Heimilið og KRON - 01.01.1938, Qupperneq 3

HEIMILIÐ OG KRON
Framkvæmdir Kron á árinu
Hreinlæti og góð afgreiösla
er krafa neytendanna.
Allt frá stofnun fyrstu pöntunarfélag-
anna í Reykjavík og nágrenni, hefir það
verið matvöruverzlunin, sem langmest á-
herzla hefir verið lögð á að auka og full-
komna. í stað ófullkominna og óvistlegra
húsakynna, sem pöntunarfélögin notuðust
við á frumbýlingsárum sínum, eru nú
komnar margar nýtízku matvörubúðir, sem
standast fyllilega samanburð við erlendar
fyrirmyndarverzlanir um hentugt fyrir.
komulag, hreinlæti og smekkvísi.
Matvöruálagningin hefir lækkaö
um meira en helming.
í fyrstu gætti verðlagsáhrifa pöntunarfé-
laganna ekki að neinu ráði utan þeirra eig-
in vébanda, og vöruverð kaupmannaverzl-
ana var svo miklu hærra, að engin furða
var, þótt það vekti almenna athygli. —
Þegar félögunum óx fiskur um hrygg og
einkum eftir sameiningu þeirra með stofn-
un P. V. R. og síðar Kron, fóru kaupmenn-
irnir að fá alvarlegan beig af þessari sam-
keppni og sýna þess áþreifanlega vott, með
því að lækka sitt eigið vöruverð. Sem dæmi
um þetta undanhald kaupmannanna, er
það, að meðalálagning í Reykjavík á 8
helztu matvörutegundum — í heildsölu og
smásölu — var árið 1936 59%; árið 1937
48% og í des. 1937 28% (sbr. ársskýrslu fé-
lagsins 1937).
Kaupmenn fljóta í kjölfar Kaupfélagsins.
Þannig hafa kaupmannaverzlanirnar,
hver á fætur annarri, eftir því sem
hylli Kaupfélagsins og máttur hefir
aukizt, gengið til viðurkenningar á
því, að það er ekki nema um tvennt að
gera: tapa viðskiptamönnunum að mestu
eða öllu til Kaupfélagsins, eða færa sitt
eigið vöruverð til svo mikils samræmis við
það, að munurinn sé a. m. k. ekki mjög á-
berandi. Þann síðari kost hafa flestir mat-
vörukaupmenn valið, og sannar það um leið
hvílíka geisi-þýðingu Kaupfélagið er farið
að hafa, ekki einasta fyrir sína félagsmenn,
heldur og alla neytendur í Reykjavík og ná_
grenni.
Markviss stefna.
Þó að Kaupfélagið væri þannig búið að
ná miklum og góðum árangri um síðustu
áramót, má enginn ætla, að möguleikarnir
um betri útkomu, hagfelldara dreifingar-
fyrirkomulag, hentugri húsakost o. s. frv.,
hafi þar með verið tæmdir. Það er öðru nær.
Og það einkennir fyrst og fremst stefnu
Kaupfélagsins á þeim hluta ársins, sem lið-
inn er, að það hefir, þrátt fyrir fjölda ann-
ara aðkallandi verkefna, viljað festa sig í
sessi, færa í betra horf og fullkomna þau
viðfangsefni, sem áður var byrjað á að
framkvæma. — Með hliðsjón af þessu ber
að dæma um flestar þær framkvæmdir, sem
stjórn félagsins hefir ráðizt í nú að undan-
förnu.
3