Morgunblaðið - 09.05.2011, Blaðsíða 9

STANGVEIÐI
Önundur Páll Ragnarsson
onundur@mbl.is
Útlit er fyrir mun betri vatnsbúskap
í laxveiðiám víða á landinu í sumar
en í fyrra. Fátt er svo með öllu illt að
ei boði gott og á það ekki síður við
um hið kalda og úrkomusama vor
hingað til. Sumarið 2010 sló flest
met hvað öfgar í tíðarfari varðar og
um tíma voru sumar ár orðnar varla
fiskgengar vegna vatnsleysis.
Eiríkur Pálsson, veiðivörður á
Arnarvatnsheiði, segir talsvert meiri
snjó á heiðinni, þar sem Miðjarðará
á upptök sín og sömuleiðis í Snjó-
fjöllum á Holtavörðuheiði, þar sem
efstu drög Norðurár í Borgarfirði
liggja. Sumar tjarnir á Arnarvatns-
heiði séu líka fullar af vatni sem var
lítið í á sama tíma í fyrra. „Það lítur
því betur út með Miðfjarðará núna
en í fyrra,“ segir Eiríkur.
Meiri vatnsforði
Jón Þór Júlíusson hjá Laxi ehf.,
sem hefur margar ár á leigu segir
snjó í fjöllum svo sem ekkert gífur-
lega mikinn, en það séu skaflar víða
þar sem ekkert var síðasta vor. „En
grunnvatnsstaðan almennt er bara
miklu betri. Tjarnir, vötn og mýrar
eru í miklu betra ásigkomulagi,“
segir Jón Þór. „Horfurnar eru mikl-
um mun betri en í fyrra. Það sem fór
með þetta í fyrra var maímánuður.
Hann gerði útslagið með endalausri
sól og blíðu.
Önnur lögmál í Blöndu
Stefán Sigurðsson, sölustjóri Lax-
ár, sem hefur Rangárnar, Tungu-
fljót, Blöndu, Víðidalsá, Langadalsá
og fleiri ár á leigu, tekur í sama
streng og segir útlitið betra.
Um Blöndu gilda önnur lögmál en
hinn náttúrulegi vatnsbúskapur einn
og sér, því Stefán var í gær mjög já-
kvæður um útlitið í Blöndu. Vatns-
hæðin í Blöndulóni er nefnilega í
sögulegu lágmarki, vegna aukinnar
raforkunotkunar á landinu. Meira
vatni hefur því verið hleypt á túrb-
ínurnar undanfarin misseri en oft
áður. Þetta þýðir að langan tíma
mun taka að fylla lónið og líklegra að
mórautt jökulvatnið flæði ekki um
yfirfallið fyrr en komið er fram í
ágúst. Þannig helst áin tær og fín
lengur og veiðin getur staðið lengur.
„Það lítur því vel út með Blöndu,“
segir Stefán kampakátur með hina
miklu rafmagnsnotkun landans.
Þröstur Elliðason hjá Strengjum,
sem eru með Breiðdalsá og fleiri ár á
Norður- og Austurlandi, segir
ástandið þar svipað og í fyrra og út-
lit fyrir ágætan vatnsbúskap sem
verði sjaldnast jafnslæmur þar og
suðvestanlands.
Vatnsdalsá Veiðimaður býr sig undir að sleppa 88 cm hæng sem veiddist á silungasvæðinu í Vatnsdalsá árið 2007.
 Meiri snjór í fjöllum og meira vatn í mýrum og tjörnum
 Gott útlit í Blöndu þar sem lónið er í sögulegu lágmarki
MORGUNBLAÐIÐ MÁNUDAGUR 9. MAÍ 2011
hyggst þó ekki
sitja auðum
höndum heldur
ætlar sér að
skrifa bók um
sögu skólans.
Jón segir í
raun furðulegt
hvað heimurinn
hafi breyst mikið
á starfsferlinum
og tækninni hafi fleygt fram. Í byrj-
un voru notaðar krítartöflur en nú
eru komnar til sögunnar gagnvirkar
stofutöflur. Þá minnist hann fyrstu
busavígslu skólans. Hún var með
þeim hætti að nemendur áttu að
standa á öðrum fæti og fara með
vísur. Þetta segir Jón að myndi ekki
María Ólafsdóttir
maria@mbl.is
Jón F. Hjartarson lætur nú í sumar
af störfum sem skólameistari Fjöl-
brautaskóla Norðurlands á Sauð-
árkróki eftir 32 ára starf. En hann
hefur verið skólameistari skólans
allt frá upphafi.
„Ég er 97 ára samkvæmt kenn-
arastaðli. Ætli ég sé ekki bara að
verða löggilt gamalmenni,“ segir
Jón léttur í bragði þegar blaðamað-
ur slær á þráðinn til hans. Bætir
síðan við að konan sín reyndar
hristi höfuðið yfir þessu. „Það er
hvort tveggja tregabundið og
dásamlegt að hverfa frá eftir svo
langan tíma,“ segir Jón. Hann
ganga í dag. Hugmyndin kom frá
Rómverjum en það hafði gerst í
sögu þeirra að maður hafði verið
talinn svo málgefinn að ræðutími
hans var gjarnan langur. Hann var
því beðinn um að flytja erindi sitt á
meðan hann gæti staðið á öðrum
fæti. Jón starfaði áður sem kennari
á Suðurnesjum og síðan sem
aðstoðarskólameistari á Akranesi.
Eiginkona Jóns er Skagfirðingur en
sjálfur segist hann þurfa að fara aft-
ur á 15. öld til að rekja ættir sínar
þangað. Jón er nú við að ljúka sínu
síðasta skólaári og segist hafa lofað
sjálfum mér að hann myndi hætta
um þær mundir sem haustlitirnir
kæmust í fjöllin og áður en bændur
rækju rollur sínar af fjöllum.
Busar stóðu á öðrum fæti
Jón F. Hjartarson
 Jón F. Hjartarson skólameistari lætur af störfum eftir 32
ára starf við Fjölbrautaskóla Norðurlands á Sauðárkróki
Yfir 150 sjóbirtingar hafa veiðst
í Laxá í Kjós það sem af er tíma-
bilinu sem hófst um miðjan apr-
íl. Kjartan Marinó Kjartansson,
umsjónarmaður veiðihússins
við ána, segir þetta góða veiði,
enda hafi alls ekki verið hægt
að veiða alla daga vegna veð-
urs.
„Í gær veiddist einn 76 senti-
metra sjóbirtingur og annars 64
sentimetra á sömu stöng,“ seg-
ir Kjartan. Tíu til tólf fiskar hafa
veiðst á dag og í veiðibókinni er
skráð talsvert af 60 til 70 senti-
metra fiskum. Öllum sjóbirtingi
er sleppt í Laxá í Kjós.
Góð veiði í
Kjósinni
SJÓBIRTINGSVEIÐIN
Mun betri vatnsbú-
skapur í laxveiðiám
Morgunblaðið/Einar Falur