Morgunblaðið - 20.05.2010, Blaðsíða 44
44 Menning
MORGUNBLAÐIÐ FIMMTUDAGUR 20. MAÍ 2010
Í kvöld á Sódómu Reykjavík
munu tónlistarmennirnir Matthew
Collings og Mikael Lind flytja
frumsamda tónlist sína. Collings er
breskur gítarleikari og lagasmiður.
Hann spilaði á Bedroom Commun-
ity-kvöldinu á Airwaves og á RVK
Réttum í fyrra við góðar undir-
tektir. Svíinn Lind gaf út plötuna
Alltihop í fyrra á vegum Afkima og
fékk hún meðal annars fimm stjörn-
ur hjá gagnrýnanda Morgunblaðs-
ins. Tónleikarnir hefjast klukkan
21 og standa til miðnættis. Aðgang-
ur á þá er ókeypis.
Nýstárleg blanda
á Sódómu í kvöld
Fólk
Blásið verður til þriggja daga blúshátíðar í
Rangárvallasýslu um hvítasunnuhelgina, dagana
21.-24. maí. Hekla Blúsfélag stendur fyrir þess-
ari viðamiklu hátíð sem nú er haldin í annað sinn
og ber nafnið Norden Blues Festival 2010.
Tónleikar verða á víð og dreif um héraðið, en
svokallaðir útgangspunktar hátíðarinnar verða
byggðarkjarnarnir Hella og Hvolsvöllur. Fjöldi
þekktra listamanna mun stíga á svið, bæði inn-
lendir sem erlendir.
Fyrst er að nefna erlenda gesti hátíðarinnar,
norska blúsbandið Vetrhus Blusband, sem hefur
hlotið þann heiður að vera kallað besta blúsband
Skandinavíu.
Listinn yfir þá innlendu tónlistarmenn sem
fram koma er nánast ótæmandi og má þar nefna
Blúsmenn Andreu, KK band, Blue Ice Band, Síð-
asta Séns og Blússveit Þollýjar. Þá verða tvennir
kirkjutónleikar með þeim systkinum KK og Ell-
en.
Á heimasíðu Blúsfélagsins segir að hátíðinni
sé ætlað að efla tónlistarlíf í héraðinu og
skemmta íbúum þess og gestum. Félagsmenn
telja Blúshátíðina kærkomna, enda þungt yfir
mönnum á tímum eldgosa og öskufalls.
Blúsáhugamenn mega ekki láta þennan ein-
staka viðburð framhjá sér fara. Frítt er inn á þá
tónleika sem haldnir verða á veitingahúsum í
héraðinu, en miðar á aðalsviðunum tveimur,
Hvolnum á Hvolsvelli og í Hellubíói, eru til sölu
við innganginn og á midi.is. Frekari uppýsingar
má finna á blues.is.
Blús í Rangárvallasýslu
Morgunblaðið/Skapti Hallgrímsson
Blúsmenn Andreu Verða án efa í stuði.
Fjögurra daga tónleikaveislan
Maíhem á vegum OkiDoki hefst á
skemmtistaðnum Venue í kvöld.
Veislan er haldin í tilefni þess að
skemmtistaðurinn hefur nú fjárfest
í nýjum tónleikagræjum og mun
fjöldi hljómsveita koma fram á
staðnum í tilefni þess. Þær hljóm-
sveitir sem munu spila næstu fjóra
daga eru Reykjavík!, Sudden
Weather Change, Útidúr, DLX
ATX, Quadrupolos, Sing for me
Sandra, Cosmic Call, Caterpill-
armen, Two Tickets to Japan, Tam-
arin/Gunslinger, Dynomo Fog,
Captain Fafanu, Lockerbie, Jungle
Fiction og Me, the slumbering
Napoleon. Miðaverð er 500 til 1000
kr. á tónleikana en frítt verður inn
að þeim loknum þegar plötusnúðar
taka við og halda uppi fjörinu.
