Hlín - 01.01.1924, Blaðsíða 9

Hlin
7
Mintist hún iítilsháttar lýðháskólahreyfingarinnar dönsku
og sagði frá frískólum fyrir börn í Danmörku, er störf-
uðu í líkum anda og lýðskólarnir, en voru gagnólíkir
barnaskólum ríkisins. Lýsti hún heimili fyrirmyndar móð-
ur og kennara, þar sem sameinað var einfalt líf og inni-
leg trúrækni. Ennfremur talaði Kristbjörg Jónatansdóttir
um ýmsa annmarka á núverandi skólafyrirkomulagi og
tóku fleiri í sama streng, einkum að of lítil áhersla mundi
lögð á verklegt nám, en börnum ofþyngt með bóknámi.
Nauðsynleg betri samvinna milli kennara og heimila. Að
loknum umræðum svohljóðandi tillaga samþykt:
»Fundurinn æskir eindregið eftir því, að stjórn S. N.
K. geri sitt ýtrasta til að fá skólastjóra Magnús Helga-
son til að ferðast um á sambandssvæðinu tímanlega á
næsta sumri og flytja fyrirlestra um uppeldismál.«
Fundi frestað til næsta dags.
Um kvöldið flutti Sigurlína Sigtryggsdóttir, Æsustöðum
í Eyjafjarðarsýslu, ágætt erindi um líknarstarfsemi og fje-
lagsskap.
Priðjudag 24. júní var fundi haldið áfram.
VIII. Garðyrkja: Framsögukona Kristbjörg Jónatans-
dóttir. Virtist henni áhugi manna með að sækja sumar-
námsskeið í Gróðrarstöð R. N. hafa dofnað frá því sem
áður var. Óttaðist að ástæðan væri ef til vill sú, að
árangur af ræktun heima í sveitum hefði brugðist vonum
manna. Stakk hún upp á, að konur sameinuðu krafta sína
til að vinna að því að rækta þá staði, þar sem skilyrði
virtust best til slíks. Ýmsar konur töluðu í málinu og
álitu ástæðuna ekki áhugaleysi, heldur erfiðari kringum-
stæður yfirléitt. Svohljóðandi tillaga samþykt:
»Fundurinn vill mælast til þess við Búnaðarfjelag
íslands, að það beiti sjer meir en verið hefir fyrir því,
að kartöflur verði ræktaðar á þeim stöðum sunnan-
lands, sem hagkvæmastir eru, svo hægt sje að birgja