Fréttablaðið - 24.05.2011, Blaðsíða 6
24. maí 2011 ÞRIÐJUDAGUR6
ELDGOS Í GRÍMSVÖTNUM
Grunnskólar og leikskólar á höfuð-
borgarsvæðinu héldu almennt börn-
um innandyra í gær vegna svifryks-
mengunar. Sama gilti um skóla fyrir
austan fjall.
María Róbertsdóttir, leiðbeinandi
á leikskólanum Geislabaugi í Graf-
arholti, segir börnin hafa verið inni
allan daginn. „Þeim fannst þetta allt
í lagi enda eru þau vön að vera inni
einn og einn dag vegna veðurs.“
Óskar S. Einarsson, skólastjóri
Fossvogsskóla, kvað algera stillu
hafa verið í Fossvogsdalnum fyrir
hádegi og börnunum þá verið haldið
inni í frímínútum. „Ef maður stapp-
aði niður fótum eða driplaði bolta
þá sást að það þyrlaðist upp ryk,“
sagði Óskar sem endurmat stöðuna
í hádeginu og gaf börnunum val um
að fara út. „Það voru einstaka sem
nýttu sér það en flestir voru inni.“
Jónína Ágústsdóttir, skólastjóri
Akurskóla í Njarðvíkum, sagði að
þar hefði ekkert verið því til fyrir-
stöðu að hleypa börnunum út. Tveir
bekkir ellefu og tólf ára barna hafi
fylgt eftir áformum um að fara í
skoðunarferð til Reykjavíkur. „Við
létum þau hafa grímur en þegar
til kom þá vildu þau ekki nota þær
því þeim fannst ekki vera svo mikil
aska,“ sagði Jónína.
Í Vesturbæjarskóla í Reykja-
vík voru krakkarnir inni fram að
hádegi. Hildur Hafstað segir börn-
in hafa fengið að fara út í frímínút-
ur í hádeginu. „Þau þurfa að fá að
hlaupa dálítið og voru óskaplega
ánægð þegar þau fengu að fara út,“
sagði Hildur. - gar
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
AUGLÝSINGA- OG
STUTTMYNDAGERÐ
HUGMYND - HANDRIT - TÖKUR
KILIPPING - FRÁGANGUR
FYRIR ÁHUGAFÓLK - KENNT AF FAGFÓLKI
Ef þú ert ein(n) af þeim sem vilt læra með
því að framkvæma þá er þetta námskeið fyrir
þig. 222 stundir af “hands-on” námi, kennt af
fagfólki úr auglýsinga- og kvikmyndageiranum.
Hver nemandi gerir bæði auglýsingu og stutt-
mynd meðan á námskeiðinu stendur.
Ítarlega lýsingu á námskeiðinu er að finna á vefsíðu NTV
Kvöld- og helgarnámskeið hefst
13. september og lýkur 8. des.
Lengd: 222 stundir - Verð: 429.000 kr.
Sérkjör fyrir atvinnulausa (sjá ntv.is)
Eftir að flugumferð um innlenda
flugvelli var stöðvuð á sunnudag
sökum ösku frá eldgosinu í Gríms-
vötnum hafa heyrst kröfur um að
breytingar verði gerðar á hættu-
mati. Eins og stendur fara flug-
málayfirvöld á Íslandi, Isavia,
eftir öskudreifingarspám frá Volc-
anic Ash Advisory Centre (VAAC)
sem unnar eru með bresku veður-
stofunni.
Dr. Jónas Elíasson, prófessor
emeritus við Rannsóknarmiðstöð
Háskóla Íslands í jarðskjálftaverk-
fræði, segir hins vegar í samtali
við Fréttablaðið að bannsvæðið sé
allt of víðtækt. Í stað þess að loka
flugvöllum á grundvelli upplýsinga
frá erlendum stofnunum sé rétt að
koma upp búnaði hér á landi.
„Við gerðum okkar eigin mæl-
ingar á Keflavíkurflugvelli í gær
[sunnudag] meðan á lokuninni stóð,
og þar kom í ljós að öskuþéttleikinn
var 11 míkrógrömm á rúmmetra,
sem er langt undir hættumörk-
um og 350 míkrógrömm mæld-
ust í Reykjavík um kvöldið þegar
mökkurinn gekk yfir.“ Leyfileg
mörk fyrir blindflug eru nú 2.000
míkrógrömm á rúmmetra.
Jónas segir að innlendir aðilar
eigi að koma sér upp tækjabúnaði
og starfsfólki til að geta tekið þess-
ar ákvarðanir sjálfstætt.
„Íslensk flugmálayfirvöld þurfa
að sýna meira frumkvæði í þess-
um málum. Við erum eina landið á
þessu spásvæði sem er með eldfjöll
og því ættu mælingarnar að fara
fram hér á landi.“ Jónas segir að
með nákvæmari mælingum megi
afmarka frekar hættusvæði.