OkiDoki með Maíhem á
Venue næstu dagana
Í dag kemur ný plata frá hin-
um hressu Hvanndalsbræðrum í
verslanir. Á plötunni er að finna
12 lög og þar á meðal eru „LA LA
lagið“, „Fjóla“, „Vinkona“ og
Evróvisjónlagið „Gleði og glens“.
Lagið „Vinsæll“ eftir Dr. Gunna í
flutningi þeirra bræðra er svo
komið í spilun á öllum helstu út-
varpsstöðvum landsins.
Hljómsveitin mun halda ferna
útgáfutónleika á næstunni. 27. og
28. maí á Græna hattinum á Ak-
ureyri, 3. júní á Nasa í Reykjavík
og 4. júní í Salthúsinu í Grindavík.
Þetta eru þó ekki einu tónleikar
Hvanndalsbræðra í sumar því að
þeir eru þétt bókaðir og hafa nú
þegar skipulagt á þriðja tug tón-
leika um land allt.
Nóg að gera hjá Hvann-
dalsbræðrum í sumar
Helgi Snær Sigurðsson
helgisnaer@mbl.is
Tónlistarmennirnir Benni Hemm
Hemm og Alasdair Roberts munu
koma fram á tónleikunum Ryk á Bo-
ok, ásamt Blásarasveit Reykjavíkur
undir stjórn Tryggva M. Baldvins-
sonar, hinn 3. júní nk. Á tónleikunum
verður flutt nýtt tón- og textaverk
eftir Benna. Í verkinu er tveimur
tungumálum att saman, íslensku og
skosku, þannig að úr verður tungu-
mál sem hljómar kunnuglega en þó
framandi, eins og því er lýst á vef
Listahátíðar. Benni og Roberts ætla
að syngja persónulega texta, hvor á
sínu tungumáli, en Alasdair er Skoti.
Blásarasveit Reykjavíkur „heldur
söngvunum uppi og flæðir inn í
textaeyður og stundum tekur hún
völdin og sprengir þakið af húsinu“
skv. lýsingu. Tónleikarnir verða
einnig á tónlistarhátíðinni AIM á
Akureyri, 5. júní kl. 15 í Ketilhúsinu.
En degi fyrr, 4. júní, mun Roberts
svo halda sólótónleika á skemmti-
staðnum Venue, Tryggvagötu 22 í
Reykjavík.
Byrjaði að semja 15 ára
Blaðamaður sló á þráðinn til Ro-
berts fyrir nokkrum dögum og
fyrsta spurningin var svohljóðandi:
Hver er Alasdair Roberts?
„Ég var skírður því nafni,“ svarar
Roberts sposkur með skoskum
hreim. Jú, vissulega heitir maðurinn
Alasdair Roberts og er Skoti, sleit
barnsskónum í Callander í Skotlandi
miðju en hefur búið í Glasgow und-
anfarin tíu ár. Blaðamaður hefur að-
eins hlustað á eina af plötum Ro-
berts, Spoils, en hún hefur að geyma
fagra tóna og greinileg áhrif í lög-
unum af skoskri þjóðlagatónlist með
rokkívafi. Platan hefur fengið mikið
lof frá virtum tónlistarritum á borð
við Mojo, Pitchfork og Uncut og Ro-
berts verið hrósað fyrir hugvekjandi
texta og kraftmikla lagasmíði. Ro-
berts segist hafa fengist við tónlist
frá því hann var 15 ára gamall að
taka upp lög heima hjá sér.
Rannsóknarvinna í
Edinborgarháskóla
– Nú hefur þér verið líkt við Will
Oldham en hvernig myndirðu lýsa
tónlist þinni sjálfur?
„Nýja platan sem ég vann með
nokkrum vinum í Glasgow er með
gömlum þjóðlögum. Ég myndi segja
að ég væri að hluta til þjóðlaga-
söngvari en mér finnst líka mikil-
vægt að gefa út nýtt efni þannig að
ég sem líka lög.“
– Þú sækir innblástur í skoska
þjóðlagatónlist fyrst og fremst?
