Morgunn - 01.12.1980, Qupperneq 42

136
MORGUNN
áreksturinn varð, hafi hann kastast á framrúðuna og siðan
út úr bilnum á götuna, þar sem hann lá með 18 beinbrot.
Læknirinn sem kom á slysstaðinn nokkrum minútum síðar
sannreyndi, að hjartað var hætt að slá.
Sjálfur var Jankovich staddur um þrem metrum fyrir ofan
slysstaðinn. Skilningarvit hans voru starfandi og minni hans
nam allt. „Ég sveif yfir slysstaðnum og sá þar liflausan og
stórslasaðan likama minn nákvæmlega í því ástandi, eins og
ég sá því síðar lýst í lögregluskýrslunni.“
Hann horfði á hvernig læknirinn opnaði munn hans með
smáspaða og reyndi að koma honum til að anda. Síðan sá hann
lækninn standa upp og heyrði hann segja með Bern-hreim:
„Það er ekkert hægt að gera. Hann er látinn.“
Jankovich fannst „athyglisvert að horfa á þessa hræðilegu
sýn, hvernig maður létist eftir bílslys þarna niðri . . . ég
sjálfur.“ Og á meðan var hann „laus við geðshræringu, alveg
rólegur, við himneska, unaðslega liðan.“
Þessa lýsingu birti Jankovich sjálfur niu árum eftir slysið.
Hann er nú 58 ára gamall.
IV.
Leikarinn og söngvarinn Charles Aznavour lét líða 16 ár
áður en hann skýrði frá þvi, sem hann varð fyrir þann 31.
ágúst 1956 á þjóðvegi i Frakklandi í námunda við Brignoles.
Það var líka slys. „Of seint að víkja, vörubíllinn birtist svo
skyndilegá, að við áreksturinn gat ég aðeins gripið krampa-
taki um stýrið.“
Hann missti meðvitund, en hafði jafnframt þá skelfilegu
tilfinningu að slys hefði orðið. „Ég var gagntekinn sælukennd,
sem aðeins jókst við það, að þægilegur ylur fór um líkama
minn.“ Hann heyrði einhvern segja: „Guð minn góður! Hann
er dáinn!“
Þá varð honum fyrst ljóst, „að það var verið að tala um
mig. Einhvern veginn fannst mér sem mér létti óskaplega.
Þetta var þá dauðinn, sem við erum svo hrædd við alla okk-
ar ævi.“ — Nú er Charles Aznavour 54 ára gamall.