Ásgeir Pálsson, framkvæmda-
stjóri hjá Isavia, segir ekkert
athugavert við að fá ráðleggingar
frá VAAC í London, þar sem spá-
líkön þeirra byggi að nokkru leyti
á gögnum sem opinberir innlend-
ir aðilar safna. „Við getum metið
ákveðnar staðbundnar aðstæður,
en getum ekki virt spákortin að
vettugi,“ segir Ásgeir.
„Tölur sem komu úr mælingun-
um í gær, 350 míkrógrömm, segja
aðeins hver þéttleikinn var á því
afmarkaða svæði. Þess utan geta
verið blettir þar sem aska er mun
þéttari.“
Ásgeir bætir því við að þótt
mæling upp á 350 míkrógrömm sé
undir mörkum sé samt um að ræða
magn sem gæti stytt líftíma þotu-
hreyfla.
Skiptar skoðanir
um öskumælingar
Dr. Jónas Elíasson prófessor gagnrýnir verklag við öskumælingar. Hann segir
innlenda aðila geta gert nákvæmari rannsóknir, koma þurfi upp tækjabúnaði
hérlendis. Flugmálayfirvöld segja of staðbundnar mælingar ekki nógu öruggar.
Forsvarsmenn flugfélaganna Icelandair og Iceland Express eru vongóðir
um að vel muni ganga að vinna upp tafirnar sem eldgosið hefur valdið á
flugumferð til og frá landinu. Um tíu þúsund farþegar urðu fyrir töfum af
völdum gossins, en flug hófst að nýju frá Keflavíkurflugvelli síðdegis í gær.
Guðjón Arngrímsson, upplýsingafulltrúi Icelandair, sagði í gær að til stæði
að bæta við ferðum til að koma hlutum í samt lag sem allra fyrst. „Ef allt
gengur að óskum og það verður opið fyrir flug þá mun það kannski taka
okkur tvo daga í viðbót að ná þessu upp.“
Matthías Imsland, forstjóri Iceland Express, tekur í sama streng og segir
að sú staðreynd að vélar félagsins gátu flogið á sunnudagsmorgun hafi
bjargað miklu. „Ég vonast til þess að í fyrramálið [í dag] verðum við búin að
vinna þetta upp. Það verða mögulega einhverjar seinkanir þá en það virðist
vera að vindast ofan af þessu hratt.“
Tvo daga að vinna upp tafir
MISTUR Á HÖFUÐBORGARSVÆÐINU
Öskumistrið sem lagðist yfir á sunnu-
dagskvöld lá enn yfir í gær og hélt
skólabörnum innandyra. FRÉTTABLAÐIÐ/DANÍEL
Skólabörnum haldið inni vegna öskufalls í gær:
Aska yfir Reykjavík
Grímsvötn
Vatnajökull
Mýrdalsjökull
Hofsjökull
Langjökull
Þjóðvegur 1 lokaður
Kirkjubæjarklaustur
Freysnes
Höfn
La
ka
gíg
ar
Hofgarður
Lómagnúpur
Bárðarbunga
Væntanlegt öskufall
næstu daga
Vík
Vestmannaeyjar
Hvolsvöllur
Hella
Flúðir
Selfoss
Hveragerði Öræfi
Skeið
arársandur
Sk
ei
ða
rá
rjö
ku
ll
Fjöldahjálparstöðvar
Rauða krossins
Skólahald liggur niðri
Sundlaug lokuð
* Skólahald liggur niðri, sennilega alla vikuna
** Hvolsskóli lokaður í dag en sennilega opinn á morgun Heimild: Veðurstofa Íslands
25. maí hádegi
25. maí miðnætti
24. maí hádegi
24. maí miðnætti
23. maí hádegi
23. maí miðnætti
Hamfarasvæðið og leiðbeiningar
Áhrifasvæði öskunnar
Öskufall og öskufjúk hefur sett daglegt líf úr skorðum í nágrenni eldgossins. Íbúum á Suðurlandi hefur víða verið ráðlagt að halda sig innandyra.
Öskuspá í dag
í 20.000 feta hæð
■ 200-2.000 μgr/m3 ■ 2.000-4.000 μgr/m3 ■ >4.000 μgr/m3
Ísland
Grænland
NoregurFæreyjar Rússland
Írland
Skotland
Svalbarði
„Þannig að þó að við myndum
leyfa flug í slíkum aðstæðum,
reikna ég ekki með að flugfélögin
myndu vilja fara í loftið.“
Talsmenn flugfélaganna tveggja,
Icelandair og Iceland Express,
segjast sáttir við hvernig var unnið
úr málum í þetta sinn og hafi full-
an skilning á því hvernig kerfið
sé, þótt gott væri að fá nákvæmari
mælingar til að eyða allri óvissu.
thorgils@frettabladid.is