestu verið með hefðbundnum
hætti síðastliðið starfsár, en stjórnarfundir voru haldnir reglulega hvern mið-
vikudag, nema yfir hásumarið og um stórhátíðir. Fram kom, að stærstur hluti
starfstíma stjórnarinnar hefði farið ( afgreiðslu ýmis konar kærumála að
venju. Alls bárust 22 ný kærumál á starfsárinu, og lauk stjórnin afgreiðslu
18 þeirra. Einn úrskurður stjórnarinnar var í kærumeðferð í Hæstarétti, og
staðfesti Hæstiréttur úrskurð stjórnarinnar.
Fastar starfandi nefndir á vegum félagsins eru þrjár, laganefnd, kjaranefnd
og gjaldskrárnefnd. Störfuðu allar þessar nefndir af miklum krafti á árinu.
Fram kom að gjaldskrárnefnd hefðu borist 14 mál til umsagnar og að hún
158