Ægir - 01.03.1999, Qupperneq 20

Netagerð Vestjjarða hf:
Starfstöðvar
á ísafirði
og Hvammstanga
TT
ii á
r'ér eru unnin 15-16
. ársverk. Meirihluti
starfseminnar er hér á
ísafirði en við rekum
einnig lítibú á Hvamms-
tanga og höfum gert það
frá árinu 1985," segir
Magni Guðmundsson,
framkvœmdastjóri Neta-
gerðar Vestfjarða hf.
Útibú á Hvammstanga
var opnað með það að
markmiði að þjónusta
betur báta við Húnafló-
ann, jafnt á Hvamms-
tanga, Skagaströnd og
Hólmavík.
Magni segir að þegar umsvif í
rækjuveiðum í flóanum voru hvað
mest þá hafi flestir starfsmenn verið í
útibúi netagerðarinnar á Hvamms-
tanga en starfsmönnum hefur fækkað
þar undangengin ár.
„Við erum fyrst og fremst í
framleiðslu á botnvörpum, rækjuvörp-
um og dragnótum. Markaðssvæðið er
allt landið en heimamarkaður hér
vestra er sterkastur. Stundum höfum
við þó dottið í lukkupottinn og náð að
selja veiðarfæri til erlendra kaupenda,"
segir Magni og orðar það svo að út-
flutningur styrki sjálfstraustið og vonir
standi til að Netagerð Vestfjarða geti
náð frekari viðskiptum erlendis.
„Við höfum reynt að koma okkur á
framfæri með auglýsingum erlendis og
bréfaskriftum en svona lagað gengur
Unnið að uppsetningu á nýju trolli hjá Netagerð Vestfjarða.
upp og ofan. Ég viðurkenni að fyrir
okkur getur skipt töluverðu máli að ná
í verkefni erlendis, til að mynda getur
uppsetning á stóru rækjutrolli með
öllu tilheyrandi skilað 4-500 vinnu-
stundum.
Þau verkefni sem við höfum unnið
fyrir erlenda aðila hafa verið í kring-
um rækjuveiðar á Flæmska hattinum
og vissulega getur okkur munað mikið
um hvert eitt verkefni," segir Magni.
Kaupendur vilja
heildarlausnir
Að mati Magna á íslensk netagerð fullt
erindi inn á samkeppnismarkað er-
lendis. „Við eigum að vísu erfitt með
að gera samanburð vegna þess að for-
sendurnar eru mismunandi. Mér
finnst að kaupendur leiti í vaxandi
mæli eftir tilboðum í heildarlausnir,
þ.e. veiðarfæri sem eru tilbúin til að
fara um borð og byrja veiðar. Til að
gera raunhæfan samanburð við
erlendar netagerðir þarf að bera saman
sambærileg veiðarfæri. Þá sýnist okkur
að heildarlausnirnar gefi besta mynd,
þ.e. trollin með uppsettri fiskiskilju,
pokum, rokkhopperlengjum, gröndur-
um og jafnvel hlerum.
Hvað okkur varðar þá höfum við á
síðasta ári haft meira að gera í kring-
um uppsetningar á nýjum veiðarfær-
um, þá fyrst og fremst rækjutrollum,
en það er afar sveiflukennt milli ára
hvernig skiptingin er
milli nýrra uppsetninga
og viðgerða. Á þessum
tímapunkti horfum við
með skelfingu á ástand-
ið í rækjuveiðunum en
það getur komið illa við
þær netagerðir sem
mest hafa sinnt þeirri
grein."
Léttari veiðarfæri
og sterkari
Þróunin í veiðarfæra-
gerðinni miðar að sögn
Magna í þá átt að gera
veiðarfærin léttari og sterkari. Svokall-
að dyneema-net, hefur valdið straum-
hvörfum í stækkunarmöguleikum,
vegna þess að hægt er að nota grennri
þráð og minnka með því mótstöðu
veiðarfærisins. Efnið hefur og áhrif á
endingu veiðarfæra.
„Líftíminn er orðinn lengri á veið-
arfærum en var áður. Þegar t.d. rækju-
trollin eru illa farin eru keypt ný. Það
er mun sjaldgæfara að fiskitroll séu
sett upp frá grunni. Þar er venjan sú
að skipt er um hluta í einu og þannig
er í raun alltaf verið að endurnýja. Við
getum því sagt að framþróunin hafi
breytt starfi okkar netagerðarmanna
töluvert frá því sem áður var," segir
Magni Guðmundsson, framkvæmda-
stjóri Netagerðar Vestfjarða hf.
20 MSAin