Hlín - 01.01.1924, Qupperneq 25

Hlltl
23
Heimilisiðnaður.
Markaðsþörf. — Markaðsleit.
Framleiðsla á ullariðnaði hefir talsvert aukist í landinu
siðan spunavjelarnar náðu meiri útbreiðslu, enda Ijetu
margir á sjer heyra, að nú þyrfti nauðsynlega að bæta
markaðinn, ef nokkurt framhald ætti að verða á fram-
leiðslunni. Það var sanngjörn krafa til þeirra, sem eggj-
uðu almenning til aukinnar og bættrar heimilisiðnaðar-
framleiðslu, að þeir gerðu það sem í þeirra valdi stæði
til að athuga, hvar fá mætti markað fyrir vöruna. —
Mörgum reis hugur við að fara að tæta smáband í venju-
lega sölusokka og vetlinga, söluhorfur þar heldur ekki
góðar, og framleiðslan öll landi okkar hálfgert til skammar.
Markaður innanlands. Það er engum efa undirorpið,
að langtum meira má selja í Iandinu sjálfu af vel unnum
tóskap en nú á sjer stað, með bættu og breyltu fyrir-
komulagi, enda ættum við einskis að láta ófreistað um
að koma skipulagi á þetta stórþarfa mál, sen skiftir svo
miklu máli fyrir okkur fjárhagslega, heilsufarslega og
þjóðmenningarlega.
Væri íslenskur varningur við hendina í nægu úrvali,
vel útlítandi, eins og það útlenda, og með sanngjörnu
verði, mundi það sýna sig, að landsmenn keyptu það.
jeg hefi þá trú á löndum mínum, að þeir sjeu ekki orðnir
svo blindir, að þeir vilji t. d. heldur íslenska ull, sem
unnin er í útlöndum!
Jeg hefi von um, að landsmönnum lærist smámsaman
að nýju að klæða sig skjóllega og skynsamlega og gera
heimili sín vistlegri og þjóðlegri méð íslenskri vinnu.
Sambandsfjelag norðlenskra kvenna samþ. á nýafstöðn-
um fundi sínum að gera enn alvarlega tilraun um að
koma upp góðri útsölu á Akureyri.