„Já, sífellt meir. Þegar ég hóf fer-
ilinn var það ekki svo mikið en með
aldrinum hef ég unnið meira með
skoska tónlist. Ég varði nýverið
miklum tíma í deild Edinborgarhá-
skóla sem helguð er skoskri tónlist,
fór í gegnum safnið þar. Þar er
margar upptökur að finna á skoskri
þjóðlagatónlist, frá sjötta áratug síð-
ustu aldar og eldri en það. Það er
hægt að vinna með svo margt þar,
það tekur heila mannsævi að vinna
úr því, ef maður hefur nógu mikinn
áhuga á þessu. Ég sé fyrir mér að
vinna meira með þetta efni í framtíð-
inni.“
– Starfarðu með hljómsveit eða
ertu fyrst og fremst sólólistamaður?
„Hvort tveggja. Á nýju plötunni
sem kemur út í júní er ég að vinna
með nýrri hljómsveit, það er aldrei
sami hópur tónlistarmanna milli
platna hjá mér en með sumum vinn
ég oftar en öðrum.“
Hitti Benna í Glasgow
– Hvernig kom samstarf ykkar
Benna Hemm Hemm til?
„Hann hafði hlustað á eina af plöt-
unum mínum og gaf sig á tal við mig
í Glasgow og spurði hvort ég hefði
áhuga á að syngja lögin hans með
honum. Hann lét mig hafa nokkra
geisladiska með tónlistinni sinni og
við hittumst nokkrum sinnum og
prófuðum okkur áfram,“ svarar Ro-
berts.
– Þetta virðist býsna tilrauna-
gjarnt, það sem þið ætlið að gera á
Listahátíð.
„Já, ég veit ekki hvað Benni
myndi segja við því en miðað við þá
forvinnu sem við höfum unnið verður
þetta byggt á lögum en lögin verða
frjálslega túlkuð,“ segir Roberts.
Hann hafi ekki heyrt útsetningar
Blásarasveitar Reykjavíkur og viti
því ekki hvernig tónleikarnir verði.
Roberts hefur ekki leikið áður með
slíkri sveit, hlakkar mikið til þess og
ekki síður að sækja Ísland heim í
fyrsta sinn.
Ljósmynd/Alex Woodward
Alasdair Roberts Skoskur tónlistarmaður sem hlotið hefur mikið lof fyrir verk sín. Hann kemur fram á Listahátíð í Reykjavík og á sólótónleikum.
Þjóðlagasöngvari með meiru
Skoski tónlistarmaðurinn Alasdair Roberts kemur fram á Listahátíð með
Benna Hemm Hemm og heldur sólótónleika Sækir í þjóðlagaarfinn
Roberts hefur gefið út
nokkrar plötur en
fyrstu upptökurnar
gerði hann heima hjá
sér og gaf út árið
1995. Hann hefur með
árunum þokast meir í
átt að skoskri þjóð-
lagatónlist og gaf árið
2001 út fyrstu sólóplötu sína, The
Crook of My Arm, en á henni er
hann einn með kassagítarinn sinn.
Sama ár vann hann með Josan
Molina og Will Oldham og gaf út
plötu með þeim, Amalgamated
Sons of Rest. Á henni má finna lög
eftir tónlistarmennina þrjá. Önnur
sólóplata Roberts, Fare-
well Sorrow, kom út
2003 en á henni naut
hann aðstoðar breskra
og bandarískra tónlist-
armanna. Þriðju plötuna
framleiddi Will Oldham,
No Earthly Man frá
árinu 2005 en á henni
má finna blöndu breskra þjóðlaga,
ballöður með sorgarundirtóni, en
bræðurnir Paul og Will Oldham
leika m.a. á henni. Platan The Am-
ber Gatherers kom út tveimur ár-
um síðar og Spoils í fyrra. Og í júní
kemur svo út sjötta sólóplatan,
Too Long In This Condition.
Sjötta sólóplatan væntanleg
PLÖTUR ALASDAIR ROBERTS
www.alasdairroberts.com